الفصل الثاني : فتي الحلم واللقاء الاول

2039 Words

الفصل الثاني : فتي الحلم واللقاء الاول نزلت معاهم في **ت تام عيني تايهه من اول مانزلت بادور حواليا يمكن اشوف اللي قال هينقذني عيني بتتجول في كل مكان قدام القصر كنت متوقعه هيظهر من اي شارع جانبي ويض*بهم وينقذني وشعور تاني بيراودني ان اللي حصل كان مجرد حلم هاروح للمكان اللي المفروض ريحاه وهرجع لقصر تاني اتقدم قربان وقفت سياره مرسيدس فخمه الزجاج متفيم اسود وركبت فيها انا والست العجوز بصيت ناحية القصر يااااه القصر ده قضيت فيه سنه كامله كان منظره مخيف زي ماهو ياااه ياريتني كنت رضيت بحياتي بعدنا عن القصر كنت بابص في وشوش الناس اللي ماشيه نفسي الاقي اللي قال هينقذني رغم انه مجرد حلم بس كنت متملكني احساس انه مش حلم عادي وان اللي شفته رؤيا اكيد ربنا حاسس باللي انا فيه فجأه حسيت باهتزاز العربيه وخبطنا في عربيه تانيه واغمي علينا احنا التلاته كنت حاسه انها اللحظات الاخيره قبل مانخبط كنت من جوايا فرحانه جدا اني مش هموت كقربان وهموت ضحية حادث مروري حسيت بقطرات ساخنه بتنزل علي جبهتي ودوخه شديده والست العجوزه عماله تفوق فيا برعب وبتمسح الدم واضح انها محصلهاش حاجه وعمال تصرخ في السائق انت غ*ي هاقتلك بس نعدي اليوم ده وتض*ب علي خدي وتقول فووقي بكره السيد مستنيكي كنت شيفاها طشاش وعلي وجهها اللي علطول ملامحه قويه رعب شديد وواحده واحده سمعت اصوات ناس فتحت الباب بتاع العربيه كان واضح انها حادثه كبيره الناس بتطلعني والست العجوزه بتصرخ عشان تمنعهم ووسطهم نفس الشاب اللي في الحلم لقيته بيزقها جامد ويشيلني وبيصرخ في الناس وسعووو دي لازم تروح للمستشفي ركزت في ملامحه نفس الملامح اللي شفتها حاولت اركز اكتر لكني غبت عن الوعي اخر حاجه شفتها الست العجوزه وهي بتشده من ايده وهو بيجري ناحية عربيه وبيقول اوعي لازم تروح المستشفي بعد وقت معرفش عدي قد ايه صحيت علي سرير في مستشفي وممرضه بتقولي حمد الله علي سلامتك ربنا نجاكي وطلعتي بخدوش وخمس غرز في جرح في الراس بس كنت مش مهتمه بكلامها وبحاول اقوم ابص حواليا اشوفه موجود ولا لا والناس الاشرار دول فين بس كان متعلقلي محلول وحاسه اني مش قادره اتحرك من شدة التعب عدي دقايق وبصيت لقيت اربعه من اللي كانو في القصر دخلو ومعاهم الست الكبيره واضح علي ملامحهم الخوف والارتباك وكل تركيزهم ناحيتي من جوايا ببصلهم واقول في سري ياارب انجدني منهم حرفيا اني شوفته اداني امل في الحياه بنسبة ميه في الميه حسيت ان خلاص النهايه مقربتش شويه وهما واقفين ولقيته داخل وبيزق الحارس ياعمي اوعي انا اللي جبتها وبطمن عادي انتوا خايفين اشوفها ليه وزق الحارس ودخل -ايه يا انسه حضرتك كويسه؟؟ -الحمد لله -عدت سليمه جدتك مكانتش عاوزه اجيبك هنا بس انا **مت عشان كان فيه نزيف كتير قلتله بصوت واااطي دي مش جدتي وقبل ما اكمل كلام لقيته بيقول -انا شفتك في الحلم وشفت الست الكبيره جدتك ومستغرب ازاي بعدها بيوم شفتكم بنفس ملامحكم لسه هكمل كلام لقيت الاربع رجاله بيشدوه من جنبي وهو مستغرب وبيبصلهم وبيقاوم بالعافيه قولتله بصوت واطي. دول مش أهلي انا كمان شفت في الحلم انك هاتنقذني وقتها مكنتش اعرف سمع الكلام اللي قولته ولا لا بس رد فعله خلاني حسيت أنه سمعني جروه وخرجوه برا الغرفه ومنعوه من الدخول كنت سامعه صوته برا بيتخانق مع الامن لحد اما عرفت من الكلام بصوت عالي أنهم بيطردوه برا المستشفي وبعد مرور حوالي ساعه لقيت دكتور داخل من برا وبيقول للست العجوزه. دلوقتي تقدرو تاخدوها بس اهم حاجه ترتاح في البيت وبلاش تعمل مجهود خالص. معقوله كده خلاص؟؟ هياخدوني للقصر واتقدم قربان لمخلوق شيطاني. معقوله معني الحلم اني هشوفه كده وخلاص انا كنت مفكره هينقذني بدأت اصرخ واقولهم سيبوني وبحاول اهرب من المستشفي لكن كل محاولاتي باءت بالفشل خصوصا أنهم أقنعو العاملين بالمستشفي اني مريضه وعرفت بالصدفه أنهم معاهم اوراق مزوره ليا اتقدم ناحيتي اتنين من الحراس الموجودين معاهم وواحد منهم قرب مني وحط فوطه علي وشي واضح انها كان فيها بنج لاني فقدت الوعي ومفوقتش الا في القصر الملعون في غرفه كئيبه والمفروض كمان شويه هاكون قربان لكيان شيطاني نتيجة تكبري فعلا زي ماقالو التكبر صفة من صفات الشيطان في احدي المقاهي وعلي مقربه من القصر يجلس شابين في مقتبل العمر واضح علي معالم أحدهم الانفعال _يا زياد اقسم بالله انا متاكد أن دي اللي شوفتها في الحلم والله العظيم هي البنت دي وحلمت أنها مخطوفه وبتندهلي -ياكريم اكيد بيتهيألك أد*ك مشيتنا من اول المستشفي وراهم لحد القصر بتاعهم استفدنا ايه اكيد دول اهلها -يابني البنت قالتلي انهم مش اهلها وقالت انجدني انا سمعتها كويس وكمان مستحيل تكون صدفه اني اشوفها في الحلم بتستنجد بيا وتاني يوم اقا**ها حقيقي _طب خلاص اهدي بس وبعدين نبقي نشوف الموضوع ده كريم عينه علي القصر وسارح في تفكير عميق يقطع تفكيره صوت رنة تليفونه _ايوه ياكريم انت فين يابني ومبتردش علي التليفون ليه -معلهش مسمعتوش يابابا _فين علاج والدتك تعبانه اوي وانت اتاخرت يض*ب عمر مقدمة راسه بكفه اوووف معلهش يابابا نسيت خالص أن العلاج خلصان دقايق وهكون عندك بص كريم لزياد وهو بيقوم من مكانه وفي استعجال قاله : حاسب انت بقا انا همشي الحق اجيب العلاج لوالدتي زياد: خد مش معايا فلوس انت كل مره تعمل نفس الحركه وانا احاسب. لم يلتفت له كريم وهو يتحرك في عجله من أمره وزياد يكرر ياكريم. ياكريم في القصر تتحدث السيده العجوز مع أحد الواقفين : النهارده كان هيتحول لكابوس مش عاوزين اي غلطه السيد غضبان من اللي حصل السنه اللي فاتت خيال اسود اللون بيتحرك في سماء الغرفه فوقهم تنظر السيده العجوز للخيال وتنحني إلي أن اختفي _اتحرك بسرعه المراسم لازم تتم في اسرع وقت اعمل كل التجهيزات قبل الساعه ١٢ -اوامرك ياست الكل في غرفة داليا حضر كوافير خاص وبدأ يسرح شعرها ويكويه ويعملو خصل علي بعض وبعد اما خلص شعرها مسك اناء مليان سائل لونه احمر بدأت تصرخ داليا. انا عارفه ده دم انت هاتحطلي ايه. وبدأت تصرخ. اتنين من المساعدين كتفوها وربطو ايديها لحد اما كمل الكوافير شغله ودهن شعرها كله بالدم بدأو في فك قيودها والبسوها الفستان الاسود الملئ بالطلاسم داليا كل ده لم تتوقف عن الصراخ حاسه أنه خلاص الموت أصبح نهايه مجنونه فكرت لاكتر من مره أنها تنتحر افضل من موالاة الشيطان لكن شئ منعها خصوصا انها هتموت كافره لو انتحرت علي مشارف شارع ضيق ( حاره ) كان داخل كريم بموتوسيكل ومعاه علاج والدته دخل وباس راسها -انا اسف ياست الكل اتاخرت غصب عني والله -ربنا ميحرمنيش منك ياحبيبي ولا يهمك انا عذراك -ماما ممكن اسالك سؤال _نعم ياكريم -هو لو حد محتاج مساعدتي وهو في كرب واتخليت عنه ده غلط؟ _الام بصوت مرهق : ايوه ياكريم غلط. اللي يشوف حد في كرب لازم ينجده ياحبيبي _انا عارف ردك ياماما من الاول بس قلت اسمعها منك يا احلي أم باسها من دماغها وهو بيقولها هادخل اوضتي ارتاح شويه عشان صحيت بدري قيلوله بقا _ الام بضحك روح نام نوم الظالم عباده انت جيت ضحكت عليا بكلمتين وداخل تنام باسها كريم من دماغها وهو بيقولها ربنا يخليكي لينا ياست الكل دخل غرفته وهو شارد مش عارف ليه حصلت الصدفه دي كلها بيدور في خياله نفس اللي بيدور في خيال داليا معقوله حلمت بيها وشفتها تاني يوم عشان اللي حصل ده بس وكده كله انتهي غمض كريم عينه وهو بيفتكر تفاصيل اللي حصل خياله سرح معقوله الجمال ده كله. هي لون عيونها كان ايه. كان عسلي ملامحها تخ*ف رغم أنها كانت عامله حادثه سرح كريم اكتر وهو بيفتكر نظرة الحزن في عينيها واضح انها كانت عاوزه تقوله كلام كتير. شئ من داخل كريم بيقول انا متاكد انها بخير ومتأكد أنها محتاجه مساعده طول عمري اللي بحس بيه بيحصل قطع كريم سرحانه بانه كتم راسه بمخده من فوق ومخده من تحت وهو بيقول لنفسه بصوت مسموع جري ايه ياكريم موقف عادي اصلا متوهمش نفسك ونام دي ساكنه في قصور واكيد دول اهلها حلمك بعيد عمرها ماهتفكر فيك ومش محتاجه مساعده نااام نااام كريم لقي نفسه قدام القصر والدنيا ضلمه شايف جوا القصر داليا وهي بتصرخ وكل اللي في القصر بيجرو. وراها وببضحكو داليا بتجري ناحيته وبتصرخ انجدني ياكريييم ارجوووك هيقتلوني كريم مشي ناحيتها وفجأه حس بشئ ماسك أيده جامد وبيعصرها وحاسس كان نار مكان المسكه بص وراه وهو بيصرخ لقي كائن شيطاني صحي من النوم مفزوع وهو بيقولك اعووذ بالله من الشيطان الرجيم. اعوووذ بالله من الشيطان الرجيم بيلتقط أنفاسه بصعوبه وببمسك ايده وفتح عيونه علي آخرهم أيده فيها علامات حرق علي شكل ايد مكان ما اتمسك في الحلم قلبه دق اكتر وهو بيبص لايده وفاتح عيونه علي آخرهم وبيقول اعوذ بالله من الشيطان الرجيم. انا متاكد ان فيه حاجه غلط حس كريم أنه سامع صوتها بتبكي حس انها في ضيقه هو متاكد انها هي اللي بتبكي قال بصوت مسموع متخافيش استعيني بالله ومتخافيش ربنا هايحلها من عنده بعدها استغرب هو قال كده ليه بس مهتمش وقام من نومه وقرر يروح ناحية القصر في القصر داليا بتبكي وبتبص لمنظرها بعد التجهيزات الاخيره الكحل كتير جدا حوالين عيونها منظرها في الفستان الاسود مخيف وشعرها باللون الاحمر مخليها مرعوبه حاسه نفسها قذره لابعد الحدود خصوصا وهي متاكده أن اللي علي شعرها دم انسان استمرت في بكاء متواصل وهي بتدعي انجدني يارب مليش غيرك. انا خلاص مليش حول ولا قوة ومش عارفه اتصرف انجدني يارب منهم صوت همس سمعته كأنه جاي من عالم تاني متخافيش استعيني بالله ومتخافيش ربنا هيحلها من عنده الصوت نفس صوت كريم. حست الاول بخوف بعدها حست بطمانينه في احدي الغرف أسفل القصر مجموعة رجال بيحفرو حفره وكأنها هتكون مكان لدفن انسان بعدها صبوها بالاسمنت وكان فيه شخص قاعد بعيد عنهم بيتف*ج عليهم وبس. بمجرد انتهائهم من صب الحفره بالاسمنت واحد شاورله اتحرك من مكانه وراح ناحيتهم وبدأ بإخراج معدات من طيات ملابسه وبدأ ينقش رسومات شيطانيه بداخل الحفره بعدها بصو لبعض وابتسمو وكأنهم اتمو المطلوب واتحركو من الغرفه وقفلوخ بابها من الخارج واضح