Chapter 10
3rd Person's POV;
Nang makatulog si Worth habang nakadapa sa kama dahan-dahan tumayo si Nigel at nilagyan ng kumot ang anak.
Lumabas na din ito ng kwarto na agad sinalubong ni Mikael. Paakyat sana ang binata para silipin ang mag-ama.
"Kamusta si Worth? "
"Nanaginip na naman ba palagi ng masama? "
"Hindi naman. Ginawa lang ako na love guru ng anak mo."
"Hindi mo naman siguro tinuruan ng kabalustugan ang anak mo diba? " nakataas ang kilay na tanong ni Mikael.
"Bakit ka ganyan magtanong? Wala ka bang tiwala sa mukha ng gwapo mong asawa. "
"Sa gwapo pa lang hindi na kapani-paniwala, " banat ni Mikael na kinasimangot ng asawa.
"Alam mo babe kung hindi lang kita mahal, matagal na kitang pinalitan. "
"Paano 'yan mahal mo ako kaya alam kong hindi mo agad ako mapapalitan. "
