#ارهنتُ_ عمري
بارت ١٢
نورا ناصر
انصبغت الارض بدم خالي ، بقيت مصدومة وانه اباوع ع الدم المتدفق من ايده وبصورة مرعبة والخوف شل عقلي ، على صوت صراخ امي وصياح خالي وهو يسب ويشتم ويهدد ويتوعد ، شفته سحب ايده المصابة لتطخ ببقايا الزجاج المتهشم والي هشمَه هو ، من طخت تزلغت بالزايد وصار الدم يتدفق بشدة اكثر ، والسجينة طاحت من الايده ع الارض بداخل المطبخ... !
ركضت امي تلطم على خدها وتصرخ ، فتحت الباب
بسرعة وراحت يمه ، ركض حازم خذَ السجينة وشمرها لبعيد ، وطلع برا يمهم ، خالي طايح ع الكاع ويلف بيده بغترته ، والدم اخذ منه مأخذ .. !
ضلت تأشرلي امي خابري على خالج فائق بسرعة...
وانه واكفة متصنمة واباوع بذعر وذهول
من حجت امي هيج ظليت ادور ع التليفون مالتها ع الكاونتر دائما هيه تخلي بهالمكان..
شفت وردة كاعدة ع الكاع وتملخ بخدودها
وتمتم بكلام كوة فهمت منه بضع كلمات
_ كله مني انه السبب صو
