روايه الصافي الجزء التاني

روايه الصافي 5

ﺍﻟﻤﻌﻢ ﻋﻼﻗﺘﻬﻢ ﺍﺗﻘﻄﻌﺖ ﺩﻱ ﻣﺘﺄﻛﺪﻩ ﻣﻨﻬﺎ ﻟﻜﻦ ﺍﻟﺘﻔﺎﺻﻴﻞ ﺷﻨﻮ ﻣﺎﻋﺎﺭﻓﺔ ..

ﻣﺆﻳﺪ ﻗﺎﻝ ﻟﻴﻬﻢ ﺍﻫﺎ ﺷﻔﺘﻮ .. ﺍﻫﺎ ﺷﻔﺘﻮ .. ﺍﻧﺎ ﺍﺻﻠﻮ ﻛﻼﻣﻲ ﻣﺎﺑﻘﻊ ﻭﺍﻃﺔ .. ﻟﻜﻦ ﻓﻲ ﻧﺎﺱ ﻭﻫﻢ ﻛﺪﺍ .. ﻣﺎﺻﺪﻗﻮﻧﻲ .. ﻭﻋﺎﻳﻦ ﻟﻤﺤﻤﺪ ﺑﻲ ﻃﺮﻑ ﻋﻴﻨﻮ ..

ﻣﺆﻳﺪ ﻗﺎﻝ ﻟﻲ ﺗﺴﺎﺑﻴﺢ .. ﻋﻠﻴﻚ ﺍﻟﻠﻪ ﻳﺎﺗﺴﺎﺑﻴﺢ ﺗﻌﺎﻟﻲ .. ﻋﺎﻳﺰﻙ ﻓﻲ ﻣﻮﺿﻮﻉ ﺿﺮﻭﺭﻱ ﺷﺪﻳﺪ .. ﺳﺎﻗﻬﺎ ﻗﻌﺪﻭ ﺑﻌﻴﺪ ﺍﻻﺗﻨﻴﻦ ..

ﻋﺎﻳﺰﻙ ﺗﻤﺸﻲ ﻟﻲ ﻟﻴﻨﺔ .. ﻭﺗﻘﻮﻟﻲ ﻟﻴﻬﺎ ﻛﻼﻣﻲ ﺩﻩ ﺑﺎﻟﻨﺺ .. ﻗﻮﻟﻲ ﻟﻴﻬﺎ ﻋﺎﺭﻓﺔ ﻳﺎ ﻟﻴﻨﺔ .. ﻣﺆﻳﺪ ﻧﺪﻣﺎﻥ ﺷﺪﻳﺪ .. ﺍﻧﻮ ﺍﺗﺨﻼ ﻋﻨﻚ .. ﻭﻏﺎﻳﺮ ﺷﺪﻳﺪ ﻣﻦ ﺧﻠﻄﻚ ﻟﻲ ﺍﻟﺼﺎﻓﻲ .. ﻭﺍﻟﺒﺎﺭﺡ ﺻﺮﺡ ﻟﻲ ﺑﻲ ﻛﻼﻡ ﺧﻄﻴﺮ .. ﻗﺎﻝ ﻟﻲ ..

ﺍﻧﺎ ﻭﺍﻟﻠﻪ ﻟﻴﻨﻪ ﻛﻨﺖ ﺩﺍﻳﺮﻫﺎ ﺷﺮﻳﻜﺔ ﺣﻴﺎﺗﻲ ﻟﻠﻤﺴﺘﻘﺒﻞ ..

ﻭﻋﻼﻗﺘﻲ ﺑﻲ ‏( ﻟﻤﻰ ‏) .. ﻛﺎﻧﺖ ﻋﻼﻗﺔ ﻋﺎﺑﺮﺓ .. ﻋﻼﻗﺔ ﺑﺘﺎﻋﺔ ﺍﺳﺘﻠﻄﺎﻑ .. ﺍﺻﻼ ﻫﻲ ﻣﺎ ﻣﻨﺎﺳﺒﺔ ﻟﻲ .. ﻟﻜﻦ ﻟﻴﻨﺔ ﺍﺣﺮﺟﺘﻨﻲ ﻗﺪﺍﻡ ﺍﻟﻨﺎﺱ .. ﻋﺸﺎﻥ ﻛﺪﺍ ﺍﻧﺎ ﻓﻘﺪﺕ ﺍﻋﺼﺎﺑﻲ .. ﻭﻗﻠﺖ ﻟﻴﻬﺎ ﻛﻼﻡ ﻣﺎﻻﻳﻖ .. ﻭﺿﺮﺑﺘﻬﺎ .. ﻭﻫﺴﻲ ﻭﺍﻟﻠﻪ ﺑﺪﻋﻲ ﻓﻲ ﺻﻼﺗﻲ .. ﺍﻧﻮ ﺭﺑﻨﺎ ﻳﺮﺟﻊ ﻟﻲ ﻟﻴﻨﺔ .. ﺣﺐ ﺣﻴﺎﺗﻲ ..

ﺑﺲ ﺍﻧﺘﻲ ﻗﻮﻟﻲ ﻟﻴﻬﺎ ﺍﻟﻜﻼﻡ ﺩﻩ ﺑﺎﻟﻨﺺ .. ﻛﺪﻱ ﻛﺮﺭﻳﻬﻮ ﻟﻲ ﺗﺎﻧﻲ ﻳﺎﺗﺴﺎﺑﻴﺢ ..

ﻗﺎﻟﺖ ﻟﻴﻬﻮ ﺍﻟﻠﻪ ﻳﺎ ﻣﺆﻳﺪ ﺣﻔﻈﺘﻮ .. ﺧﻼﺹ .. ﻗﺎﻟﻴﻬﺎ ﻗﻠﺖ ﻟﻴﻚ ﻛﺮﺭﻳﻬﻮ ﻟﻲ .. ﻣﺎﺗﻘﻔﻠﻴﻬﺎ ﻣﻌﺎﻱ .. ﻛﺮﺭﺗﻮ ﻟﻴﻬﻮ ﻛﻠﻤﺔ ﻛﻠﻤﺔ .. ﻃﺒﻌﺎ ﻧﻮﻋﻴﺔ ﺍﻟﺒﻨﺎﺕ ﺩﻳﻞ .. ﻓﻲ ﺣﻔﻆ ﺍﻟﺸﻤﺎﺭﺍﺕ ﺍﻟﺬﻱ ﺩﻱ .. ﻣﺎﺷﺎﺀ ﺍﻟﻠﻪ ﻣﺎﺑﻔﻮﺗﻮ ﻛﻠﻤﺔ .. ﻫﻲ ﺗﻜﺮﺭ ﻟﻴﻬﻮ ﻓﻲ ﺍﻟﻜﻼﻡ .. ﻭﻫﻮ ﻳﻌﺎﻳﻦ ﻟﻴﻬﺎ ﻭﻳﺘﺒﺴﻢ .. ﻗﺎﻝ ﻟﻴﻬﺎ ﻭﺍﻟﻠﻪ ﺍﻧﺎ ﻣﺎﺣﺎﻓﻈﻮ ﺯﻳﻚ ﻛﺪﺍ .. ﻳﻼ ﺍﻣﺸﻲ ﺭﺑﻨﺎ ﻳﻮﻓﻘﻚ ..

ﻗﺎﻟﺖ ﻟﻴﻬﻮ ﻟﻜﻦ ﻋﺎﻳﺰﺓ ﺍﺳﺄﻟﻚ .. ﺍﻧﺖ ﺟﺎﺩﻱ ﻓﻲ ﺍﻟﻜﻼﻡ ﺩﻩ .. ﻭﺍﻟﻠﻪ ﺍﻧﺎ ﺑﺮﺍﻱ ﻫﺴﻲ ﺻﺪﻗﺘﻮ .. ﻗﺎﻝ ﻟﻴﻬﺎ ﺟﺎﺩﻱ ﺑﺘﺎﻋﺔ ﻗﻠﺒﻚ؟؟ .. ﺍﻣﺸﻲ ﺍﻣﺸﻲ ﻛﻠﻤﻴﻬﺎ .. ﺑﺲ ﻭﺗﻌﺎﻟﻲ ﻭﺭﻳﻨﻲ ﺑﺘﻘﻮﻝ ﻟﻴﻚ ﺷﻨﻮ ؟

..

ﻭﻣﺸﻰ ﻛﺎﻳﺲ ﻟﻴﻬﻮ ﻟﻲ ﻭﺍﺣﺪﺓ ﺍﺳﻤﻬﺎ ﺯﻭﺑﺔ .. ﺍﺳﻤﻬﺎ ﺍﻟﺤﻘﻴﻘﻲ ﺯﻳﻨﺐ .. ﻟﻜﻦ ﻣﺎﻓﻲ ﺯﻭﻝ ﺑﻘﻮﻝ ﻟﻴﻬﺎ ﺯﻳﻨﺐ .. ﻛﻮﻳﺲ؟ﻃﺒﻌﺎ ﻣﻦ ﺍﻟﺼﺒﺎﺡ ﺍﻟﺼﺎﻓﻲ ﻛﺎﻥ ﻛﺎﻳﺲ ﻟﻲ ﻟﻴﻨﺔ .. ﺑﺲ ﻋﺸﺎﻥ ﻳﺸﻮﻑ ﺻﺤﺘﻬﺎ ﻭﻳﻜﻔﺮ ﻟﻴﻬﺎ .. ﻋﺎﻳﻦ ﻟﻴﻬﺎ ﻣﻦ ﻫﻨﺎﻙ .. ﻭﺷﻜﻠﻬﺎ ﻣﺎﻛﻮﻳﺴﺔ .. ﻭﺍﻗﻔﺔ ﻣﻊ ﺍﻟﺒﻨﺎﺕ .. ﺍﻭﻝ ﻣﻦ ﺷﺎﻓﺘﻮ ﺟﺎﻱ ﻣﺎﺷﻲ ﻋﻠﻴﻬﺎ .. ﻓﺎﺗﺖ ﺍﺑﺖ ﺗﻨﺘﻈﺮﻩ .. ﺍﻟﺒﻨﺎﺕ ﺍﺳﺘﻐﺮﺑﻦ ﺍﻟﺰﻭﻝ ﺟﺎﻱ ﻣﺎﺷﻲ ﻋﻠﻴﻨﺎ .. ﺍﻟﺒﺖ ﺩﻱ ﻣﺎﻻ ﺍﻧﺴﺤﺒﺖ ﺑﺮﺍﺣﺔ ﻛﺪﺍ ﻓﺎﺗﺖ ..

ﺍﻟﺼﺎﻓﻲ ﺟﺎ ﺳﻠﻢ ﻋﻠﻰ ﺍﻟﺒﻨﺎﺕ .. ﻭﻗﺎﻝ ﻟﻴﻬﻢ ﻛﻴﻒ ﻳﺎﺟﻤﺎﻋﺔ ﻟﻴﻨﺔ ؟ .. ﺍﻥ ﺷﺎﺀ ﺍﻟﻠﻪ ﻛﻮﻳﺴﺔ ؟؟ ﺯﻭﺑﺔ ﻗﺎﻟﺖ ﻟﻴﻬﻮ ﻭﺍﻟﻠﻪ ﻣﺎ ﺑﻘﺖ ﻛﻮﻳﺴﺔ .. ﻣﺎﺑﻌﺮﻑ ﺍﻟﺠﺎﺑﻬﺎ ﺷﻨﻮ . ﺍﻧﺖ ﻳﺎ ﺍﻟﺼﺎﻓﻲ ﻟﻴﻨﺔ ﺩﻱ ﺯﻋﻼﻧﺔ ﻣﻨﻚ؟ .. ﻗﺎﻝ ﻟﻴﻬﺎ ﺷﻜﻠﻬﺎ ﻛﺪﺍ .. ﻟﻜﻦ ﺧﻠﻴﻬﺎ ﺑﻰ ﺭﺍﺣﺘﻬﺎ ﻣﺎﺗﺴﺄﻟﻴﻬﺎ ..

ﺍﻟﺼﺎﻓﻲ ﻋﺎﺭﻑ ﺍﻧﻮ ﻟﻴﻨﺔ ﻣﺸﺖ ﻣﻦ ﺟﻨﺐ ﺍﻟﺒﻨﺎﺕ .. ﻋﺸﺎﻥ ﺗﻨﻔﺬ ﺗﻌﻠﻴﻤﺎﺗﻮ .. ﻻﻧﻮ ﻗﺎﻝ ﻟﻴﻬﺎ ﻣﺎﻋﺎﻳﺰﻙ ﺗﻘﺎﺑﻠﻴﻨﻲ .. ﻟﻜﻦ ﻃﺒﻌﺎ ﺍﻟﺼﺎﻓﻲ ﺍﻋﺘﺒﺮ ﺣﻜﺎﻳﺔ ﻳﻘﻮﻝ ﻛﻔﺎﺭﺓ ﻭﻳﺤﻤﺪ ﺍﻟﻠﻪ ﻋﻠﻰ ﺍﻟﺴﻼﻣﺔ .. ﺩﻩ ﻣﻮﺿﻮﻉ ﻣﺎﻋﻨﺪﻭ ﻋﻼﻗﺔ . ﻳﻌﻨﻲ ﺍﻱ ﻭﺍﺣﺪ ﻓﻴﻬﻢ ﺍﻻﺗﻨﻴﻦ .. ﻓﺎﻫﻢ ﺍﻟﺤﺎﺻﻞ ﺑﻲ ﻃﺮﻳﻘﺔ ﻣﺨﺘﻠﻔﺔ ..

ﻗﺎﻝ ﻟﻴﻬﺎ ﻳﺎﺯﻭﺑﺔ .. ﻃﻴﺐ ﻫﻲ ﻟﻴﻪ ﺟﺎﺕ ؟ .. ﻗﺎﻟﺖ ﻟﻴﻬﻮ ﻭﺍﻟﻠﻪ ﻣﺎﻋﺎﺭﻓﺔ ..

ﻫﻲ ﻛﺎﻧﺖ ﺑﺘﺤﻜﻲ ﻟﻴﻨﺎ ﻗﺎﻟﺖ .. ﻋﻨﺪﻱ ﻣﺸﻜﻠﺔ ﻓﻲ ﺍﻟﺪﻡ ﺍﻻﺑﻴﺾ .. ﻭﺍﺗﻬﻤﻮﻧﻲ ﺑﻲ ﺗﺎﻳﻔﻮﻳﺪ .. ﻟﻜﻦ ﻣﺎﻇﻬﺮ ﻓﻲ ﺍﻟﻔﺤﺺ .

ﻗﺎﻝ ﻟﻴﻬﺎ ﻣﺸﺎﻛﻞ ﺍﻟﺪﻡ ﺍﻻﺑﻴﺾ .. ﻣﻤﻜﻦ ﺗﺤﺼﻞ ﻣﻦ ﻣﺠﺮﺩ ﺍﻻﻟﺘﻬﺎﺏ .. ﻣﺎ ﺑﺎﻟﻀﺮﻭﺭﺓ ﻳﻜﻮﻥ ﺗﺎﻳﻔﻮﻳﺪ ..

ﻗﺎﻟﺖ ﻟﻴﻬﻮ ﻏﺎﻳﺘﻮ ﻫﻲ ﻣﺎﻗﺎﺩﺭﺓ ﺗﻘﻴﻒ .. ﺭﺍﺳﻬﺎ ﻻﻓﻲ ..

ﺧﻠﻴﻨﻲ ﺍﻣﺸﻲ ﺍﺣﺼﻠﻬﺎ .. ﻭﺍﻟﺼﺎﻓﻲ ﻣﺸﻰ ﻟﻜﻦ ﺑﻘﻰ ﻣﻘﻠﻖ .. ﻭﺑﻘﻰ ﻣﺎﻣﺮﻛﺰ ﻧﻬﺎﺋﻲ ..

ﺯﻭﺑﺔ ﻣﺸﺖ ﺣﺼﻠﺖ ﻟﻴﻨﺔ .. ﻗﺎﻟﺖ ﻟﻴﻬﺎ .. ﺍﻧﺘﻲ ﻣﺎﻟﻚ ﻳﺎﺑﺖ؟؟ ﻛﺪﻱ ﻓﻬﻤﻴﻨﻲ ..

ﺍﻧﺘﻲ ﺑﻴﻨﻚ ﻭﺑﻴﻦ ﺍﻟﺼﺎﻓﻲ ﻓﻲ ﻣﺸﻜﻠﺔ ؟ .. ﻗﺎﻟﺖ ﻟﻴﻬﺎ ﺑﺤﻜﻲ ﻟﻴﻚ ﻫﺴﻲ ﺩﺍﻳﺮﺓ ﺍﺧﺪ ﻟﻲ ﻗﻌﺪﺓ ﺷﻮﻳﺔ .. ﻭﺍﺟﺮ ﻧﻔﺴﻲ ..

ﻗﺎﻟﺖ ﻟﻴﻬﺎ ﻟﻮ ﺍﻟﺼﺎﻓﻲ ﻋﻨﺪﻭ ﻣﻌﺎﻙ ﺍﺷﻜﺎﻝ .. ﺧﻠﻴﻬﻮ ﻭﻻ ﻳﺄﺛﺮ ﻋﻠﻴﻚ .. ﻻﻧﻮ ﻓﻲ ﺧﺒﺮ ﺑﻲ ﻣﻼﻳﻴﻦ .. ﻋﺎﻳﺰﺓ ﺍﻗﻮﻟﻮ ﻟﻴﻚ .. ﻗﺎﻟﺖ ﻟﻴﻬﺎ ﻗﻮﻟﻲ ﻳﺎﺯﻭﺑﺔ ..

