الفصل الثاني

2527 Words

#وتبسمت_ذات_النقاب الفصل الثاني سمير: السلام عليكم ورحمة الله وبركاته زي ما حضراتكم عارفين إسم المحاضرة النهار ده القضاء على الغربان ايوا غربان مش لاقي وصف ثاني غير ده من لما الزي ده دخل بلدنا كانه غراب حل معاه الخراب، ايوا خراب بقينا عايشين في خوف يا ترى الي تحت النقاب ده ست ولا راجل يا ترى دي منتقبة كويسة ولا خطافة بتتخبى تحته طب أخبي نفسي ليييه هو انا م**وفة من شكلي ولا ايه ليه تدفنوا نفسكوا بالحيا يا اخواتي عيشي حياتك وانبسطي وما تفكريش في حاجة النقاب هيقيد حريتك امتى بقا هنفوق كفايانا تخلف ورجعية بقا تحضروا شويا مفيش ولا اية تدل على انه فرض انا مش فاهم جبتوه منين حرام بقا حرااام انتوا كده بتش*هوا الاسلام كفاية بقا ___________ مصطفى:في إيه يا صلاح صلاح:والله انا محرج منك أوي بس أهلي مش موافقين مصطفى بعصبية: يعني إيه الكلام ده؟ أنت اكيد بتهزر بس هزار بايخ صلاح:أرجوك اهدى مصطفى: إزاي عايزني أهدى وحضرتك بتلعب بمشاعر بنات الناس صلاح: انا مااقصدش أهلي راحوا سالوا عليها من ورايا وعرفوا الي حكيتهولي فرفضوا ياإما الجوازة دي ويغضبوا عليا مصطفى بضيق: أستغفر الله العظيم عن إذنك ورايا شغل صلاح: أنت زعلت مني؟ مصطفى بتهكم: مش مهم زعلي المهم المسكينة الي عشمتها إن في عريس متقدملها ومش فارق معاه الحكاية دي ========= ظلت جويرية ترمق أخاها بصدمة وهي لا تكاد تستوعب التراهات التي يهذي بها ومااوجع روحها أنها لاحظت بوادر إقتناع على وجوه بعض الأخوات بسمة بشفقة: جويرية خلينا نمشي جويرية بثبات مصطنع: لا عايزه أسمع للآخر قاطع تركيزها رنين هاتفها فأسرعت بالإيجاب ما إن رأت إسم توأمها ينير شاشة الهاتف مودة: ايوا يا بنتي عايزه ايه يا هانم مش فاضية بعدين هبقى اآآ قطعت حديثها حينما سمعت شهقات توأمها بذعر مودة بقلق: في إيه يا رحمة إيه الي حصل مااالك أنتِ كويسة ما تردي بقا قلقتيني رحمة من بين شهقاتها: مص مصطفى ط ط طل طلللقني اهئ اهئ مودة بعدم تصديق: نعم؟ أنتِ بتهزري صح؟ رحمة:أنا في البيت عندك محتاجاكِ ِأوي أرجوكِ تعالي مودة وهي تحت تأثير الصدمة: مسافة السكة يا حبيبتي بس اهدي إقري قرآن عشان تهدي وأنا جاية أهوه انطلقت مودة إلى البيت وبعدها بوقت قصير انتهت المحاضرة عادت كل من الفتيات إلى بيوتهن مثقلات بالهموم كيف لهن الرد على هذا الهراء __________ بسمة: يااا أهل البيت أنا جييييت أبو بسمة: شكلك رايقة بسمة: لا والله يا بابا مضايقة عشان المهزلة الي حصلت في الكلية حسبنا الله ونعم الوكيل فيهم أبو بسمة بتفهم: يلا يا حبيبتي غيري وتعالي كلي لقمة بسمة بابتسامة رقيقة: تسلم يا أحلى بابا على الغداء بسمة بمرح:قول يا بابا ابو بسمة بارتباك: ا ااا اقول