IYON ba ang tinatawag na ‘spark’? ‘Chemistry’? ‘Magic’? Pero matagal na panahon na siyang hindi naniniwala sa mga ganoong bagay. Kahit pa nga kay Baste ay hindi siya nakaramdam ng spark-spark na gano’n.
Napalunok si Sahara nang unti-unting lumalapit ang mukha ni Ace sa mukha niya. Sukul na sukol na siya doon sa kanyang kinauupuan kaya hindi niya magawang gumalaw.
“Do you hear that?” mahinang tanong ni Ace. His breath smelled scotch and mint.
“Hear what?”
“That – thump, thump, thump. Ang lakas,” nakangiti nitong sabi. “Sa’yo ba ‘yon?”
Umiling siya. Naiintindihan niya ang ibig nitong sabihin.
Ipinilig nito ang ulo sa kaliwa na para bang napakalalim ng iniisip. Sa sobrang gulat ay hindi na niya nagawang makapalag nang kunin nito ang isa niyang kamay at ilapat sa malapad nitong dibdi
