Naikot ko na ang buong kwarto pero hindi ko talaga makita si Pookie! Nagpa-panic na ako, hindi kaya may pumasok sa kwarto ko at na Pig-nap siya? Pero imposible! Walang magkaka-interest doon dahil nakakabingot na ang amoy noon! Wala namang bata dito na kukuha sa kanya, at kung meron man siguradong magdadalawang isip yun na kunin siya dahil napaka –amos na noon!
Kaagad akong bumaba at pinuntahan ko si Tanya. Naabutan ko siyang naghihiwa ng rekado para sa lulutuing ulam habang si Manang Constancia naman ay naghahalo sa kawali.
“Oh? Anong nangyari sayo?” Kunot noo na tanong ni Tanya. Napansin niya ata na hindi ako mapakali.
“Tanya. Umamin ka, ikaw ba ang nag pig-nap kay Pookie? Nasaan na siya?”
“Ano? Nawawala siya? Hindi ko alam, at hindi ko pag-iinteresan ang matabang pookie mo noh!” Sago
