الجزء الثالث
1116 Words
مشيت ليل ومعاها فادية تحت نظرات الظابط اللى بتدل على انه واثق انها مجرمة برغم ان الوضع مريب شوية فى نظراته ليها متتفهمش هو واثق فعلا انها مجرمة ولا متأكد انها مخدتش الفرصة اللى تدافع عن نفسها فيها
فلاش باك
الظابط.بس مش غريبة ان واحدة بتقتل وبترتكب جريمة وبتمسح بصاماتها تغلط وتسيب بطاقتها الشخصية جنب المجني عليه بالوضوح ده يعنى تبقى بتسلم نفسها بنفسها
محققة.وارد تحصل يمكن ارتبكت ومخدتش بالها او مع الاستعجال شطنتها اتقلبت ووقعت منها وهى مركزتش
الظابط.سألتو اللى بتشتغل معاهم عن ان ده طبيعي انها تقابل العملا بتوعهم برة المتحف ولا لاء
المحققة.سألناهم.هى فى التحقيق انكرت انها لها علاقة بالقتيل لكن المدير بتاعها اول ماشاف صورة المجني عليه اتعرف عليه بسهولة وقال انه قبل الحادثة بيومين شاف ليل مع المجني عليه
الظابط.تقصدى ايه افهم من كلامك ان وجهة نظرك انها كانت على علاقة ب المجني عليه ولما اختلفوا مثلا علشان كده قتلته
بااااك
انا جاية اشرب قهوتى معاك ممكن
الظابط ساكت
الضيفة.سرحان فى ايه
الظابط.ولا حاجة
الضيفه.مالك اتعصبت عليا ليه والله ده سؤال برئ وعادي يعنى مش مقصود منه حاجة
الظابط.اتمنى
الضيفة.وبعدين بقى انت هتفضل كده كتير انا عارفة ان الموضوع حساس بالنسبالك بس مش للدرجة دى
الظابط.موضوع ايه اللى حساس
الضيفة.موضوع انك سيبت الشغل فترة وان ترقيتك اتأخرت حاجة فعلا تضايق وتزعل لكن مش للدرجة دى لازم تنسى وتبداء من جديد وتوصل لكل اللى اتاخر عليك
الظابط.بيتهيألك الموضوع ولا حساس ولا هو موضوع من الاصل عادى طبيعى اللى حصل انه يحصل معايا و مع اي حد مش كارثة يعنى
الضيفة بتفتح الملف اللى قدام الظابط.ايه ده ايه اللى مرجعك لملف قضيه من 8 سنين
الظابط.فى ايه ياسها مالك عايزة مني ايه دلوقتى؟
سها.عايزاك متلومش نفسك ولا تعذبها بالشكل ده انت ولا قصرت فى شغلك ولا حتى قصرت فى اى حاجة مع بنتك
الظابط.سها فى ايه وايه جاب سيرة بنتى دلوقتى انتى جايه تبوظيلي يومي ليه مش فاهم
سها.ماهو اتفضل الدليل على انك بتفكر فى تقصيرك انك بتدور وبتفتح ملفاتك القديمة
الظابط.مين اللى بيفتح الملفات القديمة دلوقتى؟
اتعصب الظابط وساب سها واقفه فى مكتبه وبتبص عليه بعد ماخرج من المكتب وسابها لواحدها
...
فى مكان تانى وبالتحديد فى عربية فادية الىل كانت ليل قاعدة جنبها سرحانه
فادية.والله العظيم بجد مش قادرة اصدق لا مش مستوعبة ولا مقتنعة باللى حصل ده انا عايزة افهم ايه اللى انتى عملتيه ده
هو معقول دماغك وصلتك انك تعملى حاجة زى دى رايحة للراجل فى نص بيته وكمان بتهدديه وتتهجمى عليه مالك ياليل انتى ازاى تتصرفي كده لو مش خايفه على نفسك على الاقل خافي بقى شوية على بنتك اللى احنا مش عارفين من الاساس ازاى هنقدر نقنعها ب انها تتقبلك فى حياتها وتقتنع انك لازم تكوني موجودة
انتى مش ليل والله العظيم انتى مش ليل اللى انا اعرفها
ليل بعصبيه.اه انا مش ليل فعلا انا مش ليل اللى انتي تعرفيها علشان انا ليل اللى اتسجنت 8 سنين ظلم متعرفش ليه هى بالذات اللى تتعرض للظلم دى علشان انا ليل اللى بنتها مش طايقة تلمح وشها ولا حتى بعد 8 سنين غياب عارفه اخدها فى حضنى عرفتى ليه انا مش ليل اللى تعرفيها علشان انا ليل اللى صاحبتها فى غيابها راحت اتجوزت جوزها وترجع تقولى انا عملت كده علشان خاطرك انتى وبنتك ايوة يافادية انا مش ليا
فادية بهدؤ.انا عارفه اللى جواكى ومقدراه وحاسة بيكي وخايفه عليكي بس ياليل انتى لو فضلتى بالحال ده صدقينى مش هتعرفي تشوفى بنتك ولا هى هتتقبلك طول عمرها
بصى انا هحاول ملومكيش كتير على اللى حصل بس ارجوكي تبطلى الطريقة اللى بتفكرى بيها دى وبلاش التصرفات اللى هتخليكي تخسري ومش هتوصلي من وراها ل اى حاجة غير انك بتأذى نفسك وبس وبعدين تصرفاتك دى هتخلينى اتعامل معاكي زى الاطفال الصغيرة كل ماتخرجي افضل وراكي رايحة فين وجاية منين انا مش هراقبك ياليل مينفعش كده خالص والله
رن تليفون ليل
فادية.مين ده
ليل.على
فادية.على.اتفضلي بقى اهو مش هتخلصى شوفيه هيحرق دمك ب ايه
ليل.ايه ياعلى عايز ايه؟
اه روحت الاستدعاء.محصلش حاجة سوء تفاهم
.مضيت ومشيت.
