“Baby hindi ko nagustuhan ang paraan nang pakikipag-usap mo kanina,” pangaral ko sa anak habang nakaupo kami sa may veranda.
“He killed my dad!” mariing turan ni Charlie.
Bumuntonghininga ako ng ilang ulit at saka tinitigan ko ang anak sa kaniyang mga mata.
“Makinig kang mabuti sa sasabihin ko, Baby...” Sinuklay ko ang buhok niya gamit ang mga daliri ko sa kamay. “Tito Carl Wayne, will protect you from the bad guy. Anuman ang nakita mo ng gabing magkaharap silang dalawa ng daddy mo ay isang pagkakamali lamang.”
“But I saw him pointed a gun in the head of my dad,” mariing wika ni Charlie na medyo napalakas pa ang boses.
Nalulungkot ako sa nakikitang galit ng anak ko para sa kaniyang tunay na ama. Hindi ko maiwasang panikipan ng dibdib dahil sa maling kaisipang nabubuo sa isipan niya.
