Mahigit isang buwan na ang nakakalipas mula nang umalis ang grupo ni Janred. Hindi na halos sila nakakapag-usap ni Dianne dahil naging abala rin ito sa school. Katatapos lang din kasi nang graduation nito.
Nang gabing iyon dumalaw si Alfred kay Dianne. Ibinida niya kasi rito na marunong na siyang mag-bake kaya sumugod ito sa bahay nila para tikman ang pinagmamalaki niyang cookies. Kasalukuyan silang nagkakatuwaan noon sa sala nang biglang bumukas ang pinto at iniluwa si Janred. Nanlaki ang mga mata ni Dianne. Hindi niya kasi inaasahan ang pagdating nito. Madilim ang mukha ni Janred na noo'y inilang hakbang lang ang paglapit sa kanya. Nagulat siya nang bigla na lang siya nitong kinabig at siniil ng halik sa labi sa harapan mismo ni Alfred. Kunot ang noong itinulak niya papalayo si Janred.