من منظر الغرفه أنها غرفة دفن للموتي من منزل كريم خرج كريم علي الموتوسيكل الخاص بيه واتصل بصديقه احمد -احمد انا شفت نفس الحلم تاني انا متاكد انها محتاجه مساعده -بطل جنان وشغل مراهقه انا من الاول عارف أن البنت عاجباك وبتخترعلنا احلام _انت عارف ان مش من طبعي اكذب ف حاجه عموما حاسس اني عاوز اروح عند القصر هاتيجي معايا ماشي مش هاتيجي سلام استني بس انا جاي معاك عدي عليا لما اشوف اخرتها مع جنانك وأحلامك اللي هتحبسنا دي في احدي المنازل البسيطه قاعده شابه بتتكلم مع ست واضح علي معالمها الحزن - والله العظيم هي بنتك داليا اللي شوفتها انا متاكده ومش هاتلغبط في الاستاذه داليا -انا بنتي مختفيه بقالها سنه وناس أكدت أنها ماتت متصحيش فينا جرح قديم ماصدقنا أنه بدأ يلم _ وانا هوجعكم ليه يا ام محمود هي بنتك داليا. اللي جابها المستشفي شاب صغير مش كبير وحتي صورة بطاقته موجوده في الاستقبال كانت عامله حادثه وهو اللي جابها وانا اللي علقتلها المحلول بنفسي وحاولت كتير اتصل بيكي عشان تيجي تشوفيها بنفسك وبعد اما علقتلها المحلول جالي حاله في الاستقبال ودخلنا عمليات ولما خلصت رجعت بسرعه لقيتها مشيت ولما سالت الأمن عليها قالولي أن ناس شكلهم ولاد ذوات خدوها والشاب اللي جابها عمل مشاكل وطردوه قبل ماتمشي. دخل اخو داليا من برا علي طراطيش الكلام سامع اسم اخته -مالها المرحومه داليا يا امي لتقاطعه الممرضه وهي بتحكي الأحداث من الاول سمع اللي حكته وقعد مكانه وواضح علي ملامحه الدهشه والخوف وهو بيقول -لو متاكده أنها اختي يبقي لازم نشوف مين الناس اللي خدوها هما صورة بطاقاتهم في الاستقبال؟؟ - لا انا دورت عليها مش موجوده منا قولتلكم شكلهم ناس واصلين مفيش قدامكم حل غير اللي جابها تعرفو منه كل حاجه ربنا يرجعهالكم بالسلامه. بكره هجييلكم اسمه وعنوانه داخل القصر تجهيزات علي قدم وساق استعدادا للاحتفال بالاضحيه الجديده للسيد اضاءات قاتمه. وتماثيل مخيفه في كل مكان والجميع يستعد بحماسه شديده للي هيحصل بعد الساعه ١٢ داخل احدي غرف القصر واقفه الست العجوز مع رجل لابس هدوم غاليه جدا وواضح علي ملامحه الغنا الفاحش -استعدي يامنيره بعد اتمام الصفقه دي فيه خير كتير جاي. السيد م**م علي البنت دي باي ثمن مع اني مش عارف ايه السر اللي مخليه م**م عليها ترد السيده منيره : انا عارفه بلهفه يرد عليها الرجل ؛ عارفه ايه. ليه م**م عليها - معقود عليها صفقه من زمان ومتباعه له من وهي طفله وكان مراقبها طول الوقت وهو مستني ياخد صفقته - صفقة ايه دي لسه عارفينها من سنه اكيد انتي غلطانه ضحكت منيره : انت اللي غلطان عشان مفكرنا وحدنا شغالين مع السيد زي مابقولك كده قصه قديمه واحنا اللي هاننهيها اهم حاجه عندي العطايا اللي هناخدها من ورا القربان ده ملناش دعوه بقا باللي فات ولا اللي جاي رد الرجل وعلي ملامحه ابتسامه عريضه : فعلا العطايا المره دي غير اي مره في غرفة داليا بتبكي بحرقه وعمال تدعي خلاص مبقتش عارفه تتصرف ولا قادره تستوعب أنها خلاص كده بتعيش اخر لحظات حياتها في مكان ق**ح مليان شر زي ده بعدها دخل مجموعه من الرجال ودخلت داليا في صراخ هستيري وهما بيكتفوها ويسحبوها للتجهيز لبدا مراسم طقوسهم وفجاه .........

Free reading for new users

Scan code to download app

App Store Google Play

Facebookexpand_more