ﻗﺎﻟﺖ ﻟﻴﻬﺎ ﻻﻗﺎﻧﻲ ﻣﺆﻳﺪ ﻃﺒﻌﺎ .." ﻭﻧﺪﻣﺎﻥ ﻭﺳﺎﻓﻲ ﺍﻟﺘﺮﺍﺏ .. ﻭﻳﺘﻜﻠﻢ ﻭﺗﺨﻨﻘﻮ ﺍﻟﻌﺒﺮﺓ .. ﻗﺎﻝ ﻟﻲ ﺍﻧﺎ ﻋﺎﻳﺰ ﻟﻴﻨﺔ ﻋﻠﻰ ﻛﺘﺎﺏ ﺍﻟﻠﻪ ﻭﺳﻨﺔ ﺭﺳﻮﻟﻪ .. ﻭﻗﺎﻝ ﻟﻲ ﻧﻔﺴﻲ ﺑﺲ ﺗﺘﻜﻠﻢ ﻣﻌﺎﻱ .. ﻋﺸﺎﻥ ﺍﻋﺘﺬﺭ ﻟﻴﻬﺎ ﻭﺍﺗﺎﺳﻒ ﻟﻴﻬﺎ ..

ﺑﺨﺘﻚ ﻳﺎ ﻟﻴﻨﺔ ..

ﻟﻴﻨﺎ ﻗﺎﻟﺖ ﻟﻴﻬﺎ ﻋﻠﻴﻚ ﺍﻟﻠﻪ ﻳﺎ ﺯﻭﺑﺔ .. ﻣﺎﺗﺰﻳﺪﻱ ﻟﻲ ﻣﺮﺿﻲ ﺍﻟﻌﻠﻲ .. ﻣﺆﻳﺪ ﺷﻨﻮ ﺗﺎﻧﻲ ﺍﻟﺒﻘﺒﻞ ﻋﻠﻴﻬﻮ .. ؟؟ ﺍﻧﺎ ﺳﺎﻣﺤﺘﻮ ﻭﻋﺎﻓﻴﺔ ﻟﻴﻬﻮ .. ﻟﻜﻦ ﺗﺎﻧﻲ ﻣﺎﺑﻴﻨﻮ ﻭﺑﻴﻨﻮ ﻻﺧﻴﺮ ﻻﺷﺮ .. ﺩﻱ ﺻﻔﺤﺔ ﻭﺍﻧﺎ ﻃﻮﻳﺘﻬﺎ ..

ﺍﻧﺎ ﺍﻟﺼﺎﻓﻲ ﻳﺎﺯﻭﺑﺎ ﻣﺴﺦ ﻋﻠﻲ ﺍﻟﺮﺟﺎﻝ ﻻﺣﺪﻫﻢ .. ﺍﻟﺼﺎﻓﻲ ﻟﻮ ﺧﻼﻧﻲ ﻣﺎ ﻣﺸﻜﻠﺔ .. ﺡ ﻳﻔﻀﻞ ﺟﻮﺍﻱ ﻟﻐﺎﻳﺔ ﻣﺎ ﺍﻣﻮﺕ .. ﺍﻣﺎ ﻣﺆﻳﺪ ﻭﻻ ﻏﻴﺮﻭ ﺗﺎﻧﻲ ﺩﻳﻞ ﻣﺎﻋﻨﺪﻱ ﻟﻴﻬﻢ ﺷﻲ .. ﻗﻮﻟﻲ ﻟﻴﻬﻮ ﻋﺎﻓﻴﺔ ﻟﻴﻚ .. ﻭﻣﺴﺎﻣﺤﺎﻙ ﻟﻜﻦ ﻣﺎﺑﻴﻨﻲ ﻭﺑﻴﻨﻚ ﺷﻲ ..

ﺯﻭﺑﺔ ﻗﺎﻟﺖ ﻟﻴﻬﺎ .. ﻟﻜﻦ ﻫﺴﻲ ﺍﻟﺼﺎﻓﻲ ﺍﺩﺍﻙ ﻛﻼﻡ ﻛﺪﺍ ﺑﺪﻝ ﻋﻠﻰ ﺍﻧﻮ ﺑﺎﻗﻲ ﻋﻠﻴﻚ ؟ .. ﻗﺎﻟﺖ ﻟﻴﻬﺎ ﺍﺑﺪﺍ ﺑﺎﻟﻌﻜﺲ .. ﻗﺎﻝ ﻟﻲ ﻧﻘﻄﻊ ﻋﻼﻗﺘﻨﺎ ..

ﺯﻭﺑﺎ ﻗﺎﻟﺖ ﻟﻴﻬﺎ .. ﻳﺎ ﻟﻴﻨﺔ ﺍﻧﺘﻲ ﻛﺪﺍ ﺡ ﺗﺪﻓﻘﻲ ﻣﻮﻳﺘﻚ ﻋﻠﻰ ﺍﻟﺮﻫﺎﺏ ..

ﻗﺎﻟﻮ ﺟﺮﺍﺩﺓ ﻓﻲ ﺍﻟﻜﻒ ﻭﻻ ﺍﻟﻒ ﻃﺎﻳﺮﺓ .. ﻳﺎﺑﺖ ﻣﺎ ﻣﻌﺮﻭﻑ ﺍﻟﺨﻴﺮ ﻭﻳﻦ .. ﻭﺍﻟﻘﺴﻤﺔ ﻭﻳﻦ .. ﺍﻧﺘﻲ ﺟﺮﺑﻴﻬﻮ ﻟﻠﻤﺮﺓ ﺍﻟﺘﺎﻧﻴﺔ .. ﻣﺎﺧﺴﺮﺍﻧﺔ ﺣﺎﺟﺔ .. ﻗﺎﻟﺖ ﻟﻴﻬﺎ ﻳﺎﺯﻭﺑﺔ ﻣﻤﻜﻦ ﺗﻔﻀﻲ ﻣﻨﻲ ﺍﻟﺴﻴﺮﺓ ﺩﻱ .. ﻻﻧﻲ ﺍﺗﻀﺎﻳﻘﺖ ﺷﺪﻳﺪ .. ﺍﻟﺰﻭﻝ ﺍﻻﺳﻤﻮ ﻣﺆﻳﺪ ﺩﻩ ﺍﻧﺎ ﺑﻘﻴﺖ ﻣﺎﺑﻄﻴﻖ ﺍﺳﻤﻮ ﺣﺘﻰ ..

ﺍﻧﺘﻲ ﻋﺎﺭﻓﺔ ﺍﻧﺎ ﺟﻴﺖ ﺍﻟﺠﺎﻣﻌﺔ ﺑﻲ ﺗﻌﺒﻲ ﺩﺍ ﻟﻴﻪ؟؟ .. ﻗﺎﻟﺖ ﻟﻴﻬﺎ ﺍﻫﺎ ﻟﻴﻪ؟

ﻗﺎﻟﺖ ﻟﻴﻬﺎ ﻻﻧﻲ ﺣﺎﺳﺔ ﺑﺪﻭﻥ ﺍﺷﻮﻑ ﺍﻟﺼﺎﻓﻲ ﻣﺎﺑﺒﻘﻰ ﻛﻮﻳﺴﺔ .. ﻗﻠﺖ ﺍﺟﻲ ﺍﺷﻮﻓﻮ ﻣﻦ ﺑﻌﻴﺪ .. ﻭﺍﺭﺟﻊ .. ﺍﺣﺘﻤﺎﻝ ﺍﻛﻮﻥ ﻛﻮﻳﺴﺔ ..

ﻭﻫﺴﻲ ﺷﻮﻓﺘﻮ ﻭﺧﻼﺹ ﺑﺮﺟﻊ ﺍﻟﺒﻴﺖ .. ﻋﺸﺎﻥ ﻛﺪﺍ ﻛﻼﻣﻚ ﺩﻩ ﺍﻗﺼﺮﻳﻬﻮ ﻣﻨﻲ .. ﺑﻼ ﻣﺆﻳﺪ ﺑﻼ ﻋﻠﺔ ..

ﻗﺎﻟﺖ ﻟﻴﻬﺎ ﺧﻼﺹ ﺳﻜﺘﺎ .. ﺯﻭﺑﺔ ﻛﻠﻤﺘﺎ ﻓﻲ ﺧﺸﻤﻬﺎ .. ﺷﺎﻓﺖ ﺗﺴﺎﺑﻴﺢ ﺟﺎﻳﺔ ﻋﻠﻴﻬﻢ .. ﻭﺍﻟﻤﺤﺎﺿﺮﺓ ﻓﺎﺿﻞ ﻟﻴﻬﺎ 5 ﺩﻗﺎﻳﻖ ..

ﺗﺴﺎﺑﻴﺢ ﻗﺎﻟﺖ ﻟﻴﻬﺎ ﻳﺎ ﻟﻴﻨﺔ ﺳﻼﻣﺘﻚ .. ﻗﺎﻟﻮ ﻛﻨﺖ ﻋﻴﺎﻧﺔ ﻭﺷﻜﻠﻚ ﻓﻌﻼ ﻋﻴﺎﻧﺔ .. ﺍﻧﺘﻲ ﻗﺒﻞ ﺍﺭﺑﻌﺔ ﻳﻮﻡ ﻣﺎ ﻛﻨﺘﻲ ﻛﻮﻳﺴﺔ .. ﺩﻩ ﺷﻨﻮ ﺍﻟﺘﻘﻮﻝ ﻋﻴﺎﻧﺔ ﻟﻴﻚ ﺳﻨﺔ ..

ﺍﻧﺎ ﻳﺎ ﻟﻴﻨﺔ ﻋﻨﺪﻱ ﻣﻌﺎﻙ ﻛﻼﻡ ﺿﺮﻭﺭﻱ ﻭﻣﻬﻢ ﺟﺪﺍ ..

ﻋﻦ ﺍﺫﻧﻚ ﻳﺎ ﺯﻭﺑﺔ ﺑﺲ ﺧﻤﺴﺔ ﺩﻗﺎﻳﻖ ..

ﻭﻟﻴﻨﺎ ﻣﺎﺳﻜﺔ ﺭﺍﺳﻬﺎ ﻭﻣﻜﺸﺮﺓ ﻛﺪﺍ .. ﺷﻜﻠﻬﺎ ﻣﺘﺄﻟﻤﺔ .. ﺯﻭﺑﺔ ﻣﺸﺖ ﻭﻗﺎﻟﺖ ﻟﻴﻬﺎ ﻧﺘﻼﻗﻰ ﻳﺎ ﻟﻴﻨﻪ ..

ﺗﺴﺎﺑﻴﺢ ﺍﺳﺘﻔﺮﺩﺕ ﺑﻲ ﻟﻴﻨﻪ ﻭﺑﺪﺕ ﺍﻟﻜﻼﻡ .. ﻭﺣﻜﺖ ﻟﻴﻬﺎ ﻣﺸﺎﻋﺮ ﻣﺆﻳﺪ .. ﻭﻗﺎﻟﺖ ﻟﻴﻬﺎ ﺍﻟﺰﻭﻝ ﺩﻩ ﻭﺻﺎﻧﻲ ﻟﻴﻚ ﻋﺪﻳﻞ .. ﻭﻗﺎﻟﺖ ﻋﺎﻳﺰﻙ ﺗﻜﻮﻧﻲ ﻟﻴﻬﻮ ..

ﻳﻌﻨﻲ ﻳﺎﺑﺖ ﺩﻩ ﻛﻠﻢ ﺷﻜﻠﻮ ﺭﺳﻤﻲ .. ﻳﺎﺭﻳﺘﻨﻲ ﻟﻮ ﻛﻨﺖ ﻓﻲ ﻣﺤﻠﻚ ..

ﻟﻴﻨﺔ ﻗﺎﻟﺖ ﻟﻴﻬﺎ ﻳﺎﺗﺴﺎﺑﻴﺢ .. ﻻ ﺍﻟﻪ ﺍﻻ ﺍﻟﻠﻪ .. ﻗﺎﻟﺖ ﻟﻴﻬﺎ .. ﻣﺤﻤﺪ ﺭﺳﻮﻝ ﺍﻟﻠﻪ .. ﻗﺎﻟﺖ ﻟﻴﻬﺎ ﻣﺆﻳﺪ ﺩﻩ ﻟﻮ ﺑﻘﻰ ﺍﺧﺮ ﺭﺍﺟﻞ ﻓﻲ ﺍﻟﻜﺮﺓ ﺍﻻﺭﺿﻴﺔ .. ﺍﻧﺎ ﺗﺎﻧﻲ ﻣﺎﻋﻨﺪﻱ ﻟﻴﻬﻮ ﺷﻲ .. ﻭﺻﻠﻲ ﻟﻴﻬﻮ ﺍﻟﻜﻼﻡ ﺩﻩ .. ﻭﻗﻮﻟﻲ ﻟﻴﻬﻮ ﻗﺎﻟﺖ ﻟﻴﻚ ﻟﻴﻨﺔ .. ‏( ﺣﻞ ﻋﻦ ﺍﻓﻜﺎﺭﻱ ﻭﻃﻠﻌﻨﻲ ﻣﻦ ﺗﺮﻛﻴﺰﻙ ‏) ..ﺗﺴﺎﺑﻴﺢ ﻋﺎﻳﻨﺖ ﻟﻴﻬﺎ ﻛﺪﺍ . ﻭﻗﺎﻟﺖ ﻟﻴﻬﺎ .. ﺑﺴﻢ ﺍﻟﻠﻪ ﺍﻟﺮﺣﻢ ﺍﻟﺮﺣﻴﻢ ﺩﻱ ﻫﺴﻲ ﻣﺎﻻ؟؟ .. ﻃﻴﺐ ﻣﺎ ﺗﺘﻜﻠﻤﻲ ﺑﺮﺍﺣﺔ ﻭﺑﻲ ﺍﺳﻠﻮﺏ ..

ﻗﺎﻟﺖ ﻟﻴﻬﺎ ﺍﺳﻔﺔ ﻭﺍﻟﻠﻪ ﻳﺎﺗﺴﺎﺑﻴﺢ .. ﺍﻧﺎ ﺗﻌﺒﺎﻧﺔ ﻭﺍﻟﺰﻭﻝ ﺩﻩ ﺍﺳﻤﻮ ﺑﻮﺗﺮﻧﻲ ..

ﻗﺎﻟﺖ ﻟﻴﻬﺎ ﺧﻴﺮ ﻓﻲ ﺍﻣﺎﻥ ﺍﻟﻠﻪ .. ﻟﻴﻨﺔ ﺣﺴﺖ ﺍﻧﻬﺎ ﻣﺎ ﺡ ﺗﻘﺪﺭ ﺗﻮﺍﺻﻞ ﻣﺸﺖ ﺍﻟﺒﻴﺖ .

ﺯﻭﺑﺔ ﻣﻊ ﻟﻴﻨﺔ ﻓﻲ ﻧﻔﺲ ﺍﻟﻘﺎﻋﺔ .. ﺍﻟﻤﺤﺎﺿﺮﺓ ﻛﻠﻬﺎ ﺯﻭﺑﺔ ﺗﺘﻠﻔﺖ .. ﻋﺸﺎﻥ ﺗﺸﻮﻑ ﻟﻴﻨﺔ ﺟﺎﻳﺔ .. ﻭﻻ ﻣﺎﺟﺎﺕ ﻭﻻ ﺍﻟﺤﺎﺻﻞ ﺷﻨﻮ ﻟﻐﺎﻳﺔ ﺍﻟﻤﺤﺎﺿﺮﺓ ﺍﻧﺘﻬﺖ .. ﻟﻴﻨﺔ ﻣﺎﺟﺎﺕ .. ﻭﻫﻨﺎ ﺍﻟﺒﺖ ﺍﺗﺎﻛﺪﺕ ﺍﻧﻮ ﻟﻴﻨﺔ ﺭﺟﻌﺖ ﺍﻟﺒﻴﺖ .. ﻓﻲ ﻧﻬﺎﻳﺔ ﺍﻟﻴﻮﻡ ﺯﻭﺑﺔ ﻣﺸﺖ ﺣﺎﻳﻤﺔ ﺑﻲ ﻏﺎﺩﻱ .. ﻛﺎﻳﺴﺔ ﻟﻠﺼﺎﻓﻲ ....

ﻭﺗﺴﺎﺑﻴﺢ ﻣﺸﺖ ﺣﺎﻳﻤﺔ ﻛﺎﻳﺴﺔ ﻟﻲ ﻣﺆﻳﺪ .. ﺗﺴﺎﺑﻴﺢ ﻻﻗﺖ ﻣﺆﻳﺪ ﻗﺒﻞ ﻣﺎ ﺯﻭﺑﺎ ﺗﻼﻗﻰ ﺍﻟﺼﺎﻓﻲ ﻫﻬﻪ .. ﺟﻨﺲ ﻓﺘﺎﺷﺔ ﻭﺣﺎﻝ ﻏﺎﻳﺘﻮ ..

ﺗﺴﺎﺑﻴﺢ ﻗﺎﻟﺖ ﻟﻲ ﻣﺆﻳﺪ ﺍﺳﻤﻊ ﻳﺎﺧﻮﻱ .. ﻭﺍﻟﻠﻪ ﺍﻟﺰﻭﻟﺔ ﺩﻱ ﺗﻔﻀﻞ ﺍﻟﻤﻮﺕ ﻭﻣﺎﺗﺴﻤﻊ ﺳﻴﺮﺗﻚ .. ﻳﺎﺧﻲ ﺩﻱ ﺑﺘﻜﺮﻫﻚ ﻛﺮﺍﻫﻴﺔ ﻋﻤﻰ ..