إيه يا بنتي بسمة بخبث:الكلام الي على ل**نك ابو بسمة: ههههههههه على طول كشفاني يعني احمـ متقدملك عريس يا بنتي وقعت الملعقة من يدها وأص*رت صوتا مزعجا بسمة بوجوم: الحمد لله شبعت عن إذنك يا بابا استوقفها والدها: استني يا بنتي ليه ما تديش لنفسك فرصة اقعدي معاه يا بنتي وبعدين قرري بسمة وقد اغرورقت عيناها بالدموع وبصوت متحشرج: أرجوك يا بابا مش عايزه قام والدها ولف ذراعه حول كتفيها وسار بها الى غرفتها وجلسا سويا على سريرها ابو بسمة بحنو: يا بنتي افهمي عايز أطمن عليكِ مع الي يصونك أنا مش باقيلك العمر كله والدنيا ما بقتش أمان ده أنتِ عايشة وسط ذيابة عايز أموت وأنا مطمن علت شهقات بسمة وأسرعت بتقبيل يده واحتضانه وهي ترد بنشيج بسمة ببكاء: بعد الشر يا بابا ربنا يخليك ليا أنا بعدك أموووت أنت حياتي كلها أرجوك ما تقولش كده أبو بسمة بجدية: الموت مش شر يا بنتي الموت حق علينا كلنا ومحدش عارف إن كان خير أو شر يا بنتي ما ترفضيش العرسان كده حرام اقعدي معاهم واستخيري لو ماارتحتيش خلاص بسمة برجاء: أرجوك يا بابا مش عايزه أبو بسمة بحزم وعصبية: الظاهر إني دلعتك زيادة يا هانم بصي بقا من الآخر هد*كِ فرصة لحد أما تتخرجي يا تتعالجي ياإما هجوزك لأول واحد يتقدملك لو اطمنت انه هيصونك بسمة بانفعال: أنا مش مجنونة يا بابا عشان أتعالج انا كويسة أبو بسمة بغيظ: أنتِ جبتي عقلية ستي دي منين هو أي حد يروح لدكتور نفسي يبقى مجنون عموما مش عايزه براحتك بس بد*كِ مهلة أهوه عشان بعدها هجوزك للي شايفه مناسب وخرج من الغرفة مسرعا صافعا الباب خلفه بعنف بينما بسمة تعالت شهقاتها بسمة ببكاء مرير: مش عايزه مش عايزه أفتح قلبي مش عايزه أحب مش عايزه أبقى مُنى الثانية مش عايزه أبقى ضعيفة مش عايزه مش عاااايزه _________ في شقة علا ماان دخلت البيت حتى استوقفتها والدتها ام عصام: حمد لله عالسلامه يا حبيبتي روحي غيري لحد اما احط الغداء علا بحنو: ما تتعبيش نفسك يا ماما هغير واجي اجهزه ام عصام: مفيش تعب يا حبيبتي يلا بسرعة علا بصريخ:اعاااااااااااا يا ماااااما اخذت تنهج من الذعر الى ان هدات تماما فاول ماان فتحت الغرفة اخذ اخاها عصام يفرقع البلالين في وجهها اذ كان مختبئا ومنتظرها علا بانفعال: منك لله يااخي خضتني والله حرام كده كنت هموت من الخضة ام عصام بغضب: انت يالا مش هتكبر ابدا عصام ينظر خلفه باستغراب: بتكلميني انا؟ انا الباشمهندس عصام يتقالي يالا؟ ام عصام: ولاااااا لو عملت كده ثاني هض*بك بالشبشب على دماغك واخلي البت علا تصورها وتنزلها عالبايزفوك ساعتها هتبفى فضيحة بجد علا: اسمه الفيسبوك يا ماما ام عصام بتحذير: بتقولي ايه!! علا: خلاص البايزفوك البايزفوك انا مالي هو انا كنت مارك ولا من بقية اهله عصام كاتم ضحكه: طب بذمتك يا ماما اشوف اختي جايه مضايفة مش من واجبي افرفشها ام عصام بصرامة:قداااامي عشان نتغدى وبعدها هتغسل المواعين يا عصااام عصام باستعباط: عصام مين ؟ علاااا قدامي عشان المواعين بعد الغداء وتنفيذ عصام عقوبته ومشا**ة علا له ذهب الى غرفتها ودلف بعد الاستئذان عصام:عوعو علا بيغيظ: عوعو اما يعضك يا رخم مليون مرة اقولك بطل الدلع ده وتابعت:بص يا عيعي ما تبقاش تدلعني قولي علا زي خلق ربنا كله عصام: جبتي عيعي دي منين يا بت هو انتى ق*فانة من حاجة ولا ايه علا: بردلك الدلع يا عيعييي عصام: ماشي يا علا نشوف موضوع الدلع ده بعدين خلينا في المهم علا: الي هو ايه؟ عصام: حصل ايه النهار ده في الجامعة علا بحزن: ده مش عارف بيقول ايه اصلا اهو اي كلام وخلاص الي مضايفني جويرية كانت م**ورة اوي عصام: اشمعنى علا: الي كان بيكلم يبقى اخوها عصام بصدمة: اخوها!! علا بوجع: اه ده صعب معاها اوي ومش بتشتكي ولا حاجة قالت انا منتقبة عن اذيه الناس منتقبة عن رد الاساءة بالاساءة مستحملة وصابرة مع اني شايفة انها غلطانة لازم تحارب عصام بشرود: صدق الي سماها ذات النقاب ثم تابع بلهفة ودون وعي:هي جويرية دي حلوة علا بصدمة: انت اهبل؟!! نظر عصام الى اخته بارتباك وخرج مسرعا ________ عند جويرية كانت م**ورة حزينة تشعر بالخزي من فعلة اخيها نهضت توضات واتت بمصحفها واخذت ترتل القرآن الكريم بصوتها العذب الى ان هدات تماما واخذت تفكر ماذا عساها تفعل الى ان اهتدت الى فكرة لترد بها على السموم التي نفثها اخاها في اذان الطلبة _____________ مودة: يااا مصيبتي انتى عملتي كده يا رحمة؟ ازاي جاتلك الفكرة المهببة دي؟ ازاي تعملي كده ؟ هي دي مفاجاة ولا هدية دي كارثة مصيبة نيلة اي حاجة رحمة ببكاء: بقولك عشان تشوفيلي حل تقومي تولولي موة بصدمة: مش قادرة استوعب لسه الي هببتيه يا رورو ========== ====== كانت ترتدي فستان ابيض طويل وحجاب ابيض رقيق وطويل ايضا وهي تسير وسط ارض خضراء ظلت تقرب منه و ما ان وصلت حتى فزع من منظر فستانها الملطخ بالدم !! ___________ فلاش باک في شقة مصطفى ما ان دخل شقته حتى وجد العتمة تستقبله والانتريه كلها شموع في شكل اسهم وقبلها مكتوب بالورد امشي ورا الاسهم ابتسم مصطفى بسعادة فتلك الشقية جهزت له مفاجاة جديدة ظل يسير وراء الشمع الى ان وصل الى غرفة النوم فوجدها مضاءة بالشموع ووجد ورقة ملقاة على الارض التقطها فوجد مكتوب " عيب اوي يا صاصا اما تمشي ورا الشمع وما تمشيش ورا قلبك" مصطفى بسعادة: ههههههههه والله لو ما طلعتيش يا مجنونة انت حرة لايوجد رد اخذ يبحث عنها في البيت كله ولا اثر لها مصطفى بضحك: اطلعي يا رورو انا مش قد مقالبك انتى عارفة اني بتجنن لما تتخبي عني اطلعي بقا اما