ماضاع من عمرى

الجزء السادس

فى المصنع عند على وكامل

على لموظف.هو ده ملف الشحنة اللى وصلت النهاردة

الموظف.ايوة هو

على.ممكن اشوفه شوية؟

الموظف.اكيد

مسك على الملف وفتحه ومسك قلم وكتب حاجه

الموظف.فى حاجة ولا ايه؟

على.لاء بس باخد بيانات

بس على خد باله ان فيه موظف قاعد على مسافه منهم وكان متابع اللى بيحصل بس اول ما شاف ان على ركز معاه غير اتجاه وشه وكأنه مش باصص ناحيته

...

فى مكان تانى وبالأدق على ميزان للذهب

الصايغ.ودى 6 جرام و 15 مللى

يعنى تقريبا بعد خ** المصنعيه والفصوص هيعمل ....

ليل... وفلاش باك

ناديت.حلوة جدا فى ايد*كي

بس لحظة شوفى دى كمان

ليل.اااه دى كمان حلوة جدا

الصايغ لعلى.معلش بقى ستات بكرة هتتعود

على.اه

نادين.مستعجل؟

على.لا لا خدوا وقتكم

باك

ليل.لاء انا هخلى الدبلة معايا ممكن تحسبلى باقى الحاجات مع بعض هتساوى كام؟

الصايغ.تمام هوزنهم من الاول واقولك يساووا كام

..

خرجت ليل من عند الصايغ وهى بتتكلم فى التليفون

ليل.علشان ايه.لو علشان البلاغ انا خلاص مش عايزة حاجة ومش هقدم حاجه

...

ليل.نتكلم فى ايه؟

..

فى كافيه قاعدة ليل ووصل الظابط

الظابط.اسف اتأخرت عليكي بس مكنتش لاقى ركنة للعربيه

ليل.لا ابدا ولا يهمك

الظابط.ليه اختارته المكان ده

ليل.بحب المكان ده من زمان ومعلش سامحنى انا متأخرة فى الوقت ييجى 8 سنين معرفش اماكن جديدة

الظابط.لا ابدا ولا يهمك انا كمان بحب المكان ده واكله حلو جدا انا كنت باجى هنا زمان مع اصحابى

ليل.انا كمان كنت باجى مع اصحابى

الظابط.فادية؟

ليل.يعنى.فادية هى اللي بقيت

الظابط.ممكن اسألك سؤال

ليل.اتفضل.هو في حد يقدر يقول لظابط مباحث لاء مينفعش تسأل

الظابط.ليه غيرتى رأيك وقررتى متقدميش البلاغ.انا مش بجبرك على فكرة انا بس بسأك لأنى عايز افهم

ليل.علشان الحكومة مكانتش عادلة معايا زمان تفتكر هتكون دلوقتى عادلة معايا بعد مابقيت فى نظر الكل مجرمة وقاتله

الظابط.قصدك سها؟

شوفى احنا فى شغلنا 90%

الادله هى اللى بتحركنا وال10%

احنا بنحطهم جوة الورق ونقلب الصفحة

ليل.علشان كده انا قررت انى مقدمش البلاغ

ممكن انا اسألك سؤال

الظابط.انت كنت مصدقنى زمان؟

ليه سيبت القضية؟

الظابط.ظروف.ظروف كانت خارجة عن ارداتى

المهم دلوقتى انى انا بكلمك بصفه مش رسميه انتى لازم تقدمى بلاغ ضده لأن من غير المحضر ده موقفك هيكون ضعيف جدا وكمان علشان نقدر نساعدك

ليل.وازاى هتقدر تساعدني؟

الظابط.لما تقدمى بلاغ ضده هو هيخلى باله وينتبه على تصرفاته ويركز كويس جدا فى كل حركة قبل ما يفكر يأذيكي

وعلشان خاطر بنتك كمان اكيد دلوقتى كبرت

ليل.هتكمل 12 سنة

الظابط.الله يخليكم لبعض

انا عارف وفاهم كويس جدا ان كل اللى انتى بتعمليه ده علشان خاطر بنتك بس سيبي لينا فرصه اننا نساعدك

...