ﻭﻗﺪﺭ ﻣﺎ ﺍﺗﻜﻠﻤﺖ ﻣﻌﺎﻫﺎ .. ﻓﻲ ﺍﻟﻨﻬﺎﻳﺔ ﻗﺎﻟﺖ ﻟﻲ ﻗﻔﻠﻲ ﺍﻟﺰﻭﻝ ﺩﻩ ﺳﻴﺮﺗﻮ ﺑﺘﻮﺗﺮﻧﻲ .. ﻭﺑﻜﺮﻫﻮ ..

ﻃﺒﻌﺎ " ﻣﺆﻳﺪ ﺍﻟﻤﻐﺮﻭﺭ .. ﻣﺎﻛﺎﻥ ﻣﺘﻮﻗﻊ ﺍﻟﺮﺩ ﻣﻦ ﻟﻴﻨﻪ .. ﻭﺑﺎﻻﺣﺮﻯ ﻣﺎﻣﺼﺪﻕ ﺗﺴﺎﺑﻴﺢ ..

ﻗﺎﻝ ﻟﻴﻬﺎ ﻳﺎﺗﺴﺎﺑﻴﺢ .. ﺍﻧﺘﻲ ﺑﺎﻟﺠﺪ ﻣﺸﻴﺘﻲ ﻭﺻﻠﺘﻲ ﻛﻼﻣﻲ ﻟﻲ ﻟﻴﻨﺔ ؟ ﻗﺎﻟﺖ ﻟﻴﻬﻮ ﺍﻟﻠﻪ؟ .. ﻛﻤﺎﻥ ﺑﺘﺸﻚ ﻓﻴﻨﻲ ﻳﺎﻣﺆﻳﺪ؟؟ ..

ﻗﺎﻝ ﻟﻴﻬﺎ ﺍﻧﺎ ﻋﺎﺭﻑ ﺍﻟﻐﻴﺮﺓ ﺍﻟﺒﻴﻦ ﺍﻟﺒﻨﺎﺕ .. ﻭﻋﺎﺭﻓﻚ ﺍﻧﺘﻲ ﻣﻜﺴﺮﺓ ﻓﻲ ﺣﺎﺟﺔ ﺍﺳﻤﻬﺎ ﻣﺆﻳﺪ .. ﻋﺸﺎﻥ ﻛﺪﺍ ﺍﻧﺘﻲ ﺑﺘﻜﻮﻧﻲ ﻣﺘﺨﻮﻓﺔ ﺗﻤﺸﻲ ﻟﻴﻬﺎ .. ﻭﺍﻧﺎ ﺍﻗﻮﻡ ﺍﺗﻌﻠﻖ ﺑﻴﻬﺎ ﺗﺎﻧﻲ ..

ﻗﺎﻟﺖ ﻟﻴﻬﻮ ﻭﺍﻟﻠﻪ ﺍﻧﺖ ﺑﺘﺒﺎﻟﻎ .. ﻭﺑﺘﺤﻜﻢ ﻛﻤﺎﻥ .. ﺍﻧﺖ ﻣﺎﺗﻔﺘﻜﺮ ﺍﻧﻮ ﺍﻟﺒﻨﺎﺕ ﻛﻠﻬﻦ ﻣﻜﺴﺮﺍﺕ ﻓﻴﻚ .. ﺍﺻﺤﻰ ﻳﺎﻫﻮﻱ .. ﺍﻟﻤﻬﻢ ﻫﺪﻳﻚ ﻟﻴﻨﺔ ﺍﻣﺸﻲ ﺍٍﺳﺄﻟﻬﺎ .. ﻟﻮ ﺍﻧﺎ ﻛﻠﻤﺘﻬﺎ ﻭﻻ ﻻ ..

ﻭﻋﺎﻳﻨﺖ ﻛﺪﺍ ﺷﺎﻓﺖ ﺯﻭﺑﺔ ﻣﻦ ﻫﻨﺎﻙ .. ﻛﻮﺭﻛﺖ ﻟﻴﻬﺎ ﺯﻭﺑﺎ ﺗﻌﺎﻟﻲ .. ﻗﺎﻟﺖ ﻟﻴﻬﺎ ﻋﻠﻴﻚ ﺍﻟﻠﻪ ﻳﺎﺯﻭﺑﺔ .. ﺍﻧﺎ ﻣﻮﺵ ﻗﺒﻴﻞ ﻧﺎﺩﻳﺖ ﻟﻴﻨﺔ .. ﻭﺍﻧﺘﻲ ﻛﻨﺖ ﻭﺍﻗﻔﺔ ﻣﻌﺎﻫﺎ .. ﻭﺍﻧﺎ ﻗﻠﺖ ﻟﻴﻬﺎ ﻋﺎﻳﺰﺍﻙ ﻓﻲ ﻛﻼﻡ؟؟ ﺻﺎﺡ ﻭﻻ ﻣﺎﺻﺎﺡ ..

ﺯﻭﺑﺎ ﻋﺎﻳﻨﺖ ﻟﻲ ﻣﺆﻳﺪ ﻛﺪﺍ .. ﻭﻗﺎﻟﺖ ﻟﻴﻬﻮ ﺍﻧﺖ ﺑﺮﺿﻮ ﻳﻌﻨﻲ ﻣﻮﺻﻲ ﺗﺴﺎﺑﻴﺢ؟ .. ﻟﻴﻪ ﺍﻧﺎ ﻣﺎ ﻣﻜﻔﻴﺎﻙ .. ﻭﻣﺎ ﻣﺼﺪﻗﻨﻲ ﺑﺮﺍﻱ؟؟ ..

ﺍﻫﺎ ﻳﺎ ﺍﺳﺘﺎﺫ .. ﻟﻴﻨﺔ ﻗﺎﻟﺖ ﻣﺎﻋﺎﻳﺰﺍﻙ .. ﻭﻟﻮ ﺑﻘﻴﺖ ﺍﺧﺮ ﺭﺍﺟﻞ ﻓﻲ ﺍﻟﺪﻧﻴﺎ .. ﻫﻲ ﻣﺎ ﺣﺘﻘﺒﻞ ﻋﻠﻴﻚ .. ﻭﻗﺎﻟﺖ ﻣﺠﺮﺩ ﺫﻛﺮ ﺍﺳﻤﻚ ﺑﺰﻳﺪ ﻟﻴﻬﺎ ﺍﻟﻤﺮﺽ ..

ﻫﻨﺎ ﺗﺴﺎﺑﻴﺢ ﺑﻘﺖ ﺗﻌﺎﻳﻦ ﻟﻲ ﻣﺆﻳﺪ ﺑﻲ ﻃﺮﻑ ﻋﻴﻨﻬﺎ .. ﻭﻗﺎﻟﺖ ﻟﻴﻬﻮ ﺍﻥ ﺷﺎﺀ ﺍﻟﻠﻪ ﺗﻜﻮﻥ ﻛﺪﺍ ﺍﻗﺘﻨﻌﺖ .. ﺍﻧﻮ ﺍﻧﺎ ﻣﺎ ﻛﺬﺍﺑﺔ ..

ﻭﺳﺎﻗﺖ ﺯﻭﺑﺎ ﻣﻦ ﻳﺪﻫﺎ .. ﻭﻗﺎﻟﺖ ﻟﻴﻬﺎ ﻳﻼ ﻧﻤﺸﻲ ﻣﻦ ﻫﻨﺎ .. ﻫﻲ ﻣﺎﺷﺔ ﻛﺪﺍ ﻣﺆﻳﺪ ﻗﺎﻝ ﻟﻴﻬﺎ ﺑﻨﻈﻤﻚ ﻳﺎﺗﺴﺎﺑﻴﺢ .. ﺍﻧﺎ ﻋﺎﺭﻑ ﺑﻨﻈﻤﻚ ﻛﻴﻒ؟

ﺑﻌﺪ ﻓﺎﺗﻦ ﻣﻨﻮ ﺷﻮﻳﺔ .. ﻗﺎﻟﺖ ﻟﻴﻬﺎ ﺩﻩ ﻭﺍﺣﺪ ﻣﻐﺮﻭﺭ .. ﻭﺿﺎﺣﻚ ﻓﻲ ﺭﻭﺣﻮ .. ﻏﺒﻲ ..

ﺯﻭﺑﺎ ﻗﺎﻟﺖ ﻟﻴﻬﺎ ﻋﻠﻴﻚ ﺍﻟﻠﻪ ﻳﺎ ﺗﺴﺎﺑﻴﺢ .. ﺍﻧﺘﻲ ﺑﺮﺿﻮ ﺭﺳﻠﻚ؟؟

ﻗﺎﻟﺖ ﻟﻴﻬﺎ ﻳﺎ ﺍﻳﻮﺓ ﻭﺍﻟﻠﻪ .. ﻟﻜﻦ ﻃﺒﻌﺎ " ﺍﻟﺰﻭﻝ ﺩﻩ ﻣﺎﻋﺎﻳﺰ ﻟﻴﻨﺔ ﻳﺎﺯﻭﺑﺎ .. ﻋﺎﻳﺰ ﻳﻤﻄﻮﺣﻬﺎ ﻭﻳﻨﺘﻘﻢ ﻣﻨﻬﺎ .. ﻭﻳﻠﻌﺐ ﻋﻠﻴﻬﺎ ﻭﺑﺲ .. ﺍﻧﺴﺎﻥ ﻣﺮﻳﺾ ..

ﻗﺎﻟﺖ ﻟﻴﻬﺎ ﻳﺎﺗﺴﺎﺑﻴﺢ ﺧﻠﻴﻨﺎ ﻣﻨﻮ ﻋﻠﻴﻚ ﺍﻟﻠﻪ .. ﺷﻔﺘﻲ ﺍﻟﺼﺎﻓﻲ ؟ .. ﻗﺎﻟﺖ ﻟﻴﻬﺎ ﺍﺑﺪﺍ ﻭﺍﻟﻠﻪ .. ﻣﺎﺷﺎﻳﻔﺎﻫﻮ ﺍﻟﺼﺎﻓﻲ ﻳﺎﺯﻭﺑﺎ ﻓﺎﺭﻕ ﺍﻟﺸﻠﺔ ﻣﻦ ﺍﻟﺴﻨﺔ ﺍﻟﻔﺎﺗﺖ .. ﻗﺎﻟﻮ ﻛﺪﺍ ﺍﻟﻤﻼﻗﻴﻒ ﺩﻳﻞ ..

ﻟﻜﻦ ﺗﺎﻧﻲ ﺍﻧﺎ ﺑﻘﻌﺪ ﻣﻌﺎﻫﻢ؟ .. ﻭﺍﻟﻠﻪ ﺍﻱ ﺣﺘﺔ ﻓﻴﻬﺎ ﺍﻟﺤﻴﻮﺍﻥ ﺩﻩ .. ﺍﻧﺎ ﺗﺎﻧﻲ ﻣﺎﺟﻲ ﺑﻲ ﻋﻨﺪﻫﺎ ..

ﻭﺯﻭﺑﺎ ﺑﻘﺖ ﻛﺎﻳﺴﺔ ﻟﻠﺼﺎﻓﻲ .. ﺩﺍﻳﺮﺓ ﺗﻮﺻﻞ ﻟﻴﻬﻮ ﻛﻼﻡ ﻟﻴﻨﺔ ﺑﺎﻟﺘﻔﺼﻴﻞ ..

ﻻﻧﻮ ﺍﻟﻜﻼﻡ ﺩﻩ ﻣﻬﻢ ﺍﻟﺼﺎﻓﻲ ﻳﺴﻤﻌﻮ ..

.. ﺷﺎﻓﺖ ﻟﻴﻚ ﺍﻟﺼﺎﻓﻲ ﻫﻨﺎﺍﺍﺍﻙ .. ﻭﺍﻗﻒ ﻟﻴﻪ ﻓﻲ ﺭﻛﻦ ﻧﻘﺎﺵ ..

ﻭﻛﺎﻥ ﻓﻲ ﺟﻤﺎﻋﺔ ﻛﺪﺍ ﻋﻨﺪﻫﻢ ﺭﻛﻦ ﻣﺴﺨﻦ ﺷﺪﻳﺪ .. ﻭﺷﻐﺎﻟﻴﻦ ﻛﻼﻡ ﻋﺠﻴﺐ ﻭﻏﺮﻳﺐ .. ﻭﺍﻟﻐﺮﻳﺒﺔ ﺍﻧﻬﻢ ﺟﻤﺎﻋﺔ ﺭﺍﻓﻌﻴﻦ ﺷﻌﺎﺭ ﺍﻟﺪﻳﻦ .. ﻟﻜﻦ ﺩﻳﻦ ﻻﻳﺸﺒﻪ ﺩﻳﻦ ﺍﻻﺳﻼﻡ ﺍﻟﻤﺒﻨﻲ ﻋﻠﻰ ﺍﻟﺘﺴﺎﻣﺢ ﻭﻃﻴﺐ ﺍﻻﺧﻼﻕ ..ﺩﺍﻳﻤﺎ ﺑﺘﻜﻠﻤﻮ ﻋﻦ ﺍﻟﺘﻜﻔﻴﺮ ﻭﺍﻟﺘﻔﺴﻴﻖ .. ﻭﺑﻬﺎﺟﻤﻮ ﺍﻟﻨﺎﺱ ﻣﻬﺎﺟﻤﻪ ﻏﻴﺮ ﺣﻜﻴﻤﺔ ..

ﺍﻟﻤﻬﻢ ﺍﻟﺼﺎﻓﻲ ﻭﺍﻗﻒ ﺑﺴﻤﻊ .. ﻋﻠﻰ ﺍﺳﺎﺱ ﺍﻧﻮ ﺍﻟﻨﺎﺱ ﺩﻳﻞ ﺑﻘﻮﻟﻮ ﻧﺤﻦ ﻭﺣﺪﻧﺎ ﺍﻫﻞ ﺍﻟﺠﻨﺔ .. ﻭﺍﻟﺒﺎﻗﻲ ﻛﻠﻮ ﻓﻲ ﺍﻟﻨﺎﺭ .. ﺑﺎﻋﺘﺒﺎﺭ ﺍﻧﻬﻢ ﺍﻟﻔﺮﻗﺔ ﺍﻟﻨﺎﺟﻴﺔ ﻭﻛﺪﺍ ﻳﻌﻨﻲ ..

ﻭﻓﻌﻼ ﺍﻟﻨﺎﺱ ﺩﻳﻞ ﺑﺠﻴﺒﻮ ﺍﻳﺎﺕ ﻭﺍﺣﺎﺩﻳﺚ .. ﻟﻜﻦ ﻓﻲ ﺣﺎﺟﺔ ﻏﺮﻳﺒﺔ ﻣﺎﻣﻔﻬﻮﻣﺔ . ﻓﻲ ﻃﺮﻳﻘﺔ ﺍﻻﺳﺘﺪﻻﻝ ..

ﻓﺘﺤﻮ ﺑﺎﺏ ﺍﻟﻨﻘﺎﺵ .. ﻭﺍﻟﺤﻮﺍﺭ .. ﻓﻲ ﻭﺍﺣﺪ ﻗﺎﻝ ﻟﻴﻬﻢ .. ﺍﻧﺘﻮ ﻣﻮﺵ ﻓﻲ ﺣﺪﻳﺚ ﺑﻘﻮﻝ ﻣﻦ ﻛﻔﺮ ﻣﺴﻠﻤﺎ ﻓﻘﺪ ﻛﻔﺮ؟ .. ﺍﻧﺎ ﺑﻌﺘﻘﺪ ﺍﻧﻮ ﺍﻟﻤﻔﺮﻭﺽ ﺍﻟﻨﺎﺱ ﻣﺎﺗﻠﺠﺄ ﻟﻠﺘﻜﻔﻴﺮ .. ﻳﻌﻨﻲ ﺍﻟﺪﻳﻦ ﻭﺍﺿﺢ .. ﻭﻣﺎﻣﺤﺘﺎﺝ ﻟﻲ ﻛﻞ ﺍﻟﺘﻌﻨﺖ ﻭﺍﻟﻤﺸﺎﻛﻞ ﺍﻟﺤﺎﺻﻠﺔ ﺩﻱ ﻭﺷﻜﺮﺍ " ..

ﻣﺴﻚ ﺍﻟﻤﺘﺤﺪﺙ ﻗﺎﻝ ﻟﻴﻬﻮ .. ﺍﻭﻻ " ﺍﻟﻘﺎﻝ ﻟﻴﻚ ﻣﻨﻮ ﻧﺤﻦ ﺑﻨﻜﻔﺮ ﺍﻟﻤﺴﻠﻤﻴﻦ؟ ؟ ﺍﻟﺒﻨﻜﻔﺮ ﻓﻴﻬﻢ ﺩﻳﻞ ﻃﻮﺍﻏﻴﺖ .. ﻳﻌﺒﺪﻭﻥ ﺍﻟﻬﺔ ﻏﻴﺮ ﺍﻟﻠﻪ .. ﺍﻟﺸﺮﻙ ﻭﺍﻟﻜﻔﺮ ﻣﻨﺘﺸﺮ ﻓﻲ ﺍﻻﻣﺔ .. ﻓﻼﻥ ﺍﻟﻔﻼﻧﻲ ﺷﻴﺦ ﺍﻟﻄﺮﻳﻘﺔ ﺍﻟﻔﻼﻧﻴﺔ ﻛﺎﻓﺮ .. ﺩﺟﺎﻝ ﻣﺠﺮﻡ ﻋﻠﻴﻪ ﻟﻌﻨﺔ ﺍﻟﻠﻪ .. ﻭﺷﻴﺦ ﻓﻼﻥ ﻋﻠﻰ ﻧﻔﺲ ﺷﺎﻛﻠﺘﻪ ..

