روايات بقلم / نورهان القربي قوة و جبروت امرأة ( الجزء الاول)

الفصل الاول

الفصل الاول

بقلم / نورهان القربي

مبنى البحث الجنائي

...../صباح الخير يا احمد باشا

احمد و هو يقف و يسلم على الشخص و هو مبتسم/صباح الخير نورتينا

/دا نور الاداره يا باشا

احمد و هو يضع سماعه الهاتف على اذنه و ينظر لها/طبعا قهوه مظبوطه

و هى بتبتسم و تؤكد على كلامه/ قهوه مظبوطه

احمد و هو يبتسم/اتنين شاى يابنى سكر بره

/ايه الغلاسه ديه انت متكملش حاجه كويسه للاخر ليه

انا قولت استحاله الترحيب الانت عملتهولى و الكلام المحترم دا يكون ليا و يكمل للاخر دا انا كنت هشك فيك لو كنت كملت بالاحترام دا

احمد /هههههههه?

*******************

احمدالمسيرى / في ثلاثون من عمرة ظابط فى اداره البحث الجنائي صاحب اسر خال التوئم و متربين سوا و يسكن معهم فى نفس العماره مع والدته و ابن اخيه الصغير

*******************

احمد بجديه /امرينى يا حضره النقيب ايه سبب الزياره

/ايه مينفعش اجى ازور اخويا الكبير قبل متنقل من الاداره

و أثناء الحديث خبط الباب ودخل شخص وضع الشاى امامهم

عامل البوفيه / تؤمرنى بحاجه تاني يا احمد باشا

احمد يحرك القلم بين صوابعه / لا اتفضل،،، اخلصى و قولى عاوزه ايه بدل اللف و الدوران دا اليسمعك و انتى بتتكلمي كده يقول مش هشوفك تانى منتى مترزعه عندنا فى البيت اربعه وعشرين ساعه دا ساعات بحس انه بيتك اكتر مهو بيتى

/هههههههه هو حد يبقى فبيته عسل زى حمزه و يسبه فى حاله لازم يتاكل ده روحي

احمد بغيظ / خديه عندكم و ارحمونى منه عاوز انام زى الناس ،،، و اخلصى عاوزه ايه

/ايه اخلصى دي المفروض تحترمنى اكتر من كده انا خلاص هعلق نجمه و الرؤوس هتتساوا و هتنقل لجهاز اعلى

احمد/اخلصى يا ايسل و قولي عاوزه ايه انا ورايا شغل

ايسل بجدية/طلب منك بس من غير متسال عن السبب

احمد بقلق /خير طلب ايه

ايسل/هبعتلك صوره عاوزه اعرف معلومات عنها

احمد باستغراب/ صوره لمين

ايسل تمسك هاتفها وترسل الصوره له /انا بعتهالك على الواتس بس الموضوع ده مهم ومحدش يعرف عنه حاجه وعاوزه المعلومات ديه قبل متنقل للجهاز

احمد باستغراب من كلامها و هو ينظر الى الصوره /

مين ده يا سو دا شكله واحد محترم مش هنلاقى ملف لية عندنا طيب اسمه ايه علشان الموضوع يبقى سهل او اي معلومه عنه

ايسل بغضب/ فى ايه يحضره المقدم مش عارف تشوف شغلك

احمد بهدوء وهو متحكم بعصبيته/ ايسل وطى صوتك و قعدى و اهدى انا مقلتش حاجه لكل العصبيه الانتى فيها

ايسل بهدوء و حزن وهى تحاول ان تخفيه /انا اسفة يا احمد بس دي قضيه عاوزه اقفلها قبل متنقل من الاداره و فى مشكله حصلت فى البيت ماثره عليا

احمد /مالك يا ايسل فى ايه و مشكله ايه هى طنط تعبانه و لا ايه

ايسل بابتسامه هادئه /متقلقش الحمد الله لينو كويسه بس دا موضوع خاص بماما اعذرنى مش هقدر احكيه

احمد بغمزه / ولا يهمك يا مزه لما تعوزى تتكلمى كلى اذانا صاغيه ?? وهو يشاور على ودنه

ايسل و هى تقف /هههههههه خلاص انا همشى و محدش يعرف حاجه عن الصوره متتاخرش عليا فى الانا طلباه منك سلام يا باشا

احمد /سلام بس يارب مروح الايكى عندنا فى البيت ومستولى عليه

ايسل و هى تخرج من المكتب /عيب عليك يا باشا مبقاش سو

اه فكرتنى الشخص العاوزه عنه المعلومات من الصعيد ومحضر دكتوراه من بره

احمد و هو يقف فى مكانه و يضع ايده فى وسطه??/نعم يا ختى و عماله تزعقى و تقولى مش عارف اشوف شغلى و اظن يا حضره النقيب عارفه اهميه معلومه زى دي و بتكون مهمه ازاى

ايسل تبتسم لكى تغيظه/عيب يا حضره المقدم انا كنت حابه اعصبك و طلعت لسنها ليه وخرجت علطول من المكتب

احمد ? /هههههه مجنونه

★★★★★★★★★★★★★★

فى مكان اخر ( الصعيد)

ارض زراعية شاسعه المساحات ملئيه بالزرع الاخضر و الهواء النقى و الهدوء و الصفاء يجلس وسط هذه الخضره شابان يتمازحان

امجد بحالميه و هو بغمز له/ياعم مش عارف انت زعلان ليه انك هتسافر كايرو يارتنى انا يعم انت كفايه هتشوف جمال كايرو و مزز كايرو و......