فى مكان تانى

سيدة.ميشيل.ميشيل.ميشيييييييييييل ااااااه صراااااخ

....

وفى القسم

الظابط بيقفل ملف قدامه على المكتب.شوفتى اد ايه الموضوع بسيط؟

ليل.طيب دلوقتى هو مقدم بلاغ ضدى وانا قدمت بلاغ ضده يعنى كلمتى قصاد كلمته المفروض يحصل ايه دلوقتى؟

الظابط.ميشيل حواليه شبهات كتير جدا وقرب يقع علشان كده انا اصريت و**مت انك تفتحى المحضر

ليل.شبهات.شبهات زى ايه.

الظابط.بما انها شبهات يبقى مينفعش اصرحلك بيها

قوليلي.كانت ايه سيرته وطبيعة تصرفاته ايام الشغل؟

ليل.بصراحة ولا مرة شوفت منه تصرف غلط

دايما بيتعامل معايا بطريقه فى منتهى الاحترام ومش معايا لواحدى كمان مع كل الموظفين

وعلشان كده انا واثقة ان فيه حد وراه

الظابط.حد زى مين يعنى؟

ليل.ده اللى بحاول انى اعرفه

الظابط.هو ده اللى هنعرفه

...

وعند فادية فى البيت بتفتح فادية الباب وبتدخل

فادية.واااااو الريحة اللى تفتح النفس دى من عندنا من البيت؟

ليل.بتفكرك ب ايه الريحة دى ؟

فاديه.يييييييه ماتقوليش ده مطعمنا؟

ليل.ايوة هو

فادية.ياااااااااه يانادلة روحتى من غيرى طيب كنتى قولتيلى اجي معاكى ولا اجيلك على هناك

ليل.حصل فجأة مكنتش مقررة انى اروح

فاديه..ااااه بيعتى شوية الدهب وقولتى تروحى تفكي عن نفسك

ليل.ممممم مش معقول الاكل اد ايه حلو مبيتغيرش لسه بنفس مستواه

فادية.صح مخدتيش قرار فى موضوع الشغل.ماقولتليش وصلتى لأيه؟

ليل.موافقه

فادية.حلو.بس اعملى حسابك انتى هتفضلى معايا هنا

فهمتى.يعنى مش بكرة لما تمسكيلك قرشين وتبقى بتقبضي تروحى تاخدي شقه وتسيبينى هنا لواحدى

الاكل فظييييييع

...

الظابط.ها مين دى؟

محقق اخر.مراته

الظابط.كانت فين

المحقق.هى اللى اتصلت بلغت.

بتقول دخلت لقيته مقتول

مع انه كان لسه مكلمها قبل ماتوصل بشوية وقالها انا مستنيكى ودى الحاجة اللى خلتنا نشك ان فيه حد قتله مش هو اللى انتحر.

دخل الظابط يعاين المكان وشاف ميشيل وهو مرمى على الارض سايح فى دمه

...

فادية.ليل انا خارجة

ليل.استنى خلينى اجهز واجى معاكي

فادية.لاء انا هستغل ان بقى معايا واحدة فى الجاليري بثق فيها علشان اروح الاتيليه اعمل عليهم كبسة علشان اشوف واعرف هما ليه علطول متعطلين ومأخرين الشغل كده

لازم افضل فوق راسهم

باى

ليل.باى.

...

خبط الباب تانى وليل فتحت علشان تلاقى قدامها شخص بالزى الميرى وبيسألها اذا كانت هى ليل يوسف

...

