"Ronalie, paano nga ulit namatay ang nanay at tatay mo?" tanong ni Jeff habang tulong-tulong sila sa paghahanda ng almusal. Kung bakit naitanong iyon ni Jeff ay wala lang, may mapag-usapan lang sila.
"Ang sabi ni Tita Gina, namatay si nanay noong ipinapanganak niya ako. Ang tatay ko naman ay basta na lang daw kaming iniwan," sagot ni Ronalie na abala sa pag-pri-prito ng itlog. Katulungan niya si Baklang Benjie. Si Jeff ang naghahanda sa lamesa.
"Talaga? Nakakalungkot naman," saad ni Baklang Benjie na taga-basag ng itlog sa kawali.
Napalabi siya. "Oo nga, eh. Lalo na ang nanay ko kasi hindi ko man lang siya nakita."
"Kahit sa picture?" tanong na naman ni Jeff.
"Meron siyang picture sa bahay pero iisa lang at noong bata lang siya," sagot niya ulit pero sa malungkot nang mukha. "Hind
