ABIGUR POV
Matagal na akong nandito sa mundo ng mga mortal. Alam ko na kung anong klaseng pamumuhay ang mayroon dito at ikinatutuwa ko iyon. Pinili ko ang manatili sa lugar na ito dahil may kakaibang lakas na ibinibigay sa akin ang mga tao.
Kasalukuyan na akong espiritu ngayon at gumagamit na lamang ng katawan ng tao upang manatiling buhay. Napaslang ang aking orihinal na katawan matagal na panahon na ang nakakaraan dahil sa digmaan na naganap noon sa Elementalia.
Hindi ko matanggap ang nangyari sa aking pamilya kaya naman nagdesisyon ako na balikan ang mga elementalist. Alam ko ang tungkol sa propesiya nila kaya naman pinaghandaan ko din ang takdang panahon na iyon.
Likas na masasama ang budhi ng mga normal na tao kaya naman nagpalakas ako sa pamamagitan nila. Madami akong nakilala
