8

1127 Words

ليا: شنو هوة مراد: اريد اتلمس وجهج ليا: لل ييييش ش مراد : ماكدر اشوفج واشكال بخيالي داتخيلج اريد اشوفج ليا: اممم مراد: راح الزم وجهج اوك ليا: اا و ك --- مراد بديت اتلمس وجها من كصتها بشرتها ناعمة نزلت على حواجبها متان وطوال جفنها مبطن عيونها واسعة رموشها وسط لاطوال ولاكصار صاحبة خدود انفها وسط طولاني شفايفها صغار ومليانة كورت وجهة بيدي وسحبت ايدي بسرعة مراد: بسم الله ليا: شش كوو مراد : عنددج غمازة بخدج الايمن؟؟ ليا : شمدريك مراد: عيونج عسلية ليا: اي والله شلون عرفت انته تشوف مراد :شعرج طويل ومو سرح لونة اشقر ليا: اي بس صبغتة شمدريك مراد: هاي شلون ليا: وين شاا يفني مراد :شفتج قبل سنتين ليا : وو ين مراد :جنتي لابسة فستان طويل ابيض وشعرج مفتوح وتمشين على طارف النهر ليا: مرايحة لهيج مكان ولا بيوم نزعت شالي وين هذا المكان مراد : مادري بلحلم جان ليا: شفتني بحلمك مراد: اي شفتج واستغربت منو انتي وشسوين بحلمي حجيته ل وسام صديقي كلي هاي حورية من الجنة وضحك علية ليا: هاا مراد : اششش كافي ---- صدمني من كال شايفني بل حلم ماكمل حجي سكتني وضل يباوع علية لازم ايدي قوي ضليت اباوع بعيونة كلش مخيفة سوادها قاتم وهو مبهذل نفسة ممعتني بنفسة قررت ا**ر الصمت الي بينة سألته ليا: شلون تعرف بوجودي بدون ماحجي ولا كلمة مراد: من عطرج ليا: شلون واني ماحط عطر مراد: عطرج انتي نفسج سكتت ورا دقايق مراد : كومي لغرفتج ضووجتيني كمت من يمة داطلع من باب الغرفة مراد: الحجي الي صار هنا تنسي وميطلع ماشي ليا نداريت: مااشي طلعت للمخزن غرفتة احلى رغم مضلمة وكئيبة دافية ونضيفة ع** المخزن الي اني بي نمت واني افكر بمعاناتة ----- مراد سألتني شلون اعرف بوجودها بدون ماشوفها كلتلها من عطرج ضلت ساكتة شي بداخلي كام يجرفني اتجاهها كلتلها اطلعي من الغرفة كامت وطلعت ضليت افكر بيها رجع خوف بداخلي من ضلامي من لزمت ايدي راح الخوف مني بس هسة رجع بداخلي خليت راسي احاول انام حسيت بالجوع كمت واني اتلمس الحايط اريد اروح للمطبخ طلعت من الغرفة نضربت بطبلة وكع من فوكاها شي وان**ر سمعت فتحت باب الغرفة الي بصف غرفتي( المخزن) مراد : شتسوين هنا ليش مو بغرفتج ليا: اني هنا غرفتي مراد : شنوو ليش مانطوج غرفة فوك وانطوج المخزن ليا: مادرري اوووف هاي حقارة من اهلي يريدون يذلوها ليا: انتة ليش كمت محتاج شي مراد: ماعليج انتي روحي نامي ولتدخلين بية ليا: جوعان اسويلك اكل مراد: كلت معللليج امشي انطمري عفتها دكمل طريقي انلطخت بلحايط اجتي تلزمني دفعتها مراد : اخر مرة اكلج لتدخلين بية كملت طريقي للمطبخ واني اتلمس الحايط دخلت ادور ع الثلاجة فتحت الباب ومديت ايدي بداخلها سحبت ماعون منها وكع شي بلكاع اجتي ليا علية مراد: ليش تخليني اموتج مو كلت نااامي ليا وهي تلزم ايدة : تعال اكعد اني احضرلك استسلمت ورحت كعدت لان صدك جوعان وبدون عشا اسمعها تحضر بل اكل وتلم الماعون الي ان**ر مراد: شدسوين ليا : مخلمة كاعد كعدت مقابيلي وحطت المواعين وكلاص الجاي دامد ايدي ليا: اني اوكلك مراد: ماريد اني اكل لزمت الطاوة احترك اصبعي ليا: موكتلك اني اوكلك كامت ثواني واجت حطت ثلجة على ايدي ليا: الزمها بيدك الحتركت واني اوكلك ضلت توكلني نفسها طيب بالاكل مراد: كاافي شبعت ليا: بلعافية كامت لمت المواعين وغسلتهن واني كاعد كمت وكفت جتي يمي ليا: تعال اخذك لغرفتك مراد: ماريد عوفيني داروح للحديقة تيهت طريقي لزمت ايدي وكالت : تريد تطلع للحديقة طلعتني وكفت بالحديقة الهوى بارد يخبل مراد : جيبيلي كرسي ليا: باردة امشي نطب جوا مراد : معليج بية جيبي كرسي دخلت سمعت حطت الكرسي وراي