ﻻﻧﺔ ﻗﺎﻝ ﻛﻴﺖ ﻭﻛﻴﺖ . ﻭﻛﻞ ﺍﺗﺒﺎﻋﻮ ﻋﻠﻰ ﻣﺜﻠﻪ ﻛﻔﺮﺓ .. ﻭﻛﻞ ﻣﻦ ﻟﻢ ﻳﻜﻔﺮ ﺍﻟﻜﺎﻓﺮ .. ﻓﻬﻮ ﻛﺎﻓﺮ ..

ﻗﺎﻡ ﺭﻓﻴﻘﻮ ﻣﺴﻚ ﺍﻟﻜﻼﻡ ﺑﻌﺪﻭ .. ﻗﺎﻝ ﺍﺑﺪﺃ ﻧﺤﻦ ﻧﻜﻔﺮ ﺍﻻﻓﻌﺎﻝ ﻭﻟﻴﺲ ﺍﻟﻔﺎﻋﻞ ..

ﻭﻫﻨﺎﻟﻚ ﺍﻟﻌﺬﺭ ﺑﺎﻟﺠﻬﻞ ﻭﺍﻟﻌﺬﺭ ﺑﺎﻻﻛﺮﺍﻩ ﻭﻭ ..

ﻭﺍﻟﺼﺎﻓﻲ ﻳﺴﻤﻊ .. ﻟﻜﻦ ﺍﻟﺸﻲ ﺍﻟﻈﺎﻫﺮ .. ﺍﻧﻮ ﺍﻟﻤﺘﺤﺪﻳﻦ ﺍﻻﺗﻨﻴﻦ ﻓﻲ ﺍﻟﺠﻤﺎﻋﺔ ﺩﻱ ﻣﺨﺘﻠﻔﻴﻦ ﻓﻜﺮﻳﺎ " .. ﻣﺎﻋﺎﺭﻑ ﺍﺗﻠﻤﻮ ﻛﻴﻒ؟ .. ﺍﻭ ﺍﺣﺘﻤﺎﻝ ﻭﺍﺣﺪ ﺑﺠﺎﻣﻞ ﻭﻳﺪﺍﻫﻦ ﺷﻮﻳﺔ .. ﻭﺍﻟﺘﺎﻧﻲ ﺑﺴﻠﺦ ﺑﺪﻭﻥ ﺭﺣﻤﺔ ﻫﻪ ..

ﻓﺘﺤﻮ ﺑﺎﺏ ﺍﻟﻨﻘﺎﺵ .. ﺍﻟﺼﺎﻓﻲ ﺍﺳﺘﺎﺫﻥ ﻳﻌﻤﻞ ﻣﺪﺍﺧﻠﺔ ..

ﻗﺎﻝ ﻟﻴﻬﻢ ﺍﻟﺴﻼﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ .. ﺍﻧﺎ ﺷﺨﺼﻴﺎ ﺍﻋﺘﻘﺎﺩﻱ ﺍﻟﺠﺎﺯﻡ ﺍﻧﻮ ﺍﻟﺠﻤﺎﻋﺎﺕ ﺩﻱ ﻛﻠﻬﺎ ﺑﺎﻃﻠﺔ .. ﻻﻧﻮ ﺍﻟﺘﻔﺮﻕ ﻭﺍﻟﺘﺤﺰﺏ .. ﻣﺤﺮﻡ ﻓﻲ ﺍﻻﺳﻼﻡ .. ﺑﻨﺺ ﺍﻻﻳﺔ ﺍﻟﺒﺘﻘﻮﻝ ‏( ﺍﻥ ﺍﻟﺬﻳﻦ ﻓﺮﻗﻮ ﺩﻳﻨﻬﻢ ﻭﻛﺎﻧﻮﺍ ﺷﻴﻌﺎ " ﻟﺴﺖ ﻣﻨﻬﻢ ﻓﻲ ﺷﻲﺀ ‏) ﻭﻓﻲ ﺍﻳﺔ ﺗﺎﻧﻴﺔ ﺑﺘﻘﻮﻝ .. ‏( ﻭﻻﺗﻜﻮﻧﻮﺍ ﻣﻦ ﺍﻟﻤﺸﺮﻛﻴﻦ ﻣﻦ ﺍﻟﺬﻳﻦ ﻓﺮﻗﻮﺍ ﺩﻳﻨﻬﻢ ﻭﻛﺎﻧﻮﺍ ﺷﻴﻌﺎ " ﻛﻞ ﺣﺰﺏ ﺑﻤﺎ ﻟﺪﻳﻬﻢ ﻓﺮﺣﻮﻥ ‏)

ﻭﺍﻥ ﻛﻨﺘﻢ ﺗﺰﻋﻤﻮﻥ ﺍﻧﺘﻢ ﺍﻧﻜﻢ ﻋﻠﻰ ﻣﻨﻬﺞ ﺭﺳﻮﻝ ﺍﻟﻠﻪ .. ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ .. ﻓﻠﻢ ﻧﺴﻤﻊ ﻓﻲ ﻋﻬﺪ ﺍﻟﺮﺳﻮﻝ ﺍﻟﻜﺮﻳﻢ .. ﻋﻠﻴﻪ ﺍﻟﺼﻼﺓ ﻭﺍﻟﺴﻼﻡ .. ﺍﻥ ﻫﻨﺎﻟﻚ ﺟﻤﺎﻋﺔ ﻛﺬﺍ .. ﻭﺟﻤﺎﻋﺔ ﻛﺬﺍ .. ﺑﺎﺧﺘﻼﻑ ﻓﻲ ﺍﻟﻤﻨﻬﺞ .. ﺑﻞ ﻛﺎﻧﺖ ﻭﺻﻴﺔ ﺍﻟﻠﻪ ﻟﻬﻢ ﻛﺎﻧﺖ .. ‏( ﻭﻻﺗﻜﻮﻧﻮﺍ ﻛﺎﻟﺬﻳﻦ ﺗﻔﺮﻗﻮ ﻭﺍﺧﺘﻠﻔﻮ ‏) .. ﺍﻻﻳﺔ ..

ﻭﻧﺤﻦ ﺩﺭﺳﻮﻧﺎ ﻣﻦ ﺍﻻﺳﺎﺱ .. ﺗﺎﺑﻰ ﺍﻟﺮﻣﺎﺡ ﺍﺫﺍ ﺍﺟﺘﻤﻌﻦ ﺗﻜﺴﺮﺍ .." ﻭﺍﺫﺍ ﺍﻓﺘﺮﻗﻦ ﺗﻜﺴﺮﺕ ﺍﺣﺎﺩﺍ " ..

ﻓﺒﻐﺾ ﺍﻟﻨﻈﺮ ﻋﻦ ﻣﻨﻬﺠﻜﻢ ﺍﻟﻤﻔﺘﻘﺪ ﻟﻠﺤﻜﻤﺔ ﻭﺍﻟﻤﻮﻋﻈﺔ ﺍﻟﺤﺴﻨﺔ .. ﺍﻧﺎ ﺍﻋﺘﻘﺪ ﻣﺠﺮﺩ ﺍﻻﻋﺪﺍﺩ ﻭﺍﻟﺘﻨﻈﻴﻢ .. ﻟﺠﻤﺎﻋﺔ ﻣﺎ ﺩﺍﺧﻞ ﻣﻨﻈﻮﻣﺔ ﺍﻻﻣﺔ ﺍﻻﺳﻼﻣﻴﺔ .. ﻳﻌﺘﺒﺮ ﺗﺸﻘﻴﻖ ﻟﻼﻣﺔ .. ﺍﻟﺘﻲ ﻣﻨﻬﺠﻬﺎ ﻭﺍﺣﺪ .. ﻭﻛﺘﺎﺑﻬﺎ ﻭﺍﺣﺪ .. ﻭﺭﺳﻮﻟﻬﺎ ﻭﺍﺣﺪ .. ﺣﺘﻰ ﻭﻟﻮ ﺳﻠﻤﻨﺎ ﺍﻥ ﻫﻨﺎﻟﻚ ﻣﻦ ﺍﻻﻣﺔ ﻣﻦ ﺿﻞ ﻋﻦ ﺳﻮﺍﺀ ﺍﻟﺴﺒﻴﻞ .. ﻭﺍﺗﺨﺪ ﻣﻨﻬﺠﺎ ﻣﺨﺘﻠﻔﺎ .. ﻓﻌﻠﻰ ﺍﻻﻣﺔ ﺍﻥ ﺗﺮﺩﻩ ﺍﻟﻰ ﺩﻳﻨﻪ ﺑﺎﻟﺤﻜﻤﺔ ﻭﺍﻟﻤﻮﻋﻈﺔ ﺍﻟﺤﺴﻨﺔ .. ﺍﻭ ﻳﺒﻌﺪ ﻫﻮ ﻣﻦ ﺑﻴﻦ ﺍﻟﻤﺴﻠﻤﻴﻦ .. ﻋﻠﻰ ﻗﺪﺭ ﺧﻄﻮﺭﺓ ﻣﻨﻬﺠﺔ ﺑﺎﺣﻜﺎﻡ ﺍﻟﺘﻐﺮﻳﺐ ..

ﻻ ﺍﻥ ﻧﻜﻮﻥ ﺟﻤﺎﻋﺔ ﺗﺨﺘﻠﻒ ﻋﻦ ﺍﻻﻣﺔ .. ﻭﺗﺨﺎﻟﻔﻬﺎ ﻓﻲ ﻛﻞ ﻛﺒﻴﺮﺓ ﻭﺻﻐﻴﺮﺓ ..ﻭﻣﺎﺩﺍﻡ ﺍﻟﻤﺴﻠﻤﻮﻥ ﻳﺼﻠﻮﻥ ﺍﻟﻰ ﻗﺒﻠﺔ ﻭﺍﺣﺪﺓ ﻭﻳﻌﺒﺪﻭﻥ ﺍﻟﻬﺎ ﻭﺍﺣﺪ ﻭﻳﻄﻴﻌﻮﻥ ﺭﺳﻮﻻ ﻭﺍﺣﺪ .. ﻭﻳﺼﻮﻣﻮﻥ ﺷﻬﺮﺍ ﻭﺍﺣﺪﺍ .. ﻭﻳﻨﺤﺮﻭﻥ ﻓﻲ ﻳﻮﻡ ﻭﺍﺣﺪ .. ﻭﺑﻨﻔﺲ ﺍﻟﻜﻴﻔﻴﺔ .. ﻓﻼ ﻳﻨﺒﻐﻲ ﺍﻥ ﻳﻜﻔﺮ ﺍﺣﺪ ﻣﻨﻬﻢ ﺍﻻﺧﺮ .. ﻭﻫﺬﺍ ﺍﻟﻤﻔﻬﻮﻡ ﻓﻲ ﺍﻟﺤﺪﻳﺚ ﺍﻟﺬﻱ ﺭﻭﺍﻩ ﺍﻟﺒﺨﺎﺭﻱ ﻋﻦ ﺍﻧﺲ ﻗﺎﻝ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ .. ﻣﻦ ﺻﻠﻰ ﺻﻼﺗﻨﺎ ﻭﺍﺳﺘﻘﺒﻞ ﻗﺒﻠﺘﻨﺎ ﻭﺍﻛﻞ ﺫﺑﻴﺤﺘﻨﺎ .. ﻓﺬﺍﻟﻜﻢ ﺍﻟﻤﺴﻠﻢ ﻟﻪ ﻣﺎﻟﻨﺎ ﻭﻋﻠﻴﻪ ﻣﺎﻋﻠﻴﻨﺎ ..

ﺍﻧﺎ ﺩﺍﻳﺮ ﺭﺩ ﺷﺎﻓﻲ ﻋﻠﻰ ﻛﻼﻣﻲ ... ﻭﺍﻟﺴﻼﻡ ﻋﻠﻴﻜﻢ ﻭﺭﺣﻤﺔ ﺍﻟﻠﻪ ..

ـــ

ﺍﻟﺰﻭﻝ ﺩﻩ ﺑﻌﺪ ﻗﺎﻝ ﻛﻼﻣﻮ ﺩﻩ ﺑﻲ ﻛﻞ ﻫﺪﺍﻭﺓ ﻭﺑﺮﻭﺩ .. ﻓﻲ ﻧﺎﺱ ﻗﻌﺪﻭ ﻳﻌﺎﻳﻨﻮ ﻟﻴﻬﻮ .. ﻭﻓﻲ ﻧﺎﺱ ﻛﺎﻧﻮ ﻭﻗﻔﻴﻦ ﻗﻌﺪﻭ .. ﻻﻧﻮ ﺍﻟﻨﺎﺱ ﺩﻳﻞ ﻻﻭﻝ ﻣﺮﺓ .. ﺯﻭﻝ ﻳﺪﻳﻬﻢ ﻛﻼﻡ ﺑﻬﺬﺍ ﺍﻟﻌﻤﻖ .. ﻭﺑﻨﻔﺲ ﺍﻟﻨﻬﺞ ﺍﻟﻬﻢ ﺑﺘﻜﻠﻤﻮ ﻋﻨﻮ .. ..

ﺍﻟﻮﺩ ﺍﻟﻌﺎﻳﺰ ﻳﺮﺩ .. ﺍﺭﺗﺒﻚ ﺟﺪﺍ .. ﻣﻦ ﻋﻠﻤﻴﺔ ﺍﻟﻤﺪﺍﺧﻠﺔ ﻭﺩﺳﺎﻣﺘﻬﺎ .. ﻭﻣﺎﻓﻴﻬﺎ ﻣﻦ ﺍﻟﻘﻮﻝ ﺍﻟﺴﺪﻳﺪ ﻭﺍﻟﺤﺠﺞ ﺍﻟﻤﻨﻄﻘﻴﺔ .. ﻭﺑﺪﺍ ﻳﻘﻮﻝ ﻓﻲ ﻛﻼﻡ ﻣﺎﻋﻨﺪﻭ ﺍﻱ ﻋﻼﻗﺔ ﺑﺎﻟﺘﺴﺎﺅﻻﺕ ..

ﻣﻦ ﺿﻤﻦ ﻛﻼﻣﻮ ﻗﺎﻝ .. ﺍﺫﺍ ﻋﻢ ﺍﻟﻔﺴﺎﺩ ﻓﻲ ﻣﻜﺎﻥ ﻣﺎ .. ﻓﻌﻠﻴﻚ ﺑﻤﻔﺎﺭﻗﺔ ﺍﻫﻠﻪ ..

ﻭﺍﻟﺰﻣﻦ ﺍﻟﻨﺤﻦ ﻓﻴﻬﻮ ﺩﻩ ﻣﺎﺯﻱ ﺯﻣﻦ ﺍﻟﺮﺳﻮﻝ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ..

ﻻﻧﻮ ﺍﻻﻥ ﺍﻻﻣﺔ ﺍﻧﺘﺸﺮ ﻓﻴﻬﺎ ﺍﻟﺸﺮﻙ ﻭﺍﻟﻜﻔﺮ ﺑﻄﺮﻕ ﻋﺪﻳﺪﺓ .. ﻭﺍﻧﻮﺍﻉ ﻛﺜﻴﺮﺓ ﻓﻮﺟﺐ ﻋﻠﻰ ﺍﻫﻞ ﺍﻟﺤﻖ ﺍﻥ ﻳﻔﺼﻠﻮ ﺍﻧﻔﺴﻬﻢ ..

ﻭﻗﺪ ﻗﺎﻝ ﺭﺳﻮﻝ ﺍﻟﻠﻪ ﺻﻠﻰ ﺍﻟﻠﻪ ﻋﻠﻴﻪ ﻭﺳﻠﻢ ﺍﻓﺘﺮﻗﺖ ﺍﻟﻴﻬﻮﺩ ﺍﻟﻰ ﻭﺍﺣﺪ ﻭﺳﺒﻌﻴﻦ ﻓﺮﻗﺔ .. ﻭﺍﻓﺘﺮﻗﺖ ﺍﻟﻨﺼﺎﺭﻯ ﺍﻟﻰ ﺍﻧﺘﻴﻦ ﻭﺳﺒﻌﻴﻦ ﻓﺮﻗﺔ .. ﻭﺳﺘﻔﺘﺮﻕ ﻫﺬﻩ ﺍﻻﻣﺔ ﺍﻟﻰ ﺛﻼﺙ ﻭﺳﺒﻌﻴﻦ ﻓﺮﻗﺔ ﻛﻠﻬﺎ ﻓﻲ ﺍﻟﻨﺎﺭ .. ﺍﻻ ﻭﺍﺣﺪﺓ .. ﻗﺎﻟﻮ ﻣﻦ ﻫﻲ ﻳﺎﺭﺳﻮﻝ ﺍﻟﻠﻪ

ﻗﺎﻝ ﻫﻲ ﻣﺎﻋﻠﻴﻪ ﺍﻧﺎ ﻭﺍﺻﺤﺎﺑﻲ ﺍﻟﻴﻮﻡ .. ﻓﻬﻮﻻﺀ ﻫﻢ ﺍﻟﻔﺮﻗﺔ ﺍﻟﻨﺎﺟﻴﺔ .. ﻭﺍﻟﺒﻘﻴﺔ ﻓﻲ ﺟﻬﻨﻢ ..

ﺍﺭﺟﻮ ﺍﻥ ﻳﻜﻮﻥ ﻭﺿﺢ ..

