Pagkatapos nang klase ni Chantelle ay lumabas siya kasama ang kaibigang si Emily.
"Akala ko talaga hindi ko masasagutan 'yon! Mabuti na lang at natandaan kong sinabi ni daddy 'yon no'ng nakaraan." Malakas na pagkukwento ng kaibigan niya.
"Hindi ka kasi nag-review, eh! Mabuti at nalusutan mo 'yon."
"Syempre 'no! Ako pa ba?" napailing siya habang naglalakad.
Napanganga silang dalawa nang makitang flat ang dalawang gulong ng kotse ni Emily.
"What the hell? Anong nangyari sa gulong ko?! Hindi naman ganito 'to kanina ah?" tumaas ang boses niya.
"Hind ko din alam. Baka nakaligtaan mo lang dahil sa pagmamadali natin." Napakagat siya labi at hindi mapakali kung ano ang gagawin, "Ano ang gagawin natin? Magagabi na, Em."
"Mag-taxi na lang kaya tayo?" suhestyon ni Emily.
"Huh? Sige, tara
