ELLA'S P.O.V
Umaga na at hanggang ngayon ay hindi ko alam kung bumalik ba si Andrie kahapon. Wala rin akong natanggap na tawag mula sa kanya. Pangalawang araw na siyang nawala mula nang magpaalam siya sa akin.
"Oh' bakit hindi ka pa nag-aalmusal? Huwag mong titigan ang iyong phone dahil hindi ka mabubusog diyan!" untag ni Mama sa akin.
"Nagtataka lang po ako Ma, dahil hindi pa bumabalik si Andrie. Ang sabi niya ay babalik agad siya kinahapunan ngunit dalawang araw na ang makalipas ay hindi pa siya nagparamdam sa akin," malungkot kong tugon.
Hindi ko na alam ang sariling nararamdaman. Simula nang alagaan niya ako ay siya na ang hinahanap ko palagi. Isa rin sa pakiramdam ko ay takot iwanang muli ng mga taong nagmamahal sa akin.
Si Andrie na lang ang nagpapasaya sa akin ngayon at t