ﺍﻟﺼﺎﻓﻲ ﻗﺎﻝ ﻟﻴﻬﻮ ﻟﻮ ﺳﻤﺤﺖ ﻳﺎ ﻏﺎﻟﻲ ..

ﺍﻻﻥ ﺍﺛﺒﺖ ﺗﻬﻤﺔ ﺍﻧﻜﻢ ﺗﻜﻔﺮﻭﻥ ﺍﻻﻣﺔ ﺟﻤﻴﻌﺎ .." ﻭﺗﺤﻜﻤﻮﻥ ﻋﻠﻴﻬﺎ ﺑﺎﻟﻨﺎﺭ ﻣﺎﻋﺪﺍﻛﻢ ..

ﺍﻟﺴﺆﺍﻝ ﺍﻟﺘﺎﻧﻲ ﺍﻟﻤﺤﻴﺮﻧﻲ ﺟﺪﺍ " .. ﺍﻧﺘﻮ ﻧﻔﺴﻜﻢ ﺍﻻﻥ ﺍﻓﺘﺮﻗﺘﻢ ﻋﻠﻰ ﻛﺬﺍ ﺟﻤﺎﻋﺔ .. ﻓﻴﺎﺗﻬﺎ ﺍﻟﻔﺮﻗﺔ ﺍﻟﻨﺎﺟﻴﺔ ﻓﻴﻜﻢ؟؟ .. ﻭﻳﺎﺗﻬﺎ ﺍﻟﻬﺎﻟﻜﺔ ﻣﻌﺎﻧﺎ ؟؟

ﺩﺍﻙ ﻗﺎﻝ ﺍﺻﺒﺢ ﺍﻟﻨﻘﺎﺵ ﻋﻘﻴﻤﺎ .. ﺍﻻﻥ ﻧﻔﺘﺢ ﻓﺮﺻـــﺔ ﻟﺰﻭﻝ ﺗﺎﻧﻲ .. ﻫﻪ

ـــــــــــ

.. ﺍﻟﺼﺎﻓﻲ ﻣﺸﻰ ﻣﻦ ﻣﻜﺎﻧﻮ .. ﻋﺎﻳﻦ ﻫﻨﺎﻙ .. ﻟﻘﻰ ﺯﻭﺑﺔ ﻭﺍﻗﻔﺔ ﻣﻨﺘﻈﺮﺍﻫﻮ ..

ﻣﺸﻰ ﻣﻌﺎﻫﺎ .. ﺍﻟﺠﻤﺎﻋﺔ ﺩﻳﻞ ﺑﻲ ﻫﻨﺎ ﺑﻌﺪ ﺧﻠﺼﻮ ﺭﻛﻦ ﺍﻟﻨﻘﺎﺵ .. ﻣﺎﻋﻨﺪﻫﻢ ﻣﻮﺿﻮﻉ ﻏﻴﺮ ﻣﻮﺿﻮﻉ ﻭﺩ ﻫﻨﺪﺳﺔ ﺍﻟﺸﻌﺮﻭ ﺳﺒﻴﺒﻲ .. ﺍﻟﺮﺍﺳﻮ ﻣﻼﻥ ﻋﻠﻢ ..

ﻭﺍﺣﺪ ﻗﺎﻝ ﻟﻴﻬﻢ ﻭﺍﻟﻠﻪ ﺍﻟﺰﻭﻝ ﺣﺮﺍﻡ ﻳﻜﻮﻥ ﺣﺎﻳﻢ ﻃﻠﻖ ﻛﺪﻱ ﻣﻊ ﺍﻟﻌﻮﺍﻡ .. ﻧﺤﻦ ﻻﺯﻡ ﻧﺴﺘﻘﻄﺒﻮ .. ﺍﻟﺰﻭﻝ ﺩﻩ ﺣﺘﻰ ﻛﻼﻣﻮ ﻳﺸﺒﻪ ﻛﻼﻡ ﺍﻟﻌﻠﻤﺎﺀ ﺍﻟﺰﻣﺎﻥ ﺩﻳﻚ .. ﻧﺤﻦ ﻻﺯﻡ ﻧﺠﺘﻬﺪ .. ﻟﺌﻦ ﻳﻬﺪﻱ ﺍﻟﻠﻪ ﺑﻚ ﺭﺟﻼ " ﻭﺍﺣﺪﺍ ﺧﻴﺮ ﻟﻚ ﻣﻦ ﺣﻤﺮ ﺍﻟﻨﻌﻢ ..

ﺷﻮﻓﻮ ﺯﻭﻝ ﻗﺮﻳﺐ ﻟﻴﻬﻮ ﻳﺪﺭﺩﻗﻮ ﻟﻴﻨﺎ ﺟﺎﻱ ..

........ﺯﻭﺑﺔ ﻗﺎﻟﺖ ﻟﻠﺼﺎﻓﻲ .. ﺑﺎﻟﻚ ﻓﺎﺍﺍﺿﻲ .. ﻣﺸﻴﺖ ﻭﻗﻔﺖ ﻣﻊ ﺩﻳﻞ .. ﻭﻻ ﻫﺎﻣﻲ ﺑﺎﻟﺰﻭﻟﺔ ﺍﻟﺠﺎﺕ ﻣﻦ ﺍﻫﻠﻬﺎ ﻋﻴﺎﻧﺔ .. ﺟﺎﺕ ﻟﺸﻨﻮ ؟؟ ﻭﻫﺴﻲ ﻣﺸﺖ ﻭﻳﻦ؟ ﻣﺎﻫﻤﺎﻙ ..

ﻗﺎﻝ ﻟﻴﻬﺎ ﺍﻧﺘﻮ ﻃﻠﻌﺘﻮ ﻣﺘﻴﻦ؟؟ .. ﺍﻧﺎ ﻛﻨﺖ ﺟﺎﻱ ﺍﻻﻗﻴﻬﺎ ﻫﺴﻲ ﻭﺍﻟﻠﻪ ..

ﺍﻫﺎ ﻛﻴﻒ ﻫﻲ ﻭﺍﻟﺤﺼﻞ ﺷﻨﻮ ؟

ﻗﺎﻟﺖ ﻟﻴﻬﻮ ﻫﺪﻱ ﺭﻭﺣﻚ .. ﺍﻧﺎ ﻋﺎﻳﺰﺓ ﺍﺣﻜﻲ ﻟﻴﻚ ﺑﺎﻟﺘﻔﺼﻴﻞ .. ﻭﺍﺷﻮﻑ ﺭﺩﻙ ﺷﻨﻮ .. ﺡ ﻳﻜﻮﻥ ﺭﺩ ﺭﺟﺎﻝ؟؟ .. ﻭﻻ ﺗﻄﻠﻊ ﻟﻲ ﺯﻭﻝ ﺟﺒﺎﻥ .. ﻭﺗﺨﻴﺐ ﻇﻨﻲ ﻓﻴﻚﺯﻭﺑﺔ ﺑﺘﺘﻜﻠﻢ ﻣﻊ ﺍﻟﺼﺎﻓﻲ ﺑﻲ ﻳﺪﻳﻬﺎ ﻭﻋﻴﻮﻧﻬﺎ .. ﻏﺎﻳﺘﻮ ﺍﻟﺰﻭﻟﺔ ﺩﻱ ﺷﻜﻠﻬﺎ ﺑﺘﺤﺐ ﻟﻴﻨﺔ ﺻﺤﺒﺘﻬﺎ ﺷﺪﻳﺪ .. ﺣﻜﺖ ﻟﻴﻬﻮ ﻛﻞ ﺍﻟﺤﺼﻞ .. ﻭﻗﺎﻟﺖ ﻟﻴﻬﻮ ﺍﺻﻼ ﺍﻧﺎ ﻭﺻﺎﻧﻲ ﻟﻴﻬﺎ ﻣﺆﻳﺪ .. ﻭﻓﻲ ﻧﻔﺲ ﺍﻟﻠﺤﻈﺔ ﻭﺻﻰ ﺗﺴﺎﺑﻴﺢ .. ﻭﻟﻴﻨﻪ ﻛﺎﻥ ﺭﺩﻫﺎ ﻧﻔﺲ ﺍﻟﺮﺩ .. ﺍﻟﺰﻭﻟﺔ ﺩﻱ ﺭﻓﻀﺘﻮ ﺭﻓﺾ ﺷﺪﻳﺪ .. ﻭﻛﻠﻮ ﻋﺸﺎﻧﻚ .. ﻗﺎﻝ ﻟﻴﻬﺎ ﻛﻴﻒ ﻋﺸﺎﻧﻲ ..

؟ ﺍﻧﺘﻲ ﻣﺎﻋﺎﺭﻓﺔ ﺍﻟﺰﻭﻝ ﺩﻩ ﻋﻤﻞ ﻓﻴﻬﺎ ﺷﻨﻮ؟ ﻭﻗﺎﻋﺪ ﻳﺄﺫﻳﻬﺎ ﻛﻴﻒ؟

ﻗﺎﻟﺖ ﻟﻴﻬﻮ ﻋﺎﺭﻓﺔ .. ﻟﻜﻦ ﻟﻴﻨﺔ ﻗﺎﻟﺖ ﺍﻟﺼﺎﻓﻲ ﻣﺴﺦ ﻋﻠﻲ ﺍﻟﺮﺟﺎﻝ ﻛﻠﻬﻢ .. ﻭﻗﺎﻟﺖ ﺣﺘﻰ ﻟﻮ ﺍﻟﺼﺎﻓﻲ ﻣﺎ ﺣﺼﻞ ﻟﻲ ﻣﻌﺎﻫﺎﻫﻮ ﻗﺴﻤﺔ .. ﻣﺎﻋﺎﻳﺰﺓ ﻏﻴﺮﻭ .. ﺡ ﻳﻜﻮﻥ ﻋﺎﻳﺶ ﺟﻮﺍﻱ ﻟﻤﻦ ﺍﻣﻮﺕ ..

ﺍﻟﺼﺎﻓﻲ ﺳﻜﺖ ﻣﺴﺎﻓﺔ ﻛﺪﺍ .. ﻭﻗﺎﻝ ﻟﻴﻬﺎ .. ﻟﻜﻦ ﺍﻟﻜﻼﻡ ﺍﻟﺰﻱ ﺩﻩ ﺑﺪﺭﻱ ﻋﻠﻴﻬﻮ ﻳﺎ ﺯﻳﻨﺐ .. ﻻﻧﻮ ﻧﺤﻦ ﻣﺎﺯﻟﻨﺎ ﻃﻠﺒﺔ .. ﺗﻌﻠﻴﻖ ﺍﻻﻣﺎﻝ ﻋﻠﻰ ﺣﺎﺟﺎﺕ ﺯﻱ ﺩﻱ .. ﺑﻜﻮﻥ ﻋﻨﺪﻭ ﻋﻮﺍﻗﺐ ﻣﺎ ﻣﺤﻤﻮﺩﺓ ..

ﺍﻓﺮﺿﻲ ﻫﺴﻲ ﺍﻫﻠﻬﺎ ﻣﺎﻗﺒﻠﻮﻧﻲ .. ﺍﻭ ﺍﻫﻠﻲ ﻣﺎﻗﺒﻠﻮﻫﺎ .. ﺑﻌﺪﻳﻦ ﺍﻟﺒﺤﺼﻞ ﺷﻨﻮ؟

ﻗﺎﻟﺖ ﻟﻴﻬﻮ ﻳﺎ ﺍﻟﺼﺎﻓﻲ ﺍﻧﺖ ﻣﺎﺩﺍﻡ ﻣﻘﺘﻨﻊ ﺑﻴﻬﺎ .. ﺍﻫﻠﻚ ﺗﺎﻧﻲ ﻣﺎﻟﻬﻢ ﻭﻣﺎﻻ؟ .. ﻗﺎﻝ ﻟﻴﻬﺎ ﺍﻧﺘﻲ ﺑﺘﻘﻮﻟﻲ ﻛﺪﺍ ﻳﺎ ﺯﻳﻨﺐ؟ ﻭﺍﻧﺎ ﺣﺎﺳﺒﻚ ﺍﻧﺴﺎﻧﺔ ﻭﺍﻋﻴﺔ ..

ﺍﻟﻌﻼﻗﺎﺕ ﻳﺎﺯﻳﻨﺐ .. ﻣﺎﺑﺘﻨﺒﻨﻲ ﺑﻴﻦ ﺍﻟﺮﺍﺟﻞ ﻭﺯﻭﺟﺘﻮ ﻭﺑﺲ .. ﻋﻼﻗﺎﺕ ﺍﻟﺰﻭﺍﺝ ﻣﺘﺮﺍﻣﻴﺔ ﺍﻻﻃﺮﺍﻑ .. ﻭﻻﺑﺪ ﺍﻧﻬﺎ ﺗﻜﻮﻥ ﻧﺎﺟﺤﺔ ﺑﻜﻞ ﺍﻟﻮﺟﻮﻩ ..

ﻳﻌﻨﻲ ﻣﺜﻼ .. ﺍﻧﺎ ﺡ ﺍﻛﻮﻥ ﺯﻭﺟﻬﺎ .. ﺍﻣﻲ ﺑﺘﻜﻮﻥ ﺍﻡ ﺯﻭﺟﻬﺎ .. ﺍﺧﺘﻲ ﺑﺘﻜﻮﻥ ﺣﻤﺎﺗﻬﺎ .. ﺍﺑﻮﻱ ﺑﻜﻮﻥ ﻧﺴﻴﺒﻬﺎ ﺍﺑﻮ ﺭﺍﺟﻼ .. ﺻﺢ ؟

ﻛﻴﻒ ﻃﻴﺐ ﻛﻴﻒ ﺗﻘﺪﺭ ﺗﻌﻴﺶ ﻭﺳﻂ ﻧﺎﺱ ﺗﺮﺑﻄﻬﺎ ﺑﻴﻬﻢ ﻋﻼﻗﺎﺕ ﺯﻱ .. ﺩﻱ .. ﻭﻫﻢ ﺍﺻﻼ ﻣﺎﻗﺎﺑﻠﻨﻬﺎ؟؟ .. ﺣﺘﻲ ﻟﻮ ﺳﻜﻨﺖ ﺑﻌﻴﺪ ﻣﻨﻬﻢ .. ﺑﺠﻲ ﺍﻟﻴﻮﻡ ﺍﻟﺒﺤﺼﻞ ﺍﻻﺣﺘﻜﺎﻙ .. ﻻﻥ ﺍﻟﻌﻼﻗﺔ ﻣﺴﺘﺪﻳﻤﺔ .. ﺗﺠﻴﺐ ﻣﻨﻲ ﻭﻟﺪ .. ﻭﺣﺒﻮﺑﺘﻮ ﺍﻡ ﺍﺑﻮﻫﻮ ﻋﺎﻳﺰﺓ ﺗﺸﻮﻓﻮ .. ﻟﻜﻦ ﻣﺎﻋﺎﻳﺰﺓ ﺍﻣﻮ .. ﺗﺘﺄﻟﻢ ﺍﻻﻡ ﻭﺍﻟﺤﺒﻮﺑﺔ .. ﻭﻳﻨﺸﺄ ﺍﻟﻄﻔﻞ ﻓﻲ ﺟﻮﺀ ﻣﺸﺤﻮﻥ ﺑﺎﻟﻜﺮﺍﻫﻴﺔ ﻭﻭ .. ﺍﻧﺘﻲ ﻓﻬﻤﺘﻲ؟

ﻭﻋﺸﺎﻥ ﻧﺤﻦ ﻧﻄﺮﺡ ﺍﻟﻔﻜﺮﺓ ﻣﻦ ﺍﺳﺎﺳﻬﺎ ﻟﻼﺳﺮﺓ .. ﻻﺯﻡ ﻧﻜﻮﻥ ﻓﻲ ﺟﺎﻫﺰﻳﺔ ﺗﺎﻣﺔ .. ﺍﻧﺎ ﻣﺎﻋﺎﻳﺰ ﺍﻧﺴﺎﻕ ﻓﻲ ﺗﻴﺎﺭ ﺍﻟﺸﺒﺎﺏ ﻋﺪﻳﻤﻲ ﺍﻟﻤﺴﺆﻟﻴﺔ ..

ﺍﻟﻮﺍﺣﺪ ﻳﺮﺑﻂ ﻟﻴﻬﻮ ﺑﺖ ﻣﻦ ﺍﻟﺠﺎﻣﻌﺔ .. ﺍﻭﻝ ﻣﻦ ﻳﺘﺨﺮﺝ ﺍﻫﻠﻮ ﻳﻌﺮﺳﻮ ﻟﻴﻬﻮ .. ﻭﻳﻘﻌﺪ ﻳﺘﻬﺮﺏ ﻣﻦ ﺍﻻﻧﺴﺎﻧﺔ ﺍﻟﻮﻋﺪﻫﺎ .. ﺍﻟﺰﻭﻝ ﺍﻟﺒﻘﻮﻝ ﻟﻴﻬﻮ ﻛﻠﻤﺔ .. ﻭﻳﻮﻋﺪ ﻭﻋﺪ ﻳﻜﻮﻥ ﻗﺪﺭﻭ .. ﺍﻭ ﻣﺎ ﻳﻮﻋﺪ ﻣﻦ ﺍﺳﺎﺳﻮ ..

