Samara’s POV
Wala akong nagawa para pigilan si Melecio. Siya ang gumasta, naistorbo at naperwisyo kaya karapatan niyang harapin si Dennis. Wala si Tori kaya siya talaga ang nag-iisang mahaharap namin para malaman namin kung ano ang problema nila sa shop ni Melecio at ganoon ang trip nila.
“Melecio, kalma lang ng kaunti. Kausapin muna natin siya. Tanungin natin kung bakit nila nagawa ‘yun. Sana ay huwag ka munang gumawa ng hindi maganda,” pangaral ko sa kaniya. Councilor kasi itong si Dennis. Mas mapera ito kaysa kay Melecio. Maaaring kapag kung ano pa ang nagawa niya rito ay baka ibaliktad pa siya nito. Wala kaming hawak na ebidensya kaya hindi pa rin maganda na manakit agad siya.
Hindi sumagot si Melecio. Sa wari ko ay malalim na ang iniisip nito. Siguro ay hindi siya makapaniwala na
