ELONA'S POV
“Hindi ko kailangan ng pera mo, Elona! Hindi ko kailangan!” gagad ni Daddy Rowan dahilan upang maikuyom ko ang kamay ko.
“Kulang pa ba ‘yan, Rowan? Sabihin mo at dadagdagan ko pa,” matigas na sambit ko dahilan upang ngumisi siya nang nakaloloko sa akin.
“What do you think of me? Mukhang pera tulad mo, ha? At kahit gaano kalaking pera pa ‘yang isulat mo sa cheque mo’y hinding–hindi ko ‘yan tatanggapin dahil hindi ko ipagbibili ang pasya ko’t hindi ko ibinebenta ang anak ko sa ‘yo!” maawtoridad na saad niya.
“Alam kong kakailanganin mo rin ng pera ko, Rowan, kaya kung ako sa ‘yo’y tanggapin mo na,” mariin na wika ko.
“May pera ako, Elona at itong ginagawa mo’y idadagdag ko ito laban sa ‘yo para mas lalong hindi mo makuha si Rowel sa akin,” matigas na saad niya at lumapi