ﻗﺎﻟﺖ ﻟﻴﻬﻮ ﺍﻧﺎ ﻣﺎﻗﻠﺖ ﻟﻴﻚ ﺍﻣﺸﻲ ﻋﺮﺳﻬﺎ ﻫﺴﻲ .. ﺍﻧﺎ ﻗﻠﺖ ﻟﻴﻚ ﺍﻧﺖ ﺑﺎﻗﻲ ﻋﻠﻴﻬﺎ؟

ﻗﺎﻝ ﻟﻴﻬﺎ ﻛﻮﻧﻮ ﺍﻗﻮﻝ ﻟﻴﻚ ﺑﺎﻗﻲ ﻋﻠﻴﻬﺎ .. ﺩﻱ ﺑﺮﺿﻮ ﻭﻋﺪ .. ﻭﻫﻲ ﻟﻮ ﻋﺮﻓﺖ ﺍﻧﻮ ﺍﻧﺎ ﺑﺎﻗﻲ ﻋﻠﻴﻬﺎ .. ﺗﺎﻧﻲ ﺡ ﺗﺮﻓﺾ ﺍﻱ ﻋﺮﺽ ﺯﻭﺍﺝ .. ﻭﺗﻘﻌﺪ ﺣﺎﺑﺴﺔ ﻧﻔﺴﻬﺎ ﻻﻧﺴﺎﻥ ﻻﻳﻤﻠﻚ ﻗﺮﺍﺭﻩ .. ﻭﻻﻳﻌﺮﻑ ﻣﺴﺘﻘﺒﻠﻪ ..

ﻗﺎﻟﺖ ﻟﻴﻬﻮ .. ﻫﻲ ﻣﺨﻴﺮﺓ ﺗﺤﺒﺲ ﻧﻔﺴﻬﺎ ﻣﺎﺗﺤﺒﺴﻬﺎ ﺩﻩ ﻣﻮﺿﻮﻉ ﺑﺨﺼﻚ .. ﺑﺲ ﺍﻧﺖ ﺑﺘﺘﻤﻨﺎﻫﺎ ﺍﻧﻬﺎ ﺗﻜﻮﻥ ﻟﻴﻚ ﻭﻻﻻ؟؟ ﻳﻌﻨﻲ ﻣﺎ ﺗﺘﻼﻳﻖ ﻭﺗﻠﻒ ﻭﺗﺪﻭﺭ ..

ﻗﺎﻝ ﻟﻴﻬﺎ ﻭﺍﻟﻠﻪ ﻟﻮ ﺧﻴﺮﻭﻧﻲ .. ﻣﻦ ﻛﻞ ﺑﻨﺎﺕ ﺍﻟﺪﻧﻴﺎ ﺑﺨﺘﺎﺭ ﻟﻴﻨﺔ .. ﻻﻧﻲ ﻋﺮﻓﺘﻬﺎ ﻣﻦ ﺟﻮﺍﻫﺎ ﺯﻭﻟﺔ ﻧﻀﻴﻔﺔ .. ﻭﻣﺎﺑﺘﺸﻴﻞ ﻋﻠﻰ ﺍﻟﻨﺎﺱ ﺍﻻ ﺍﻟﺨﻴﺮ .. ﻗﺎﻟﺖ ﻟﻴﻬﻮ ﺧﻼﺹ .. ﺍﻧﺎ ﻏﻴﺮ ﻛﺪﻱ ﻣﺎﺩﺍﻳﺮﺓ ﻣﻨﻚ ﻛﻼﻡ .. ﺍﻧﺖ ﻣﺎﻋﺎﺭﻑ ﻳﺎﻟﺼﺎﻓﻲ .. ﻭﺍﻟﻠﻪ ﺍﻧﺎ ﻣﺘﺄﻛﺪﺓ ﺍﻟﻤﺮﺽ ﺍﻟﺤﺼﻞ ﻟﻴﻬﺎ ﺩﻩ .. ﺑﻲ ﺳﺒﺐ ﺍﻧﻚ ﺣﺮﻣﺘﻬﺎ ﻣﻦ ﻣﻼﻗﺎﺗﻚ .. ﻭﺍﻟﻠﻪ ﻗﺎﻟﺖ ﺟﺎﺕ ﺍﻟﺠﺎﻣﻌﺔ ﻣﺨﺼﻮﺹ ﻋﺎﻥ ﺗﺸﻮﻓﻚ ﻣﻦ ﺑﻌﻴﺪ ﻭﺗﺮﺟﻊ ﺍﻫﻠﻬﺎ ..ﺍﻫﺎ ﺯﻭﺑﺎ ﻛﻤﻠﺖ ﻛﻼﻣﻬﺎ ﻣﻊ ﺍﻟﺼﺎﻓﻲ ﻭﻗﺎﻣﺖ ﻓﺎﺗﺖ ﻣﻦ ﺟﻨﺒﻮ . ﻣﺸﺖ ﻣﺴﺎﻓﺔ ﻛﺪﺍ ﻭﺟﺎﺗﻮ ﺭﺍﺟﻌﺔ .. ﻗﺎﻟﺖ ﻟﻴﻬﻮ ﺍﻧﺎ ﻣﺎﻋﺎﺭﻓﺎﻙ ﺍﻟﻌﺎﺟﺒﻚ ﻓﻲ ﺍﻟﺒﺖ ﺍﻟﺰﻱ ﺍﻟﻌﺼﻔﻮﺭﺓ ﺩﻱ ﺷﻨﻮ؟ ﻧﺤﻦ ﻟﻴﻨﺎ ﺍﻟﻠﻪ .. ﻭﺍﺧﺪﺕ ﻟﻴﻬﺎ ﺿﺤﻜﺔ ﻭﻣﺸﺖ .. ﻗﺎﻟﺖ ﻟﻴﻬﻮ ﺟﺎﻭ ﺑﻬﻈﺮ ﻣﺎﺗﺼﺪﻕ .. ﺍﺧﺪ ﻟﻴﻬﻮ ﺿﺤﻜﺔ ﺧﻔﻴﻔﺔ ﻛﺪﺍ .. ﻭﻗﺎﻝ ﻟﻴﻬﺎ ﻭﺍﻟﻠﻪ ﺍﻧﺘﻲ ﻋﻨﺪﻙ ﻣﺤﻦ ﺑﺘﻌﺮﻓﻲ ﻟﻴﻬﺎ ﺑﺮﺍﻙ ..

ﻭﺳﺮﺡ ﺑﻲ ﺗﻔﻜﻴﺮﻭ ﻓﻲ ﻟﻴﻨﻪ .. ﻭﻋﻤﻖ ﻣﺤﺒﺘﻬﺎ .. ﻭﺗﻌﻠﻘﻬﺎ ﺍﻟﺼﺎﺩﻕ ﻟﻜﻦ ﻛﺎﻥ ﻣﻘﻠﻖ ﻣﻦ ﺍﻟﻤﺴﺘﻘﺒﻞ ..

ﺯﻭﺑﺎ ﺍﻟﻤﺤﺒﻮﺑﺔ ﺑﻲ ﺩﻭﺭﺍ ﻭﻣﺤﺒﺘﻬﺎ ﻟﻲ ﻟﻴﻨﺔ .. ﻣﺸﺖ ﺍﻟﺒﻴﺖ ﺍﻟﻌﺼﺮﻳﺔ ﻛﺪﺍ .. ﺩﺧﻠﺖ ﻏﺮﻓﺘﻬﺎ ﺑﺮﺍﻫﺎ ﻛﺪﺍ ﻭﺭﻗﺪﺕ .. ﻭﺩﻗﺖ ﺗﻠﻔﻮﻥ ﻟﻲ ﻟﻴﻨﺔ ..

ﺑﻌﺪ ﺳﻠﻤﺖ ﻋﻠﻴﻬﺎ ﻭﺳﺄﻟﺘﻬﺎ ﻣﻦ ﺻﺤﺘﻬﺎ .. ﻗﺎﻟﺖ ﻟﻴﻬﺎ .. ﻋﺎﺭﻓﺔ ﺍﻧﺎ ﺍﺗﻜﻠﻤﺖ ﻣﻊ ﺍﻟﺼﺎﻓﻲ . ﻭﺍﺗﻜﻠﻤﻨﺎ ﻋﻨﻚ ﻛﺘﻴﺮ .. ﻭﺣﻜﻴﺖ ﻟﻴﻬﻮ ﻗﺼﺔ ﻣﺮﺳﺄﻝ ﻣﺆﻳﺪ ﻟﻴﻚ ﻭﺭﺩﻙ ﻋﻠﻴﻬﻮ .. ﻭﻗﺎﻝ ﻟﻲ ﻛﻼﻡ ﻋﺠﻴﺐ ﺍﻣﺴﻜﻲ ﻋﻨﺪﻙ ﻭﺳﺠﻠﻲ ﻓﻲ ﻣﺨﻚ .. ﻗﺎﻝ ﻟﻲ ﻭﺍﻟﻠﻪ ﻟﻮ ﺧﻴﺮﻭﻧﻲ ﻣﻦ ﻛﻞ ﺑﻨﺎﺕ ﺍﻟﺪﻧﻴﺎ ﺑﺨﺘﺎﺭ ﻟﻴﻨﺔ .. ﻻﻧﻲ ﻋﺮﻓﺘﻬﺎ ﻣﻦ ﺟﻮﺍﻫﺎ ﺯﻭﻟﺔ ﻧﻀﻴﻔﺔ .. ﻭﻣﺎﺑﺘﺸﻴﻞ ﻋﻠﻰ ﺍﻟﻨﺎﺱ ﺍﻻ ﺍﻟﺨﻴﺮ .. ﻭﺍﻟﻠﻪ ﺩﻩ ﻛﻼﻣﻮ ﺑﺎﻟﻨﺺ .. ﻗﺎﻟﺖ ﻟﻴﻬﺎ ﺍﻭﻭﻭﻋﻚ ﺗﻜﺬﺑﻲ .. ﻣﺴﺘﺤﻴﻞ ﺍﻟﺼﺎﻓﻲ ﻳﻘﻮﻝ ﻛﺪﺍ .. ﻗﺎﻟﺖ ﻟﻬﺎ ﻭﺍﻟﻠﻪ ﻗﺎﻝ ..

ﻟﻴﻨﺔ ﻗﺎﻟﺖ ﻟﻴﻬﺎ ﻳﺎﻓﺮﺣﺘﻲ ﻳﺎ ﺯﻭﺑﺎ .. ﺯﻭﺑﺎ ﻗﺎﻟﺖ ﻟﻴﻬﺎ ﻣﺎﺗﻔﺮﺣﻲ .. ﻻﻧﻮ ﺍﻟﺰﻭﻝ ﺩﻩ ﻣﺎﻋﺎﺭﻑ ﻟﻮ ﺑﺘﻜﻮﻧﻲ ﻣﻦ ﻗﺴﻤﺘﻮ ﻭﻻﺍﻻ .. ﻻﻧﻮ ﻻﻫﺴﻲ ﻗﺎﻝ ﻣﺎﺑﻤﻠﻚ ﻗﺮﺍﺭﻭ .. ﻗﺎﻝ ﻛﺪﺍ ﻏﺎﻳﺘﻮ ...

ﻟﻴﻨﺔ ﻗﺎﻟﺖ ﻟﻴﻬﺎ .. ﺩﻩ ﻛﻼﻡ ﻣﻔﻬﻮﻡ .. ﻭﺍﻧﺎ ﺫﺍﺗﻲ ﻣﺎﺑﻤﻠﻚ ﻗﺮﺍﺭﻱ .. ﻧﺤﻦ ﻧﺨﻠﻲ ﺍﻻﻣﻮﺭ ﻋﻠﻰ ﺍﻟﻠﻪ .. ﻭﻣﺎ ﻣﻌﺮﻭﻑ ﺍﻟﺒﺤﺼﻞ ﺷﻨﻮ .. ﺍﻧﺎ ﺫﺍﺗﻲ ﻻﻳﻤﻜﻦ ﺍﺗﻢ ﺯﻭﺍﺝ .. ﻣﺎﻳﻮﺍﻓﻘﻮ ﻋﻠﻴﻬﻮ ﺍﻫﻠﻲ .. ﻻﻧﻮ ﺍﻟﺰﻭﺍﺝ ﺭﺑﺎﻁ ﺍﺟﺘﻤﺎﻋﻲ .. ﻣﺎﺑﺨﺺ ﻧﻔﺮﻳﻦ ﻓﻘﻂ .. ﺑﺨﺺ ﺍﺳﺮﺗﻴﻦ ..

ﺯﻭﺑﺎ ﻗﺎﻟﺖ ﻟﻴﻬﺎ ﺳﺒﺤﺎﻥ ﺍﻟﻠﻪ .. ﻭﺍﻟﻠﻪ ﺍﻟﺘﻘﻮﻝ ﻣﺘﻔﻘﻴﻦ ﺩﻩ ﻧﻔﺲ ﺍﻟﻜﻼﻡ .. ﺍﻟﻘﺎﻟﻮ ﻟﻲ .. ﻟﻴﻨﺔ ﻗﺎﻟﺖ ﻟﻴﻬﺎ ﻻﺯﻡ ﻳﻜﻮﻥ ﺩﻩ ﺭﺍﻳﻮ .. ﻻﻧﻮ ﺍﻧﺴﺎﻥ ﻧﺎﺿﺞ ﻭﻋﻨﺪﻭ ﻓﻬﻢ .. ﻣﺎ ﺩﻻﻫﺔ ﺳﺎﻱ ﺯﻱ ﻓﻼﻥ ﺩﻳﻚ ﺍﻝ ﺑﺘﻌﺮﻓﻴﻬﻢ ﻭﺍﻧﺎ ﺑﻌﺮﻓﻬﻢ ..

ﻭﻟﻴﻨﺔ ﺑﻘﺖ ﺍﻣﺎﻟﻬﺎ ﻛﺒﻴﺮﺓ ﺟﺪﺍ .. ﺍﻧﻮ ﺍﻟﺼﺎﻓﻲ ﻳﻜﻮﻥ ﻣﻦ ﻗﺴﻤﺘﻬﺎ ..

ﻭﻣﺮﺕ ﻛﻢ ﻳﻮﻡ ﻛﺪﺍ .. ﻭﻟﻴﻨﺔ ﺑﻘﺖ ﻛﻮﻳﺴﺔ .. ﻭﻣﻠﻜﺖ ﺍﻟﺼﺤﺔ .. ﺟﺎﺕ ﺍﻟﺠﺎﻣﻌﺔ .. ﺑﺲ ﻣﺎﺑﻴﻨﻬﺎ ﻭﺑﻴﻦ ﺍﻟﺼﺎﻓﻲ ﺗﻮﺍﺻﻞ .. ﻛﻞ ﻭﺍﺣﺪ ﻋﺎﻣﻞ ﺗﻘﻴﻞ ﻋﻠﻰ ﺍﻟﺘﺎﻧﻲ .. ﻭﻛﻞ ﻭﺍﺣﺪ ﺑﻌﺎﻳﻦ ﻟﻠﺘﺎﻧﻲ ﻣﻦ ﺑﻌﻴﺪ .. ﺧﺎﻳﻔﻴﻦ ﻣﻦ ﺷﻠﺔ ﻣﺆﻳﺪ ..

ﻃﺒﻌﺎ " ﻣﺆﻳﺪ ﻣﻐﻴﻮﻅ ﺷﺪﻳﺪ ﺧﻼﺹ ﻋﻠﻰ ﻟﻴﻨﺔ .. ﻭﺑﻌﺪ ﻣﺎﻛﺎﻥ ﻣﺎﻋﺎﻳﺰﻫﺎ .. ﺑﻌﺪ ﺭﻓﻀﺘﻮ ﺑﻘﻰ ﺩﺍﻳﺮ ﺑﺎﻱ ﺍﺳﻠﻮﺏ ﻳﺸﻮﻑ ﻃﺮﻳﻘﺔ ﻳﻠﻮﻱ ﻟﻴﻬﺎ ﺭﺍﺳﺎ ..

ﻟﻜﻦ ﻗﺒﻞ ﻟﻴﻨﺔ ﻫﻮ ﺯﻋﻼﻥ ﻋﻠﻰ ﺗﺴﺎﺑﻴﺢ .. ﻻﻧﻬﺎ ﺳﻤﻌﺘﻮ ﻛﻼﻡ ﺯﻱ ﺍﻟﺴﻢ .. ﻳﻌﻨﻲ ﻋﻨﺪﻭ ﻫﺪﻓﻴﻦ .. ﺩﺍﻳﺮ ﻳﻨﺘﻘﻢ ﻣﻦ ﺗﺴﺎﺑﻴﺢ ﻭﺩﺍﻳﺮ ﻳﺠﻊ ﺣﺐ ﻟﻴﻨﺔ ﻟﻴﻬﻮ .. ﻭﺑﺪﺍ ﻳﺨﻄﻂ ﺍﻭﻝ ﻓﻲ ﻣﻮﺿﻮﻉ ﺗﺴﺎﺑﻴﺢ ..

ﺍﻟﻤﻬﻢ ﻳﺎﺯﻭﻝ . ﻓﻲ ﻭﺍﺣﺪ ﻣﻦ ﺍﺻﺤﺎﺑﻮ ﺍﺳﻤﻮ ﺳﺎﻟﻢ .. ﻗﺎﻝ ﻟﻴﻬﻮ ﻳﺎﺳﺎﻟﻢ ﻭﺍﻟﻠﻪ ﺑﺲ ﺍﻧﺎ ﻋﺎﻳﺰ ﺍﻧﺘﻘﻢ ﻓﻲ ﺗﺴﺎﺑﻴﺢ ﺩﻱ .. ﻭﺍﺧﻠﻲ ﻟﻴﻚ ﻭﺷﻬﺎ ﻓﻲ ﺍﻟﻮﺍﻃﺔ ..