آمر و هو ينظر اليه بق*ف و يمسكه من قفاه مثل المجرمين /كايرو طب عيب عليك جدك لو سمعك و انت بتقول كايرو هيطخك عيارين و هيكون حلال فيك و بعدين مزز ايه احترم نفسك وبلاش تقعد مع هاجر و سهر كتير علشان ابتدى يظهر عليك ميول بنات

امجد وهو يخلص قفاه من يد امجد /ميول ايه يا سياده الرائد عيب عليك تشك فى قدرات اخوك ولا تيجى نسافر شرم و نشوف مين الهيشقط اكتر ونرجع ايام الصياعه

آمر وهو يبتسم و يغمز له /ياريت وهو الواحد يظبط نفسه قبل ميسافر هتصل بالواد احمد ومراد ونشوف و نظبط معاهم و هبعت حد ينضف الشاليه

امجد و هو يصفق بيديه بحماس/العب يا فرغلى الصقر هينزل الملاعب من تانى و هتبقى ايام مليطه بس هنعمل ايه فى جدى و ابويا

آمر و هو يبتسم بثقة/متقلقش انا هظبط كل حاجه اتقل انت و متتكلمش

امجد/اشطه يا صقر يلا بينا نرجع علشان الشمس قربت تغيب

آمر / يلا بينا

و ذهب الاثنين الى السرايا و هم يتمازحون ويضحكون

*********************************

فى شقه فى القاهره تتميز بالفخامه

تجد امرءه تجلس امام مكتبها و تنظر بحزن الى صوره ابنائهاوالتى تضعها على مكتبها و تتذكر الذى حدث امس

فلاش،،،،

اسر /يا لينا فكرى فى الموضوع المهندس علي طلب ايدك لتالت مره و م**م على عرضه للجواز منك و مستنى موفقتك

لينا/انا رافضه الموضوع رفض تام

اسر بغضب /انتى ليه رفضه فكرى و ادي لنفسك فرصه انتى لسه صغيره و عيالك خلاص كبروا و انتى محتاجه راجل جمبك عيالك خلاص كبروا و اتخرجوا وهيجى عليهم وقت و هيسبوكى و يتجوزوا و انتى هتلاقى نفسك لوحدك

لينا بغضب /اقفل على الموضوع ده يا اسر علشان رهف جوه ومازن و ايسل زمانهم جاين و مش عاوزه الموضوع يتفتح قدامهم

اسر بغضب و صوت عالى /لا مش هقفل يا لينا و خليهم يجوا علشان تتاكدى انهم خلاص كبروا و مش هيمنعوا انك تتجوزى

لينا ببكاء /خلاص يا اسر ارحمنى

اسر بغضب /لا مش هرحمك انا بحبك و خايف عليكى و عاوز افوقك و لازم تشوفى نفسك

و لكنهم لم يشعروا بمن فتح الباب عليهم و ظلوا يشاهدون ماذا يحدث و خاصه انهم اول مره يروا خلهم يرفع صوته على اخته

وقبل ان تتكلم لينا تدخل مازن مستفهما ماذا يحدث

مازن /فى ايه يا اسر صوتك عالى وبتزعق لماما ليه

لينا تحاول ان تتحدث قبل ان يتحدث اخيها

ولكن ليس كل مايشتهيه المرء يحدث

(يسلام عليا وانا فليسوفه???)

تحدث اسر بغضب و لم يبالى بنظرات لينا التى تتوسل اليه الا يتحدث

المهندس علي طلب اديها تلت مرات و كل مفتح معاها الموضوع و قلها فكرى ترفض من غير متفكر

مازن بغضب /نعم مين ده العاوز يتجوزها و فكر بس يطلب اديها هو انا مش عاجبه ولا ايه دا ليله امه سوده....

اسر باستغراب و صدمه لانه توقع موافقه مازن اول واحد هيوافق

ليه انشاء الله هى مش حقها انها تتجوز ولا خلاص انتوا ختوها حق الانتفاع مدى الحياه مش حضرتك هتعوز تتجوز و خواتك برضوا و لا نوين تترهبنوا محدش فكر فيها خالص بعد كده هتفضل لوحديها ازاى

رهف بهدوء /ايوه يا خالوا انا معاك بس هى مش موافقه خلاص الموضوع خلص مش هنغصبها على حاجه هى مش عوزاها

مازن بغضب و هو ينظر الى رهف/ايه الانتى بتقوليه ده بس اسكتى متتكلميش انتى موافقه انها تجوز اصلا

آيسل /وفيها ايه هى مش هتعمل حاجه حرام و لا عيب

لينا صرخت مره وحده بصوت عالى و هى بتبكى بشده

اسكتوا خالص مش هينفع اوافق على حد و لا المرادى ولا بعدين

اسر و هو يمسكها من كتفها ليجعلها تنظر له / ليه يا لينا فهمينى و قوليلي سبب مقنع لينا بانهيار و عصبيه لا تستطيع التحكم بها

علشان انا،،،،،،،،،،،،،،

ايوه ا ايوه انا عارفه انى هادمه اللا ذات ???

يا رب تكون حلقه النهارده عجبتكم و ياريت اللاقى تشجيع و كومنت حتى لو سلبى انا موافقه ??