HINDI ALAM ni Donabella kung magagawa niya bang sabihin kaagad kay Timothy ang nararamdaman niya. Breaking up is harder than she thought. Akala niya ay magagawa niyang makipaghiwalay sa binata ng ganoon lang kadali pero nagkamali siya. Simula kagabi ay hindi na mawaglit ang ngiti sa mga labi ng binata at hindi maatim ni Donabella na mabubura ang ngiti na 'yon dahil sa kaniya.
“Dona...”
Nilingon niya si Tatiana. Bumuntong-hininga ito at hinawakan ang braso niya. “Nahihirapan ako para sa 'yo pero hindi naman pwedeng lokohin mo nalang ang sarili mo at si kuya. Wala ka nang nararamdaman sa kaniya, sabihin mo na.”
Umiling siya sa matalik na kaibigan. “Hindi ko alam, Ana. Tuwing nakikita ko ang ngiti niya, naduduwag akong makipaghiwalay. Minsan ko na rin siyang minahal, Ana, at masakit sa 'ki