رحمة فكانت تحاول كتم ضحكاتها بصعوبة سمع مصطفى صوت ضحكات مكتومة فعرف اين هي جنيته الصغيرة فابتسم بمكر واتجه نحو السفرة مصطفى بابتسامة خبث: ايه ده فار تحت السفرة يعععع رحمة بفزع وهي تخرج من تحت السفرة وتصرخ رحمة: عاااا الحقوووني فااار فااار عااا يا ماما صاصاااا ارجوك اقتله انفجر مصطفى ضاحكا على منظرها رحمة وهي تتشبث في ثيابه من الخلف: ارجوك خليه يبقى صرصار انا موافقة بس فار لا لا مصطفى بصعوبة من بين ضحكاته :اه اهـ اهدييي ههههههه مفيش حاآاااجة بـ هاااازر معاااكى رحمة تض*به بخفة على كتفه: حرام عليك فزعتني انت رخم وانا مش بحبك هه مصطفى بابتسامة حب: عشان تبقي تتخبي عني كويس وتابع بغمزة: بس ايه الشياكة دي رحمة بخجل: مصطفى عيد زواج سعيد يا حبي وكل سنة وانت ليا(ده بدعة اصلا ولا يجوز الاحتفال به) تناولا سويا طعام العشاء وسط مغازلة مصطفى المحببة وخجل رحمة الجميل وامضيا وقتا ممتعا وقام مصطفى باهدائها خاتم رقيق مكتوب عليه سنتين حب عودة للوقت الحالي رحمة ببكاء: بقولك عشان تشوفيلي حل تقومي تولولي موة بصدمة: مش قادرة استوعب لسه الي هببتيه يا رورو رحمة: قريتها في روايه البطله عملتها للبطل فقلت اجرب انا كمان مودة: بصرف النظر بان الاعياد دي بدعة وحرام تحتفلي بيها اصلا وتعمليلها قيمة رحمة بانفعال: ممكن بلاش مواعظ دلوقتى مودة بتعقل: انتى يا رحمة نسيتي ان مصطفى شرقي يعني اكيد هيفكر كده يعني تروحي تعملي عملية عشان ترجعي بنت وعايزه تعمليها مفاجأة ويتبسط رحمة: كنت عايزاها هدية مميزة كنت عايزه نبدا بداية جديدة مودة بغيظ: بس مش للدرجة دي رحمة: سمعني كلام صعب اوي تصوري شك فيا وقالي ايه يضمنلي انك ما عملتيهاش قبل كده وغشيتيني مودة: اهدي يا حبيبتي انتى بردو غلطتي وخليتيه يشك رحمة: لا ما غلطتش المفروض كان يثق فيا اكثر من كده مودة بنفاذ صبر: انتى عارفة كويس ان الموضوع ده حساس وجوزك رجل دمه حامي ودماغه جزمة رحمة: طب ليه؟ انا عشت معاه سنتين عمره ماشاف مني حاجة وحشة ليه كده مودة بانفعال شديد: عشان على جبينا في و**ة و**ة عار اسمها هالة عشان عندنا اخت اسمها هالة سيرتها على كل ل**ن وبسببها مفيش عريس قرب مننا لنكون زيها حتى مصطفى لو لا حبه الكبير ليكى وتحديه لاهله عشانك ماكانش اتجوزك رحمة: يعني ايه احنا مالنا ومالها ليه ياخذونا بذنبها ليييه مودة بمرارة: عشان احنا عايشين في مجتمع عظيم ممكن يسامح الراجل على اي حاجة يعملها ومش ممكن يسامح الست على اي حاجة #ماعملتهاش ثم تابعت: بس عارفة بعدك عن ربنا والبدع الي متتبعاها هي سبب مشاكلك تخلصي من ذنوبك وتوبي يا رحمة عشان ربنا يصلح حالك ربنا اداكى نعمة كبيرة بس انتى ما شكرتيش وقعدتي تبارزيه بالمعاصي " من كان في نعمة ولم يشكر خرج منها