ﻗﺎﻝ ﻟﻴﻬﻮ ﺑﺴﻴﻄﺔ .. ﻋﻠﻴﻚ ﺑﺎﻟﻤﺴﻠﻄﺔ ﺻﺎﺣﺒﺘﻚ . ﻗﺎﻟﻮ ﺍﻟﻤﺴﻠﻄﺔ ﻣﻨﻮ ﺍﻭﻋﻰ ﻳﻜﻮﻥ ﺳﺤﺮ ﺷﻤﺎﺭﺍﺕ؟ ﻗﺎﻟﻴﻬﻮ ﻳﺎﻫﺎ .. ﺑﺲ ﺭﺍﺱ ﻣﺎﻟﻬﺎ ﻋﺸﺮﻳﻦ ﺟﻨﻴﻪ ﻭﺍﻟﻠﻪ ﺗﻈﺒﻂ ﻟﻴﻚ ﺍﻱ ﺣﺎﺟﺔ ..

ﻗﺎﻝ ﻟﻴﻬﻮ ﺧﻼﺹ .. ﻟﻮ ﻻﻗﺘﻚ ﻗﻮﻟﻴﻬﺎ ﻣﺆﻳﺪ ﻋﺎﻳﺰﻙ .. ﻭﻓﻌﻼ ﻻﻗﺘﻮ .. ﻭﻛﻠﻤﻬﺎ ﻭﺟﺎﺕ ﻟﻲ ﻣﺆﻳﺪ ..

ﻗﺎﻝ ﻟﻴﻬﺎ ﻳﺎ ﺳﺤﺮ ﺍﻧﺎ ﺍﻟﻠﻴﻠﺔ ﻋﺎﺯﻣﻚ ﺑﻴﺮﻗﺮ ﺟﺎﻣﺒﻮ .. ﻗﺎﻟﺖ ﻟﻴﻬﻮ ﻭﺍﺍﺍﻭ ﺑﻄﻨﻲ ﻗﻌﺪﺕ ﺗﻜﻮﺭﻙ .. ﻃﻠﻌﺖ ﻣﻌﺎﻫﻮ ﻣﺎﺷﻴﻦ ﻋﻠﻰ ﺍﻟﻜﺎﻓﺘﻴﺮﻳﺎ .. ﻣﺆﻳﺪ ﺍﻧﺴﺎﻥ ﺭﺩﺉ ﺑﻤﻌﻨﻲ ﺍﻟﻜﻠﻤﺔ .. ﻗﺎﻋﺪ ﻓﻲ ﺗﺎﻟﺘﺔ ﻟﻴﻬﻮ ﺗﻼﺗﺔ ﺳﻨﻴﻦ .. ﻭﺍﻇﻨﻮ ﻛﺪﺍ ﺗﺎﻣﻲ ﻓﻲ ﺍﻟﺠﺎﻣﻌﺔ ﺧﻤﺴﺔ ﺳﻨﺔ .. ﻭﺩﺍﻳﻤﺎ ﺩﺍﻛﻲ ﺍﻟﻤﺤﺎﺿﺮﺍﺕ ﻭﻣﻤﺴﺢ ﺷﻌﺮﻭ .. ﻣﺎﻣﺨﻠﻲ ﻟﻴﻬﻮ ﻛﺮﻳﻢ ﻣﺎﻋﺎﻣﻠﻮ ﻓﻲ ﺷﻌﺮﻭ .. ﺗﻠﻘﺎﻫﻮ ﻳﻠﻤﻊ ﻭﻛﻞ ﻳﻮﻡ ﺑﻨﻄﻠﻮﻥ ﺟﺪﻳﺪ .. ﻭﺗﺸﻴﺮﺕ ﺟﺪﻳﺪ .. ﻭﺟﺰﻣﻮ ﺩﻳﻞ ﺫﺍﺗﻬﻦ ﺍﺷﻜﺎﻟﻬﻦ ﻏﺮﻳﺒﺔ .. ﻭﺑﺤﺐ ﺍﻟﻨﺎﻃﻠﻴﻦ ﺍﻟﻀﻴﻘﺔ .. ﻭﻛﻞ ﻣﺮﺓ ﻳﻄﻠﻊ ﺍﻟﻜﻴﺲ ﻭﻳﺪﺭﺩﻡ ﻟﻴﻬﻮ ﺳﻔﺔ .. ﻭﻳﺮﻓﻊ ﺷﻔﺘﻮ ﺍﻟﻔﻮﻕ .. ﻭﻳﺤﺸﺮﻫﺎ ﺑﺎﻟﺠﻤﺒﺔ ..

ﺍﻫﻠﻮ ﻧﺎﺱ ﺍﻏﻨﻴﺎﺀ ﻟﻜﻦ .. ﻣﺎﻋﺮﻓﻮ ﻳﺮﺑﻮ ﺍﻟﻮﻟﺪ .. ﻭﺷﻜﻠﻮ ﻣﺪﻟﻊ ﺟﺪﺍ ..ﺍﻫﺎ ﺍﻭﻝ ﻣﺎ ﻭﺻﻠﻮ ﺍﻟﻜﺎﻓﺘﻴﺮﻳﺎ ﺍﺷﺘﺮﻯ ﻟﻴﻬﺎ ﺑﻴﺮﻗﺮ ﺟﺎﻣﺒﻮ .. ﻭﻗﺎﻝ ﻟﻴﻬﺎ ﺍﻧﺎ ﻋﻨﺪﻱ ﻟﻴﻚ ﺷﻐﻞ .. ﺣﻘﻚ ﻓﻴﻬﻮ ﻣﻴﺘﻴﻦ ﺟﻨﻴﻪ .. ﻗﺎﻟﺖ ﻟﻴﻬﻮ ﻗﻮﻝ .. ﺍﻧﺎ ﺟﺎﻫﺰﺓ .. ﺧﺼﻮﺻﺎ " ﺍﻟﻴﻮﻣﻴﻦ ﺩﻳﻞ ﻣﻔﻠﺴﺔ ﻭﺣﺎﻟﺘﻲ ﺑﺎﻟﺒﻼ .. ؟ ..

ﻗﺎﻝ ﻟﻴﻬﺎ ﻋﺎﻳﺰﻙ ﺑﺲ ﺗﺤﺎﻭﻟﻲ ﺍﻟﻤﺴﺘﺤﻴﻞ .. ﺗﺠﻴﺒﻲ ﺻﻮﺭ ﻓﺎﺿﺤﺔ ﻣﻦ ﺗﺴﺎﺑﻴﺢ .. ﻗﺎﻟﺖ ﻟﻴﻬﻮ ﻟﻮ ﺩﺍﻳﺮ ﻓﻴﺪﻳﻮ ﺑﺠﻴﺒﻮ ﻟﻴﻚ .. ﻟﻜﻦ ﻓﺎﺿﺤﺔ ﻛﻴﻒ؟؟ ﺍﻧﺎ ﻣﺎ ﻓﺎﻫﻤﺔ ..

ﻗﺎﻝ ﻟﻴﻬﺎ ﺗﻜﻮﻥ ﺑﺎﻟﻤﻼﺑﺲ ﺍﻟﺪﺍﺧﻠﻴﺔ .. ﺗﻜﻮﻥ ﻣﺎﺧﺪﺓ ﺭﺍﺣﺘﻬﺎ ﻋﻠﻰ ﺍﻻﺧﺮ .. ﻭﺗﺸﻴﻠﻲ ﻣﻨﻬﺎ ﺻﻮﺭ .. ﻗﺎﻟﺖ ﻟﻴﻬﻮ ﻣﺎﺗﺨﺎﻑ .. ﺩﻩ ﻣﻮﺿﻮﻉ ﻣﻘﺪﻭﺭ ﻋﻠﻴﻬﻮ .. ﺑﺲ ﺍﻧﺖ ﺑﻌﺪﻳﻦ ﻣﺎﺗﺪﺧﻠﻨﻲ ﻓﻲ ﻣﺸﻜﻠﺔ .. ﺍﻧﺎ ﻣﺎﻓﺎﺿﻴﺔ ﻭﺍﻟﻠﻪ ﻛﻤﺎﻥ ﺍﻫﻠﻲ ﻳﺴﻤﻌﻮ ﺑﻲ .. ﺍﻟﻀﺒﺢ ﺑﺲ ..

ﻗﺎﻝ ﻟﻴﻬﺎ ﻭﺍﻟﻠﻪ ﺳﺮﻙ ﻓﻲ ﺑﻴﺮ .. ﻭﺍﻧﺎ ﺑﺘﺼﺮﻑ ﺗﺼﺮﻑ .. ﺍﻧﺘﻲ ﻣﺎﺡ ﻳﻜﻮﻥ ﻋﻠﻴﻚ ﺍﻱ ﻣﺸﻜﻠﺔ .. ﺑﺲ ﺍﻧﺘﻲ ﺍﻋﻤﻠﻲ ﺍﻟﺒﻘﻮﻝ ﻟﻚ ﻋﻠﻴﻬﻮ ..

ﺳﺤﺮ ﺍﻟﻤﻐﻔﻠﺔ ﻣﺸﺖ ﺩﺭﺩﻗﺖ ﺍﻟﺒﺖ ﺍﻟﻤﺴﻜﻴﻨﺔ .. ﻭﺍﺗﻔﻘﺖ ﻣﻊ ﺻﺎﺣﺒﺘﻬﻢ ﺷﻬﺎﺩﺓ ﻋﺮﺑﻴﺔ ﺍﺳﻤﻬﺎ ﺍﻣﻨﻴﺔ ﺗﻘﺮﻳﺒﺎ .." ﺳﺎﻛﻨﺔ ﻓﻲ ﺳﻜﻦ ﺧﺎﺹ .. ﻣﻌﺎﻫﺎ ﺍﺭﺑﻌﺔ ﺑﻨﺎﺕ ﻭﻫﻲ ﺍﻟﺨﺎﻣﺴﺔ .. ﻭﻛﻠﻬﻦ ﺑﻨﺎﺕ ﺟﺎﻣﻌﺎﺕ ﻭﺍﺣﺪﺍﺕ ﻣﻌﺎﻫﻢ .. ﻭﺍﺣﺪﺍﺕ ﻓﻲ ﺟﺎﻣﻌﺎﺕ ﺗﺎﻧﻴﺔ .. ﻗﺎﻟﺖ ﻟﻴﻬﺎ ﻧﺤﻦ ﺟﺎﻳﻨﻜﻢ ﺯﻳﺎﺭﺓ ﻓﻲ ﺍﻟﺴﻜﻦ ﻳﺎ ﺍﻣﻨﻴﺔ .. ﺍﻧﺎ ﻭﺗﺴﺎﺑﻴﺢ .. ﺑﻜﺮﺓ ﺍﻟﻌﺼﺮ ﺡ ﻧﻄﻠﻊ ﻣﻌﺎﻙ ﻣﻦ ﻫﻨﺎ .. ﺍﻟﺒﺖ ﻗﺎﻟﺖ ﻟﻴﻬﺎ ﺍﻟﻤﻨﺎﺳﺒﺔ ﺷﻨﻮ؟؟ ﻗﺎﻟﺖ ﻟﻴﻬﺎ ﻭﺍﻟﻠﻪ ﺑﺲ ﺯﻫﺠﺎﻧﻴﻦ .. ﻭﻋﺎﻳﺰﻳﻦ ﻧﺘﻮﻧﺲ ﻭﻧﻬﻴﺺ ﺷﻮﻳﺔ .. ﻛﺴﺮ ﻟﻠﺮﻭﺗﻴﻦ ..

ﻗﺎﻟﺖ ﻳﺎﺯﻭﻟﺔ ﻣﺮﺣﺐ .. ﻓﻲ ﺍﻱ ﻟﺤﻈﺔ .. ﺍﻧﺎ ﻧﻔﺴﻲ ﺯﻫﺠﺎﻧﺔ ﻭﺧﻠﻘﻲ ﺿﺎﻳﻖ ..

ﻭﻓﻌﻼ ﺳﺤﺮ ﻣﺸﺖ ﻛﻠﻤﺖ ﺗﺴﺎﺑﻴﺢ .. ﻗﺎﻟﺖ ﻟﻴﻬﺎ ﺍﻣﻨﻴﻪ ﻋﺎﺯﻣﺎﻧﺎ ﻓﻲ ﺍﻟﺴﻜﻦ ..

ﻧﺸﻴﻞ ﻟﻴﻨﺎ ﺣﺎﺟﺎﺕ ﻭﻧﻤﺸﻲ ﺑﺎﻛﺮ ﻧﻬﻴﺺ ﻣﻌﺎﻫﺎ ﻭﻧﺠﻲ ..

ﻭﻧﺠﺤﺖ ﺳﺤﺮ ﻓﻲ ﺍﻧﻬﺎ ﺍﺳﺘﺪﺭﺟﺖ ﺗﺴﺎﺑﻴﺢ .. ﻭﻣﺸﻦ ﺍﻻﺗﻨﻴﻦ ﻟﻠﺴﻜﻦ

ﻭﺷﺎﻳﻼﺕ ﻣﻌﺎﻫﻦ ﺣﻠﻮﻳﺎﺕ ﻭﺷﻴﻜﻮﻻﺗﺎﺕ ﻭﻋﻮﺍﺭﺍﺕ ﻛﺪﺍ .. ﺍﻟﻤﻬﻢ ﻫﻨﺎﻙ ﻓﻌﻼ ﻗﻌﺪﺕ ﻳﺘﻮﻧﺴﻦ ﻭﻳﻀﺤﻜﻦ .. ﺑﻌﺪ ﺷﻮﻳﺔ ﺳﺤﺮ ﻗﻠﺒﺘﺎ ﻟﻴﻬﻦ ﻏﻨﺎ ﻭﺭﻗﻴﺺ .. ﻭﻗﺎﻟﺖ ﻟﻴﻬﻦ ﺍﻟﻠﻴﻠﺔ ﺍﻟﺮﻗﻴﺺ ﺧﻮﺍﺟﺎﺕ ﻓﻲ ﺍﻟﺸﺎﻃﻲ ..

ﻭﻗﻠﻌﺖ ﻣﻼﺑﺴﻬﺎ .. ﻭﺑﻘﺖ ﺗﺮﻗﺺ ﺑﻄﺮﻳﻘﺔ ﻋﺒﻴﻄﺔ .. ﻭﺍﻻﺗﻨﻴﻦ ﺍﻟﺘﺎﻧﻴﺎﺕ .. ﺍﻣﻨﻴﺔ ﻭﺗﺴﺎﺑﻴﺢ ..

ﻗﻠﻌﻦ ﻣﻼﺑﺴﻦ ﻭﻭﻗﻌﺪﻥ ﻳﺮﻗﺼﻦ ﻭﺑﻘﻦ ﺍﻟﺘﻼﺗﺔ ﻳﺮﻗﺼﻦ ﺑﺨﻼﻋﺔ ﻭﻣﺠﻮﻥ ﻏﺮﻳﺐ ﻭﺑﺎﻟﻤﻼﺑﺲ ﺍﻟﺪﺍﺧﻠﻴﻪ .. ﺑﻌﺪ ﺷﻮﻳﺔ ﺟﻮﻫﻢ ﺑﺘﻨﻲ ﺗﺎﻧﻲ ﻣﻦ ﺍﻟﺴﺎﻛﻨﺎﺕ ﻣﻊ ﺍﻣﻨﻴﺔ .. ﻭﺩﺧﻠﻮ ﻓﻲ ﺍﻟﺒﺮﻧﺎﻣﺞ ﻃﻮﺍﻟﻲ .. ﻭﻓﻲ ﻭﺍﺣﺪﺓ ﺗﺪﻕ ﻭﺗﻐﻨﻲ .. ﻭﺗﺴﺎﺑﻴﺢ ﺗﺮﻗﺺ ﻭﻣﺎﺧﺪﺓ ﺭﺍﺣﺘﻬﺎ ﻋﻠﻰ ﺍﻻﺧﺮ ..

ﻭﺳﺤﺮ ﺧﻠﺘﻦ ﻣﺸﻐﻮﻻﺕ ﻛﺪ ﻭﺷﺎﻟﺖ ﺍﻟﺘﻠﻔﻮﻥ .. ﺯﻱ ﺍﻟﺒﺘﻘﺮﺍ ﻟﻴﻬﺎ ﻓﻲ ﺣﺎﺟﺔ ﻣﻦ ﺍﻟﺘﻠﻔﻮﻥ .. ﻭﺑﻘﺖ ﺗﺼﻮﺭ ﺑﺎﻟﺪﺱ .. ﻓﻲ ﺍﻟﻨﻬﺎﻳﻪ ﺷﻐﻠﺖ ﺗﺴﺠﻴﻞ ﺍﻟﻔﻴﺪﻳﻮ .. ﻭﺍﺧﻔﺖ ﺍﻟﺘﻠﻔﻮﻥ ﺑﻮﺭﺍ ﺿﻠﻔﺔ ﺍﻟﺸﺒﺎﻙ .. ﻭﺍﻟﺒﻨﺎﺕ ﻳﺘﻌﺎﻭﺭﻥ ﻭﻳﻌﻤﻠﻦ ﻓﻲ ﺣﺮﻛﺎﺕ .. ﻻﻧﻬﻢ ﺑﺮﺍﻫﻢ ..

