Lunes ng umaga nang naghanda kami ni Paris papunta sa airport. Nanlalamig at nanginginig ang kalamnan ko dahil sa kaba, ilang oras mula ngayon kasi ay mahaharap ko na ang Papa niya. Minsan ko namang nakita ang Papa niya pero hindi kami binigyan ng pagkakataong mag usap. Hindi ko alam kung ano ang magiging reaksyon 'non kapag nakita ako. Mabait ba di katulad ng Mama niya?
Suot ko ang Off shoulder floral dress habang si Paris naman ay naka khaki pants at polo shirt na kulay light blue. Bitbit niya ang aming maleta habang ako naman ay naka kapit sa kanyang braso.
"Ba't dito tayo?" tanong ko nang makarating kami sa isang open field na may tatlong eroplanong naka tambay sa di kalayuan.
"May private plane si Papa, doon tayo sasakay." Automatikong bumilis ang pagtibok ng aking puso nang mabang