ولم يشعر " (ملحوظة1: الي عملته رحمة عملته واحدة بجد وفعلا جوزها شك فيها وطلقها بلاش تمشوا ورا الروايات اغلبها خيال ملحوظة2: فعلا المجتمع بياخد ناس بذنب ناس حرام كده ذنبهم ايه دول تقف حياتهم" لا تزر وازرة وزر اخرى") ========= كانت تحمل حمامة بيضاء وترتدي فستان ابيض رقيق وخمار ابيض طويل وتجري وتلهو لكنها تنظر بتركيز لتلك الحمامة مخافة ان تضيعها الى ان ظهر من العدم شاب يحمل سكينا تقطر دما نظرت اليه بفزع وقد لفت انتباهها فستانها الملطخ بالدم فاطلقت صرخة رعب دوت في الارجاء نهضت جويرية فزعة تفت ثلاثا على شمالها وغيرت جهة نومها واستعاذت بالله من الشيطان الرجيم هرب النوم من عينيها فقامت توضات وصلت ركعتين ودعت الله ان يحفظها من اي سوء ========== #موتوا_بغيظكم السلام عليكم ورحمة الله وبركاته هو ايه مشكلتكم مع النقاب ليه بتكرهوه اوي كده ماالكم ومالوا انا عايزه انتقب انا حرة انت مالك بالنسبة ان كثير عصابات استغلت النقاب عشان عمليات الخ*ف دول ناس بيش*هوا صورة النقاب هو بدل ما نقضي عليهم بنساعدهم ليييه المجرم مش مستني نقاب يتخفى تحته عشان يخ*ف ياما عصابات كانت بتتنكر بالبيروك ونظارات شمس وشنب وغيره ليه ما حدش قال لازم نمنعهم عشان محدش يستغلهم عشان مشكلتكم مع النقاب مشكلتكم مع الاسلام عايزين تطفوا نوره بس لا والله مش هتقدروا فموتوا بغيظكم يُرِيدُونَ لِيُطْفِئُوا نُورَ اللَّهِ بِأَفْوَاهِهِمْ وَاللَّهُ مُتِمُّ نُورِهِ وَلَوْ كَرِهَ الْكَافِرُونَ سورة الصف الاية 8 _________انا ان كنت حلوة ولا وحشة دي حاجة تخصني كفاية عليا الاجر من الله عشان نيتي انا بلبس النقاب عشان اساعد الشباب على غض البصر مثلا انا رايحة فرح وعايزه اتزين ومش عايزه اعصي ربنا لانه قال جل في علاه: "لا يبدين زينتهن الا لبعولتهن" انا حلوة لدرجة الف*نة كده شايفة نفسي موت بغيظك بقا وبالنسبة بقا لحكمه شرعا فلا انا ولا انت ولا غيرك لينا ان نحكم ان كان فرض او لا في ايات واحاديث بتقول انه فرض وفي غيرها بتقول لا والائمة الاربعة انقسموا لفريقين الي قال انه سائر بدن المراة عورة لازم تغطيه وفي الي قال بدن المرأة كله عورة ما عدااا الوجه والكفين بشرط امن الف*نة عموما ده موضوع ما يفرقش معاكم ان كان فرض او لا عايزين تحاربوه وخلاص بس هتلاقوا بدل الواحده الف واقفة في وشكم وبتوفيق من عند ربنا هنهزمكم انا مش م**وفة من نفسي ولا شكلي بس انا غالية اوووي مش اي حد يقدر يشوفني انا نجمة في السماء محدش يقدر يوصلها انا غالية اوي نقابي حياتي فـ موتوا بغيظكم #ذات_النقاب كانت تلك العبارات التي خطتها جويرية ونشرتها على مواقع التواصل الاجتماعي وجنت العديد من الاعجاب والنشر لعباراتها بتوفيق من الله ======== في