Mabilis na nilisan ni Reca ang lugar. Parang gripo ang mga mata niyang tumulo kaagad ang luha. Sa pagmamadali niyang makalayo hindi niya napansin ang isang bagay nagpapatisod sa isang paa niya at deretso siyang nadapa sa lupa. Napapahagulhol siya ng iyak. Bakit ganito ang nararamdaman niya. Bakit ang sakit sa dibdib... Bakit? Naramdaman niyang umangat ang katawan niya at nakalipad sa hangin. Nakulong siya sa malalaking bisig at sige pa rin sa pagtulo ng mga luha niya. Kahit nanlalabo na ay pilit niya paring tiningnan ang taong ito. Ang pagbaba taas ng Adam's apple at ang matangos nitong ilong. Ang mapupulang labi na mayroon maninipis na bigote na bumagay sa gwapong mukha ng lalaki. Hindi niya ito makakalimutan kahit kailan na minsan sa buhay niya may isang taong sinaktan siya at minahal..
