Gabriella POV
“Gabbi! Andito si senyorito Terrence!” Mas malakas na boses ni Kuya Andress. Lalo tuloy akong nagmadaling hilahin siya upoang makalabas ngunit pinigilan niya ang kamay ko.
“Kung ayaw mong umalis magtago ka bilis!”
Hindi ko alam kung bakit nakatayo na ako ngayon habang pinagsisikan siya sa gilid ng aparador. May mga nakahanger na damit sa taas kaya hindi siya makikita kung sakaling itakip ko sa mukha niya ang mga damit. Wag lang isasarado ang pinto dahil siguradong mapapansin agad ang mga paa niya.
“Bakit ba kasi kailangan kong magtago?” Mahinang sambit niya. Pinandilatan ko siya ng mata.
“Pinagbawalan niya akong kausapin ka kaya magtago ka diyan kung ayaw mong hindi na kita kausapin pa! Naintindihan mo?!”
“Baby?”
Sunod-sunod na katok sa pinto ang nagpagulat sa akin.
