Palabas na ang sasakyan ni Anthony sa kanto nang mapansin niya ang dalawang lalaking nagsisigarilyo sa may tindahan. Nilingon niya ang mga lalaki hanggang sa makilala niya ang mga ito. “Bakit nandito ‘yung dalawang ‘yon?" kunot ang noong sabi niya. Napalingon naman si Doughs sa dalawang lalaki. “Hindi ba iyon ‘yung mga kolokoy na kinuha mong bodyguard ni Mia?” tanong nito.
Itinigil ni Anthony ang sasakyan sa gilid ng kalsada atsaka ito bumaba. Agad namang sumunod sa kanya si Doughs.
“Boss!” agad na sabi ng dalawa nang matanaw siya.
“Bakit hindi niyo ini-report sa akin na nakalabas na ng ospital sila Mia?” kunwa'y tanong niya habang papalapit sa mga ito.
“Boss, hindi ka namin ma-contact, eh, kaya sinundan na lang namin sila.”
Napatango-tango si Anthony sabay ngumiti. “Good job! Tapos n
