NAPASIGAW ang isang alalay ni Luke na si Moy na nakabantay sa silid kung saan nakakulong si Mr. Tan ng sakalin ito ng matanda. Nakasandal kasi ito sa bintana ng silid na gawa sa bakal habang mahimbing na natutulog. Dahan-dahang nilapitan ni Mr. Tan ang lalaki at sinakal ito. Nagpupumiglas ang alalay ni Luke pero sa higpit ng pagsakal ni Mr. Tan ay hindi ito makawala sa kanyang braso na nakapilipit sa kanyang leeg. Ayaw mang gawin iyon ni Mr. Tan ngunit kailangan na niyang makaalis sa lumang gusaling iyon. Na mi-miss na niya kasi ang kanyang asawa at anak. Hindi nito kayang magtagal sa lugar na iyon. Iniisip niya na marahil ay kinalimutan na siya ng kanyang pamilya kaya nais niyang makatakas sa kamay ni Luke. Pilit paring nagpupumiglas ang lalaki dahil sa hindi na ito makahinga ng maayos.
