“SAHARA.”
Agad siyang tumalikod nang marinig ang pamilyar na boses na iyon at halos mapatalon nang makita kung sino ang dumating.
Ngumiti si Ace. “So, Sahara pala ang totoo mong pangalan.”
“S-sorry,” nahihiya niyang sagot. “Magkatunog naman, diba?”
“Oh well, Sahara suits you better.” Natawa si Ace, na ikinagaan ng loob niya.
Tumabi ito sa kanya. Kapwa na sila nakatayo doon sa baranda ng rooftop, kapwa umiinom ng red wine, kapwa nakatingin sa malawak na madilim na kalangitan.
“I went to unit 1027 just the other day and I never expected na ‘yung kaibigan mo pala na nakatira roon at si Kaye, I mean, Karen, ay iisa.”
“Bakit ka pumunta do’n?”
“To look for you. I just want to know if you’re all right…your stalker, remember?”
“I’m all right, Ace.” Hindi niya napigilang mapangiti. “Nai
