Unti-unting iminulat ni Sheila ang kanyang mga mata. Gumuhit sa kanyang sentido ang matinding sakit noong makita niyang umiikot ang kanyang paligid. Alam niyang nakahiga siya ngunit pakiramdam niya ay nakalutang siya at unti-unting lumulutang. Napaungol na siya muling ipinikit ang mga mata.
Ano ang nangyari? tanong niya sa sarili. Ang huli niyang pagkakaalala ay kausap niya si Kelly Ann sa cellphone. Nagluluto pa nga siya ng pagkain niya eh. Napaingit siya at tumagilid. Lalo lang tumindi ang pagkahilo na kanyang nararamdaman. Noong muli niyang igalaw ang kanyang kamay ay doon lang niya napansin na parang ang bigat ng kanyang kamay. Kaya naman ay bahagya niyang iminulat ang isang mata. Una niyang nakita ang isang pahabang bagay. Malabo pa ang kanyang paningin kaya muli niyang isinara ang
