Tulala at tigagal ako nang ipahayag ni ate Ida ang pagkamatay ng Donya Helena mula nang makabalik siya sa ospital na kinaroonan naming dalawa ni Xander. Hindi ko matukoy ang aking naramdaman sa narinig mula sa kanya. Awa, lungkot, pag-aalala, pagkadismaya, sakit, paninisi at kung anu-ano pa.
Napaiyak na lamang ako.
Pero wala ng lalala pa sa kung ano man ang nararamdaman ni Xander. Kung ako ang nasa kalagayan niya'y marahil nahimatay na ako. Tiyak na hindi ko kakayanin kapag sa akin iyon nangyari.
Tinanong ko kay ate Ida kung ano ang tunay na nangyari at ayon sa kwento niya, aalis na sana siya ng hapong iyon pabalik ng ospital upang ihatid ang mga gagamitin ni Xavier nang bigla siyang nakarinig ng sunod-sunod na sigaw. Napag-alaman niyang nanggaling iyon sa kwarto ng donya Helena.
Bigla