كعدت مراد: امشي طبي جوة ليا: وانتة مراد: كلت معليج بية وطبي جوة حسيتها ابتعدت وانسد باب المطبخ ضليت كاعد والافكار تفر بدماغي ماعندي شي اسوي غير التفكير بمصيري ماحسيت على نفسي بعد كعدت الصبح على صوت العصافير وبطانية متغطي بيها بعد ماكمل اكلة كام يريد يطلع للحديقة ساعدتة طلع وكف طلب مني كرسي كتلة باردة كلي معليج جبتلة كرسي ودخلت من شباك المطبخ وكفت اباوعلة الى ان رجع راسة ليورة عرفته نام ردت اروح اكعدة حتى يطب للبيت بس كلت خطية جبتلة بطانية غطيتة وطبيت نمت كعدت الصبح على دفرة باب المخزن غادة: يللةة لشوكت تضلين نايمة كومي حضررري الريوك كعدت واني نعسانة البارحة بل٤ يلة نمت وهسة الساعة بل٧ بدلت دشداشة نيلي وبيها وردي ولبست شالي وطلعت دحضر الريوك باوعت من الشباك شفت مراد كاعد وصافن جوي ببالي اهلي وشديسوون هسه كطع تفكيري دخول الكل ع الريوك صبيت الريوك الام: كومي ياسمين ودي ريوك اخوج ياسمين : اوووف ميجي ويانه ياكل ياسر : كومي عاددد ياسمين : كمت كمت ليا: هوة بلحديقة ياسر : شيسووي بلحديقة وكام للحديقة واني اباوع من الشباك وكفة ودخلة صبحو عليه اهلة مجاوب هو وياسر ديطلع من باب المطبخ يروح لغرفتة عمتي كالت يلة ياسمين ودي الريوك ورا اخوج كامت وهية تتأفف شالت الصينية وطلعت لغرفة مراد ثواني وسمعت صيحت مراد مراد: ليييييا رحت ركض لكيتة كالب الصينية وياسر وياسمين واكفين يمة ليا: ها اا مراد : ليش ماجبتي الريوك انتي ليا: عع ممه كالت ل ياااسم يين مراد: انتي فصلية انتي تجييييبي فهمتي ليا: امممم افتهمت لزمة ياسر من كتفة ابتعد عنة وكال اطلعو وعوفوني طلعو وطلعت وياهم رحت جبت مكناسة ولميت المواعين الت**رت وهو كاعد ميحجي شي ليا: اسويلك بيض لو جبن مراد: مارريد شي ولي من وجهي طلعت ورحت اكمل شغلي ----- مراد اجة علية ياسر ودخلني للبيت اجتي ياسمين جابت الريوك تذكرت حجيها البارحة وشلون هي تشوفني عالة عليها كلبت الصينية وصحت لياا جتي كلتلها انتي الفصلية انتي الي تجيبين الريوك ياسر لزمني بعدت منة وكلتلهم عوفوني طلعو ورا ثواني اجتي ليا لمت المواعين سألتني شريد ريوك طردتها من الغرفة وخليت راسي دنام كعدت ورا فترة احس جسمي م**ر وراسي راح يطك صحت على امي انفتحت الباب ليا: محتاج شي مراد: امي وين صيحيها ليا: عمة كالت رايحة لبيت عمك مراد: البقية وين ليا : ياسر ومصطفى وياسمين بلدوام وخلود وغادة راحن للسوك مراد: اوووف ليا: تريد شي اني اسويلك مراد : لا هيج امشي ولي ليا وهي تقترب : بيك شي شو ترجف مراد: معليج مدت ايدها على راسي ليا: مصخن انتة دفعت ايدها مراد: لتلزميني واطلعي براا راحت ورا شوية اجتي مراد: مو كلت اطلعي ب قاطعتني شي بارد على وجهي مراد: ااااااا شبيج ليا: كمادات صخونتك عالية شمرتهن من راسي رجعت غسلتهن وخلتهن على راسي جابتلي حباية وشربتني وضلت تسوي كمادات واني بردان كعدت بصفي وهي تداريني احسن من اهلي كل واحد بمكان وعايفيني نمت بعد محسيت غير على صوت صياح بلبيت فتحت عيني اسمع امي وخلود ديرزلون ليا تعبت والله من الصياح ------- ليا: الكل طلعو من البيت بقو بس ٢ من جهال ياسر نايمين سمعت مراد يصيح لامة دخلت لغرفتة سألني عليهم كتلة طالعين حسيته ضاج بس شكلة ديرجف اقتربت منه مديت ايدي على راسة دفر ايدي مصخن ناار رحت جبتلة كمادات صاح من برودتها ضليت بصفة وانطيتة علاج الى ان نزلت حرارتة طلعت داكمل تنضيف جتي عمتي شافت البيت بعد ممكملتة نزلت علية بلرزايل اني ضليت ساكتة وهمة يرزلون محجيت شي انفتحت باب غرفة مراد وصاح

Free reading for new users

Scan code to download app

App Store Google Play

Facebookexpand_more