Tumalikod si Diana sa kinaroroonan nina Freya at Jacob. Hinawakan niya ang magkabilang balikat ni Yael.
"Tita, parang nakita ko po si mommy rito," sambit ni Yael.
"No sweetie. Baka namamalik-mata ka lang. Siya nga pala, 'di ba you want to eat McDo's chicken joy?" nakangiting tanong ni Diana.
"Yes po tita! Jabi po sana kaso sabi mo po walang Jabi rito kaya McDo na lang po," masiglang tugon ni Yael.
"Tara! Puro seafoods at beef kasi rito sweetie. Lipat tayo ro'n," pangungumbinsi ni Diana.
"Sure po tita! Thank you po," ani Yael.
Pumihit na sina Diana para lumabas sa restaurant. Itutulak na niya ang pinto nang biglang …
"Diana?" kunot-noong sabi ni Jacob. Napansin niya ang batang kasama nito. Hindi niya lang kita ang mukha dahil nakatalikod ito sa kaniya.
Halata ang pagkagulat sa mukha