ﻭﺍﻟﺘﺴﺠﻴﻞ ﺷﻐﺎﻝ ﻭﻫﻦ ﻣﺎﻋﺎﺭﻓﺎﺕ .. ﺑﺲ ﺗﺴﺎﺑﻴﺢ ﻻﺣﻈﺖ ﺍﻧﻮ ﺳﺤﺮ ﻗﺎﻋﺪﺓ ﺗﺼﻮﺭ .. ﻣﺎ ﺍﺷﺘﻐﻠﺖ ﺑﺎﻟﻤﻮﺿﻮﻉ ﻛﺘﻴﺮ .. ﻭﺑﻌﺪ ﺷﻮﻳﺔ ﺳﺤﺮ ﺷﺎﻟﺖ ﺍﻟﺘﻠﻔﻮﻥ .. ﻭﺣﻔﻈﺖ ﺍﻟﺘﺴﺠﻴﻞ .. ﻭﺑﻲ ﻛﺪﺍ ﻧﺠﺤﺖ ﺍﻟﺨﻄﺔ .. ﻭﺿﻤﻨﺖ ﺍﻟﻘﺮﻳﺸﺎﺕ ..

ﺍﺧﺪﻥ ﻭﻧﺴﺘﻬﻢ ﻭﻣﺸﻦ .. ﻗﺎﻣﺖ ﻓﻲ ﺍﻟﺸﺎﺭﻉ ﺗﺴﺎﺑﻴﺢ ﺳﺄﻟﺖ ﺳﺤﺮ .. ﻗﺎﻟﺖ ﻟﻴﻬﺎ .. ﺍﻧﺘﻲ ﻳﺎﺳﺤﺮ ﺻﻮﺭﺗﻲ ﺍﻟﻘﻌﺪﺓ ﺩﻱ ؟؟ ﻗﺎﻟﺖ ﻟﻴﻬﺎ ﺍﻳﻮﺓ ﺻﻮﺭﺗﻬﺎ ﺍﻧﺘﻲ ﻻﺣﻈﺘﻲ ﻟﻲ ؟

ﻗﺎﻟﺖ ﻟﻴﻬﺎ ﺍﻳﻮﺓ ﻻﺣﻈﺖ ﻟﻴﻚ ﻟﻜﻦ ﻟﻴﻪ ؟؟ .. ﻗﺎﻟﺖ ﻟﻴﻬﺎ ﺑﺲ ﻭﺍﻟﻠﻪ ﺍﻧﺎ ﻋﺎﺟﺒﻨﻲ ﺟﺴﻢ ﺍﻣﻨﻴﺔ .. ﻭﺧﺎﻳﻔﺔ ﻟﻮ ﺷﺎﻓﺘﻨﻲ ﺍﺻﻮﺭ ﺗﻤﻨﻌﻨﻲ .. ﻗﺎﻟﺖ ﻟﻴﻬﺎ ﻋﺎﺩﻱ ﻳﺎﺥ .. ﻧﺤﻦ ﺑﻴﻨﺎ ﺍﻟﺜﻘﺔ .. ﺑﺲ ﺍﻋﻤﻠﻲ ﺣﺎﺳﺒﻚ ﺍﻟﺘﻠﻔﻮﻥ ﺩﻩ ﻣﺎﻳﻘﻊ ﻳﺪ ﻭﺍﺣﺪ ﻣﻦ ﺍﺧﻮﺍﻧﻚ .. ﻳﺸﻮﻓﻮﻙ ﺑﺎﻟﺸﻜﻞ ﺩﻩ .. ﻭﺗﺴﺎﺑﻴﺢ ﺍﻟﻌﻮﻳﺮﺓ ﻣﺎﻋﺎﺭﻓﺔ ﺍﻧﻮ ﺳﺤﺮ ﻣﺎﻇﻬﺮﺕ ﻓﻲ ﺍﻟﺘﺴﺠﻴﻞ ﻧﻬﺎﺋﻲ ..ﺍﻫﺎ ﺑﺎﻛﺮ ﺍﻟﺼﺒﺎﺡ .. ﺳﺤﺮ ﻻﻗﺖ ﻟﻴﻚ ﻣﺆﻳﺪ .. ﻗﺎﻟﺖ ﻟﻴﻬﻮ ﻳﺎﺧﻮﻱ ﺍﻟﻘﺮﻭﺵ ﺣﺎﺿﺮﺓ ؟ .. ﻗﺎﻝ ﻟﻴﻬﺎ ﺍﻫﺎ ﻳﻬﺪﻱ .. ﻃﻠﻊ ﻟﻴﻬﺎ ﺍﻟﻘﺮﻳﺸﺎﺕ .. ﻭﺭﺍﻫﻦ ﻟﻴﻬﺎ .. ﻭﺩﺧﻠﻦ ﺭﺍﺟﻌﺎﺕ ..

ﻗﺎﻟﺖ ﻟﻴﻬﻮ ﻭﺍﻟﻠﻪ ﺻﻮﺭﺕ ﻟﻴﻚ ﺷﻐﻞ ﻋﺠﻴﺐ .. ﺷﺘﺎﺕ ﻭﺣﺘﻴﺖ ﻧﺒﻖ ..

ﺑﺲ ﺍﻧﺖ ﺗﺘﻔﺮﺝ ﻣﻦ ﺑﻌﻴﺪ .. ﺍﻧﺎ ﻣﺎﺑﺤﻮﻝ ﻟﻴﻚ ﺍﻟﻔﻴﺪﻳﻮ .. ﺍﻻ ﺗﺪﻓﻊ ﻟﻲ ﺍﻭﻝ ﺣﺎﺟﺔ .. ﺍﻧﺖ ﻣﺎﻣﻀﻤﻮﻥ ﻳﺎﺧﻮﻱ .. ﻗﺮﻗﺮﻗﺮ ﻗﻌﺪ ﻳﻀﺤﻚ .. ﻗﺎﻝ ﻟﻴﻬﺎ ﻭﺍﻟﻠﻪ ﻃﻠﻌﺘﻲ ﻣﺠﺮﻣﺔ ﺩﺭﺟﺔ ﺍﻭﻟﻰ ﻳﺎﺳﺤﺮ ﺷﻤﺎﺭﺍﺕ .. ﻳﺎﺟﺰﻣﺔ ..

ﺍﻫﺎ ﻭﺭﻳﻨﻲ .. ﻣﺸﻮ ﻗﻌﺪﻭ ﺍﻻﺗﻨﻴﻦ ﺑﺮﺍﻫﻢ .. ﻭﻓﺘﺤﺖ ﻟﻴﻬﻮ ﺍﻟﺘﺴﺠﻴﻞ ﻭﺑﺪﺍ ﻳﺘﻔﺮﺝ .. ﻭﻣﻨﻄﻂ ﻋﻴﻮﻧﻮ .. ﻭﻣﻨﺪﻫﺶ ﺩﻫﺸﺔ ﻏﺮﻳﺒﺔ .. ﻭﻓﺎﺗﺢ ﺧﺸﻤﻮ ﻻﻣﻦ ﺭﻳﺎﻟﺘﻮ ﺳﺎﻟﺖ ﺍﻟﻐﺒﻲ .. ﻭﺑﻘﻰ ﻳﺴﻮﻱ ﻳﺎﻟﻄﻴﻒ .. ﻋﺎﻥ ﻛﻤﺎﻥ ﺍﻣﻨﻴﺔ ﻭﺍﺍﺍﻭ . ؟ ﻭﺍﻟﻠﻪ ﺗﺼﻮﻳﺮ ﻭﺍﺿﺢ ﻭﺿﻮﺡ .. ﻗﺎﻝ ﻟﻴﻬﺎ ﺍﻭﻝ ﺣﺎﺟﺔ ﺗﺮﺳﻠﻲ ﻟﻲ ﺍﻟﻔﻴﺪﻳﻮ ﺩﻩ ﺍﻻﻥ ؟؟

ﻃﺒﻌﺎ ﻣﺎﻛﺎﻥ ﻣﺘﻮﻗﻊ ﺍﻧﻮ ﻣﻤﻜﻦ ﺳﺤﺮ ﺗﻌﻤﻞ ﺍﻟﻌﻤﻠﻴﺔ ﺩﻱ .. ﻋﺸﺎﻥ ﻛﺪﺍ ﻣﺎﺩﺍﻳﺮ ﻳﺪﻳﻬﺎ ﺍﻟﻘﺮﻭﺵ ..

ﻗﺎﻟﺖ ﻟﻴﻬﻮ ﺗﺪﻓﻊ ﺍﻭﻝ .. ﻃﻠﻊ ﻟﻴﻬﺎ ﺍﻟﻘﺮﻭﺵ ﺍﺩﺍﻫﻦ ﻟﻴﻬﺎ ..

ﻗﺎﻟﺖ ﻟﻴﻬﻮ ﻟﻜﻦ ﻓﻲ ﻣﺸﻜﻠﺔ .. ﺗﺴﺎﺑﻴﺢ ﻋﺎﺭﻓﺎﻧﻲ ﺻﻮﺭﺗﻬﺎ .. ﻭﻟﻮ ﺷﺎﻓﺖ ﺍﻟﻔﻴﺪﻳﻮ ﺩﻩ ﻋﻨﺪﻙ ﺑﺘﺪﺧﻠﻨﻲ ﺍﻧﺎ ﻓﻲ ﻣﺸﻜﻠﺔ ..

ﻗﺎﻝ ﻟﻴﻬﺎ ﻻﻻ ﺍﺻﻠﻚ ﻣﺎﺗﺸﻴﻠﻲ ﻫﻢ ﺍﻧﺎ ﺑﺘﺼﺮﻑ .. ﺍﻧﺘﻲ ﺭﺳﻠﻲ ﻟﻲ ﺍﻟﻔﻴﺪﻳﻮ ﻭﺩﺳﻲ ﺗﻠﻔﻮﻧﻚ .. ﻭﻗﻮﻟﻲ ﺗﻠﻔﻮﻧﻲ ﺍﺗﺴﺮﻕ .. ﺑﻌﺪ ﻳﻮﻣﻴﻦ ﻗﻮﻟﻲ ﺗﻠﻔﻮﻧﻲ ﺍﺗﻠﻘﻰ ﻭﻟﻘﺎﻫﻮ ﻟﻲ ﻣﺆﻳﺪ .. ﺍﻧﺘﻬﻰ ﺍﻟﻤﻮﺿﻮﻉ .. ﻳﻌﻨﻲ ﻛﺪﺍ ﺍﻧﺘﻲ ﻣﺎﻋﻠﻴﻚ ﺫﻧﺐ ﻗﺎﻟﺖ ﻟﻴﻬﻮ ﻛﺪﺍ ﺗﻤﺎﻡ ..

ﺍﺳﺘﻠﻤﺖ ﺍﻟﻘﺮﻭﺵ .. ﻭﺣﻮﻟﺖ ﻟﻴﻬﻮ ﺍﻟﻔﻴﺪﻳﻮ ..

ﻭﺍﺧﺮ ﺍﻟﻴﻮﻡ ﺑﻌﺪ ﺍﻟﻤﺤﺎﺿﺮﺍﺕ ﺍﻧﺘﻬﺖ .. ﺳﺤﺮ ﻻﻗﺖ ﺗﺴﺎﺑﻴﺢ .. ﻗﺎﻟﺖ ﻟﻴﻬﺎ ﺍﻭﻭﻭﺏ ﻋﻠﻲ ﻳﺎﺗﺴﺎﺑﻴﺢ .. ﺍﻭﻭﻭﺏ ﻋﻠﻴﻨﺎ ﻛﻠﻨﺎ .. ﻗﺎﻟﺖ ﻟﻴﻬﺎ ﻓﻲ ﺷﻨﻮ ﻳﺎﺳﺤﺮ ؟؟؟

ﻗﺎﻟﺖ ﻟﻴﻬﺎ ﺗﻠﻔﻮﻧﻲ ﺍﺗﺴﺮﻕ .. ﻣﻦ ﺍﻟﺼﺒﺎﺡ ﻣﺎﻻﻗﻴﺎﻫﻮ ﻳﺎﺗﺴﺎﺑﻴﺢ .. ﻭﺍﻟﻤﺸﻜﻠﺔ ﻣﺎ ﻓﻲ ﺍﻟﺘﻠﻔﻮﻥ ﺍﻟﺘﻠﻔﻮﻥ ﻳﻄﻴﺮ .. ﺍﻟﻤﺸﻜﻠﺔ ﻓﻲ ﺻﻮﺭﻱ .. ﻭﺍﻟﻔﻴﺪﻳﻮ ﺍﻟﺼﻮﺭﻧﺎﻫﻮ ﺍﻟﺒﺎﺭﺡ .. ﻭﻧﺤﻦ ﻣﺎﻻﺑﺴﻴﻦ ﺣﺎﺟﺔ .. ﺗﺴﺎﺑﻴﺢ ﺷﻬﻘﺖ ﻛﺪﺍ ﻻﻣﻦ ﺩﺍﻳﺮﻩ ﺗﻤﻮﺕ .. ﻭﺧﺘﺖ ﺍﻳﺪﻳﻬﺎ ﻓﻮﻕ ﺭﺍﺳﻬﺎ ﻭﻗﻌﺪﺕ ﻓﻲ ﺍﻟﻮﺍﻃﺔ ..

ﻗﺎﻟﺖ ﻟﻴﻬﺎ ﺳﺠﻤﻲ ﺳﺠﻤﻲ .. ﺍﻟﻠﻴﻠﺔ ﺍﻟﻔﻴﺪﻳﻮ ﺩﻩ ﻟﻮ ﺍﻧﺘﺎﻗﻠﻮﻫﻮ ﺍﻟﻨﺎﺱ .. ﻓﻲ ﺍﻟﺒﻠﻮﺗﻮﺙ ﻭﺍﻻﻧﺘﺮﻧﺖ .. ﻭﺍﺧﻮﺍﻧﻲ ﺷﺎﻓﻮﻫﻮ .. ﺍﻧﺎ ﺧﻼﺹ ﺑﻜﻮﻥ ﻓﻲ ﺧﺒﺮ ﻛﺎﻥ ... ﺍﻭﻭﻭﻭﺏ ﻋﻠﻲ ﺍﻧﺎ ﺍﻟﻮﺩﺍﻧﻲ ﻣﻌﺎﻙ ﺷﻨﻮ؟؟ ﻳﺎ ﺍﻟﻐﺒﻴﺔ ﻳﺎ ﺍﻟﻤﻐﻔﻠﺔ ؟؟

ﺍﻟﻠﻴﻠﺔ ﺑﻜﺘﻠﻚ ﺍﻧﺎ ..

ﻗﺎﻟﺖ ﻟﻴﻬﺎ ﻳﺎﺗﺴﺎﺑﻴﺢ ﻋﻠﻴﻚ ﺍﻛﺘﻠﻴﻨﻲ .. ﻓﺮﻃﻲ ﺭﻭﺣﻲ .. ﺍﻋﻤﻠﻲ ﺍﻱ ﺣﺎﺟﺔ ﺑﺲ ﻃﻠﻌﻴﻨﻲ ﻣﻦ ﺍﻟﻮﺭﻃﺔ ﺩﻱ .. ﺩﻩ ﻧﺤﻦ ﻛﻠﻨﺎ ﺍﻟﻤﺼﻮﺭﻳﻦ ﺭﺣﻨﺎ ﻓﻴﻬﺎ ﻳﺎﺗﺴﺎﺑﻴﺢ ...

ﺍﻟﻤﻬﻢ ﻳﺎﺯﻭﻝ ﺳﺤﺮ ﻣﺜﻠﺖ ﺗﻤﺜﻴﻞ .. ﻏﺮﻳﺐ .. ﻭﻫﻲ ﻣﺎﻛﻠﺔ ﺍﻟﻤﻴﺘﻴﻦ .. ﻭﻣﺆﻳﺪ ﺷﺎﻝ ﺍﻟﻔﻴﺪﻳﻮ ﻭﻣﺸﻰ .. ﻣﺴﺎﻫﺮ ﻓﻮﻗﻮ ﺍﻟﻠﻴﻞ ﻛﻠﻮ .. ﺍﻇﻨﻮ ﺍﺗﻔﺮﺝ ﻓﻴﻬﻮ ﺍﻛﺘﺮ ﻣﻦ ﺧﻤﺴﻴﻦ ﻣﺮﺓ ..

ﻣﺎﻗﺪﺭ ﻧﺎﻡ ﻟﻠﺼﺒﺎﺡ .. ﻭﻛﻞ ﻣﺮﺓ ﻳﻘﻮﻝ ﻭﺍﻟﻠﻪ ﺩﻱ ﻏﻨﻴﻤﺔ .. ﺗﺴﺘﺎﻫﻞ ﺳﺤﺮ ﻳﺪﻭﻫﺎ ﻣﻠﻴﻮﻥ ﻋﻠﻴﻬﺎ ..

ﻟﻜﻦ ﻳﺎﺗﺴﺎﺑﻴﺢ ﻣﺎﻭﻗﻌﺘﻲ ﻣﻌﺎﻱ .. ﻭﺍﻟﻠﻪ ﺍﺧﻠﻴﻚ ﺧﺎﺗﻢ ﻓﻲ ﻳﺪﻱ .. ﻭﺍﻟﻠﻪ ﺍﺧﻠﻴﻚ ﺑﺎﺭﻳﺎﻧﻲ ﺯﻱ ﺍﻟﻜﻠﺒﺔ ﻳﺎ ﺣﻘﻴﺮﺓ .. ﺍﺻﺒﺮﻱ ﺳﺎﻱ ..

ﺍﻟﺰﻭﻝ ﺩﻩ ﻧﺎﻭﻱ ﻋﻠﻰ ﺷﻨﻮ؟ ﺍﻟﻠﻪ ﻳﻜﻔﻴﻬﺎ ﺷﺮﻭ ﻭﻳﻮﻗﻴﻬﺎ ﻣﻨﻮ ﺩﻩ ....

ﺍﻟﻰ ﺍﻟﻠﻘﺎﺀ