كافتيريا الجامعة بسمة: ليه ما نعملش احنا كمان ندوة في الجامعة يا بنات جويرية بتهكم مرير: احيانا بتصعبي عليا يا بوسبوس بسمة: اشمعنى علا بنفاذ صبر: عشان هبلة بسمة: انا شامة ريحة شتيمة مودة بتعقل: دول لو يلاقوا يحرقونا بالنقاب مش هيقصروا عايزاهم يسمحولنا ندافع عنه انت طيبة اوي بسمة بتنهيدة: الله المستعان اللهم اجعلنا من القابضين على الجمر البنات: امين مودة: اسيبكم يا بنات سايبة رحمة لوحدها مش عايزه اتاخر البنات:اتفضلي يا حبيبتي وسلمي عليها _ عند بسمة كانت تتمشى على النيل شاردة في حياتها وفي ما حدث لصديقتها منى التي سببت لها عقدة صاحبتها لسنين ظلت تتمشى الى ان وجدت نفسها واقفة امام عيادة دكتورة نفسية لم تعلم كيف وصلت ولا مالذي اتى بها لكنها بقيت مترددة اتدخل ام لا !! (قصة منى دي حقيقية للاسف) _________ عند علا ما ان دخلت البيت ام عصام بفرحة: حمد لله عالسلامه يا حبيبتي علا باستغراب: الله يسلمك يا ماما ام عصام بحماس: عندي ليكى حتة خبر بمليون جنيه علا بمرح: خليلك الخبر واديني المليون يا ماما ام عصام بغضب: بتتريقي علا بضحك: لا طبعا يا كبير انا بس بغلس ام عصام بجدية: متقدملك عريس اجهزي بكره المغرب عشان تقابليه ________ عند جويرية سمير بغضب: انت بتتحديني؟ جويرية بثبات: لا سالتني سؤال وانا جاوبت سمير بغيظ: يعني مش خايفة جويرية: انت عارف اني منتقبة عن الكذب سمير بعصبية شديدة والله هتشوفي يا جويرية واخذ يض*بها واخذت هي تدعو اللهم اجعل ض*به لي بردا وسلاما اللهم ازح الغمة واهديه الى سبيلك اللهم ف*ج كربي اللهم ان لم يكن بك سخط عليا فلا ابالي ولكن رحمتك اوسع لي !! ======= ظل يجول ببصره في الشقة الفارغة الباردة صدى صوتها وضحكاتها وشقاوتها وجنونها يتردد في اذانها ليخرج مسرعا يهيم بالشوارع مصطفى وهو يحدث نفسه: يا ترى الي عملته صح بس رحمة مش كده مالهاش ذنب في الي عملته اختها انا ليه جرحتها نفسه: يعني عرفت تضحك عليك بوش البراءة الي رسماه مصطفى: صح صح مش هتتجرا تعمل كده الا لو واخذة عليها انا بكره هطلقها رسمي واخلي امي تشوفلي عروسة محترمة!! ======== دلفت بسمة الى العيادة وجلست بانتظار دورها وماان نادت السكرتيرة عن اسمها معلنة وصول دورها حتى كان صوتها بالنسبة لبسمة كانه ناقوس الخطر دق في عقلها فهبت واقفة وجرت خارج العيادة وكأن وحش الماضي يطاردها!! ====== عبد العزيز بغل: دي من منشور واحد عالنت هيجت علينا الراي العام بس صبرك عليا يا جويرية هانم ان ما خليتك ت**في تمشي في الشوارع والكل بيحتقرك ماابقاش انا عبد العزيز ونهض للبدء في خطته الدنيئة !! #يتبع لـ #قمر_فتحي

Free reading for new users

Scan code to download app

App Store Google Play

Facebookexpand_more