عايز تبعتلى ايه؟
نتقابل.تمام هبعتلك العنوان اوصل بس واعملك شير لوكيشن
باى
فادية.كنت شايفة فستان سيمبل جدا يليق عليكي ويمكن لما تغيري اللوك مودك كمان يتغير ياليل وهتحسى ب ده لما تقابلى على او لما تقابلى بنتك واد ايه كان هيبقى حلو مع لون الصبغه اللى كنت مختاراها لشعرك بس انتى فقرية
ليل.فادية موضوع الصبغه ده انسيه انا مش فايقاله دلوقتى لسه ف الموضوع منتهى بالنسبالي
فادية.مش عايزة تصبغى تمام براحتك.بس انا بقى م**مة انى اخليكي تلبسي على ذوقى
وفعلا غيرت فادية اتجاه العربية ورفضت تسمع كلام ليل فى انهم يرجعوا على البيت وفعلا خدتها وراحت اشتريت ليها لبس جديد ورجعوا تانى على البيت عند فادية بعد ما ليل اضطرت تسمع كلامها وتلبس فستان جديد غير الهدوم اللى هى لبساها من وقت ماخرجت
عند فادية فى الجاليري بتاعها ليل ماسكة تحفة معينة وبتقلب فيها
فادية.كان عندك زيه فى البيت انتى وعلى فاكراه بس اللى عندك كان اكبر من كده شوية افتكرتيه؟
ليل.اه فاكراه كانوا جابوه لينا من الهند هدية اول لما اتجوزنا
فادية.اه الوانهم تحفة جدا انا كمان جيباهم من الهند بحب الوانهم اوى
مرة سافرت الهند علشان اجيب شغل للجاليري روحت صرفت كل فلوسى على القماش وعلى الشالات والشنط عندهم الوان بتهبل بجد
بس سيبك انتى بقى الفستان الجديد ده روعه عليكي هياكل منك حتة
شغلت ليل كاميرة تليفونها وجابت السيلفي وقعدت تتف*ج على نفسها
دخل عامل الجاليري.مدام ليل فى حد ساب لحضرتك حاجة ومشي
ليل بدهشه.نعم
العامل.استاذ على ساب لحضرتك الشنطة دى ومشي
خدت ليل الشنطة وخرج العامل وابتديت تفتح الشنطة وتشوف باعتلها ايه لقيت فيها حاجات خاصة بيها وظرف اصفر فتحته ووجهت كلامها لفادية.لاء وباعتلى ورقة الطلاق كمان اد ايه هو ذوق واصيل
فادية.اه طول عمره بصراحة ذوق
رن جرس تليفون ليل
فادية.بقولك ايه لو على اللى بيتصل ردى عليه عادى ولاكانه عمل حاجة ولا كأنك مهتمة باللى حصل
ليل.لاء مش على ده رقم غريب
ليل.الو.ايوة انا ليل مين معايا
بعد المكالمة ليل فى مكان تانى
ابو نادين.ليل انتى عارفه انا ازاى بحبك وانتى غاليه عندى زي بنتى نادين طول عمرك
طبعا انتى دلوقتى مستغربة وبتسألى نفسك عايز مني ايه الراجل العجوز ده مش كده برضه؟
انا عارف انك مضايقة وعارف انك زعلانة ومصدومة ومقهورة كمان من نادين لكن صدقينى بنتى نادين مكانتش بتفكر غير بس فى ريما
انتى عارفه هى ازاى متعلقه بيها من زمان
ليل.مش مهم
ابو نادين.لاء ازاى مش مهم ماتقوليش مش مهم لاء مهم حقك طبعا تكونى مصدومة ومقهورة ومش مستوعبة اللى حصل الصراحة انا لما اتقدم على لنادين رفضت فى البداية بس لما فكرت بعد كده طيب على لو متجوزش نادين وراح اتجوز اي واحدة تانية طيب مين هيخاف على ريما زى نادين ويحبها ويحافظ عليها
ليل.انا دلوقتى مش فارق معايا اى حاجة من دى مش فارق معايا غير بنتى وبس
ابو نادين.ريما بنتك محدش يقدر يحرمك منها ولا يحرمها منك بس هى دلوقتى خرجت من المدرسة على معسكر بعد يومين ترجع ولما ترجع انا هجيبها لحد عندك ب ايديا وهعرفها اد ايه امها بتحبها ومش بتتمنى من الدنيا حاجة غيرها
ليل.معتقدش انها هتصدق خاصة بعد اللى قالهولها على عني
- Writer
