Zeny’s POV
“NAPANSIN MO BA ANG PAGKAKAIBA?” tanong ni Lenard. Magkatabi sila sa mesa na paulit-ulit inaanalisa ang mga financial statements na hawak nila. Sinuri niya ng mabuti ang bawat papel na ipinapakita ng lalaki sa kanya.
“Mayroon ka bang calculator diyan?” tanong niya. Ang dalawang dokumento ay pareho ang kabuuang halaga ang nakalagay subalit magkaiba naman pagdating sa breakdown. Mukhang tama nga ang sinasabi nito na may mali sa mga papeles.
“Here.” Abot nito sa kanya. Inilahad niya ang isang kamay na nakatuon pa rin ang mga mata sa papel na hawak.
“Lenard, nasaan na?” Nilingon niya ito at napagtantong nakatitig sa kanya. Bigla siyang napalunok nang makitang hawak nito ang isang kamay na dapat ay aabutan ng calculator. “Teka, ano sa tingin mo ang ginagawa mo?”
“Zen, thank
