Dia's POV
"Okay na," saad ko kay Liya pagpasok ko sa visitor room. Sinalubong niya ako ng masayang ngiti. Napatitig ako sa kanya. Napansin ko kasi na tila may icing ng cake ang gilid ng labi niya. Kumakain siya?
"Congrats!" sagot agad niya. "Sa ngayon, exam naman ang dapat mong pagbutihan," dagdag pa niya. Inakay niya ako papunta sa lamesa. Nagulat pa ako nang makita kong maraming pagkain na nakahain doon. May kanin, mga sari-saring ulam, cake, prutas at kung anu-ano pa.
"Saan galing ang mga iyan?" tanong ko pa. Wala naman kasing pera si Liya kaya nagtataka ako kung bakit marami kaming pagkain ngayon sa visitor room.
"Pinadala raw ni Miss Helia, sabi ng lalaking nagdala rito ng mga pagkain na iyan kanina," sagot niya. "Sorry kung hindi na kita nahintay. Natakam kasi ako sa isang mala
