ZENY’S POV
“BAKIT RED CHRYSANTHEMUM?” tanong niya habang inaamoy ang hawak na tatlong mapupulang bulaklak. Hindi yata ito maubusan ng klase ng magagandang bulaklak na ibibigay sa kanya. Nakaka-touch naman talaga ang ginagawa ng kanyang nobyo. Kahit ang mga kasama nila sa bahay ay kinikilig din.
“Don’t you like it?” Nilingon siya nito habang nagmamaneho.
“Gustong-gusto ko,” sagot niya.
“Pareho iyan ng red rose. Meaning, I love you,” sabi nito.
“Bakit hindi na lang red rose ang ibinigay mo? Pareho lang pala.” Tinaasan niya ito ng isang kilay.
“Ayokong magsawa ka. Mas mainam na maraming option para mas lalong hindi mo makalimutan.” Pinisil nito ang kamay niyang hawak nito. Nginitian niya naman ito. Lahat ng mga natanggap niyang bulaklak ay sinusulat niya sa isang maliit na notebook. Nai
