ISANG linggong walang balita si Sahara tungkol kay Del Mundo at hindi na rin ito pumapasok sa kanilang klase. Ayon sa kanilang naging substitute teacher, naaksidente raw ito at na-ospital. Kung ano ang tunay na nangyari, walang nakakaalam.
At nang muli itong nagpakita sa kanilang klase ay may cast pa ito sa kaliwang kamay at ilang pagaling na gasgas sa mukha. Pero hindi doon nagulat si Sahara, kundi sa hindi nito pagpansin sa kanya. Wala siyang natanggap na anumang text message o tawag mula rito pagkatapos ng nangyaring ‘aksidente’.
“Hindi naman talaga na-aksidente si Prof Del Mundo, eh,” sabi ng isa nilang ka-eskuwela. Kalalabas lamang ni Del Mundo noon. Agad na naglapitan ang iba at nakiumpok sa usapang iyon. “May bumugbog raw kay sir sa parking area.”
“Pa’no mo naman nalaman?” tanon
