Pagkatapos ng date namin sa dalampasigan ay nagpasya kaming umuwi na dahil malapit na rin ang hating gabi. Baka mag-alala na sila inay at Itay kapag nagtagal pa kami sa labas. Kaya hindi na ako magtataka kung bakit nasa labas parin sila ng bahay at inaantay ang pagdating ko.
“Magandang gabi po,” Bati ni Lawrence sa kanila. Sa sobrang kaba ko na baka pagalitan nila ako ay nakalimutan kong magkahawak parin pala kami ng kamay. Kaya doon napunta ang mga mata nila Inay at Itay.
“Magandang gabi naman sir Lawrence.” Halos sabay na bati nilang dalawa.
“Lawrence na lang po. Hindi na naman kayo naiiba sa pamilya namin saka isa pa kami na po ni Gabbi.”
Napalunok ako nang bigla niyang sabihin yun. Hindi ko pala napaghandaan ang lahat. Umalis ako kanina na single ilang oras lang may boyfriend na