فى فيلا ميشيل

الظابط.شوفت الكاميرات اللى هنا

المحقق.اه والميمورى كاد متاخد منهم وده بيأكد انه مش منتحر

معقول يكون الموضوع له علاقة بالست اللى قدم ضدها بلاغ من يومين ؟

الظابط.كله هيبان خلينا بس الاول نشوف الطب الشرعى هيطلع نتيجة تقريره ايه

الساعه كام مراته اتصلت بلغت؟

المحقق.بلغت على الساعه 10

بس لسه لحد دلوقتى متحددتش ساعة الوفاه

...

ليل.ممكن اعرف انا بعمل ايه هنا؟

محقق.فى بلاغ ان الاستاذ ميشيل اتهمك فيه انك روحتى بيته وهددتيه بالقتل

لفيل.سبق واستدعتونى واستجوبتونى فى الموضوع ده

وهو كمان هددنى بالقتل وقدمت بلاغ ضده

محقق.اه عارف قدمتى بلاغ ضده وبعدها روحتى قتلتيه

ليل بصدمة.ايه.يعنى ايه؟

المحقق.يعنى السيد ميشيل اتقتل فى بيته امبارح

الساعه 8

بصيت ليل للظابط اللى قاعد ووجهتله الكلام متجاهله المحقق.ازاى يعنى اتقتل؟يعنى مات؟

الظابط.ساكت

ليل.اكيد انتم مش عايزين تلبسونى جريمة قتل مرة تانيه

الظابط.اهدى.اهدى وجاوبى على كل الاسئلة لو سمحتى

ده مجرد استجواب مش اكتر

ليل.ازاى اتقتل؟ وامتى ؟

الظابط.بعدين.بعدين

...

وصلت فاديه على الجاليري

فادية,صباح الخير يارامى

ايه فينها مدام ليل ؟

لسه موصلتش؟

رامى.محدش جه النهاردة مشوفتش حد.

طلعت فادية تليفونه وبتتصل على ليل.

....

ليل.انا ماقتلتهوش انت عارف انه مش انا اللى قتلته

المحقق.ازاى يعنى هيعرف منين

ليل.علشان انا كنت هنا فى الوقت ده كنت هنا بقدم بلاغ ضده وعلى كل حال التاريخ والوقت مكتوبين فى المحضر تقدر تتأكد من ده بنفسك

المحقق.انتى خرجتى من السجن وهدفك انك تنتقمى منه

لأنه شهد ضدك بجريمة قتل

ليل.شهد زور.

المحقق.وهو ده مبرر علشان تقتليه؟

ليل.انا مقتلتش ميشيل ولو سمحت توجهلى الاسئلة بطريقه مباشرة علشان ارد عليك بطريقه مباشرة

ولو انا هنا بصفتى متهمة يبقى مش هتكلم غير فى وجود محامى

...

فادية.ايه الكلام ده؟

هو للدرجة دى بقى عادى ان الواحد يكون فى نص بيته ويتقتل؟

مش مصدقه.طيب المهم فى الاخر انتى حصل معاكي ايه قالولك ايه؟

ليل.مفيش ولا دليل ضدى لسه بيحققوا

فادية.حتى لو احنا برضه لازم نكلم المحامى

ليل.متخافيش.متخافيش انا مفيش ولا اي دليل ضدى

فادية.ازاى يعنى مخافش؟

انتى متهمة بجريمة قتل جديدة واللى قتل انتى عارفه كان عايز يعمل ايه فيكي وبتقوليلي مخافش

ليل.لازم اكلم على واقوله

فادية.علشان يحميكى؟

ليل.لاء بس علشان يعرف انى كان عندى حق

فاديه.اه اه صح علشان وقتها تضمنى ان اللى هيستلم جثتك واحد مفتح وعنده مخ زى على يلا الله يهنيكم ببعض هقولك ايه انا همشى خلى بالك على المحل.

..

على.خير.عايزانى فى ايه .ايه هو الموضوع المهم اللى عايزانى علشانه؟

ليل.ميشيل اتقتل

على.يعنى ايه اتقتل؟

ليل.مش فاهم يعنى ايه اتقتل؟

يعنى انا ماشية صح.يعنى اول مابدأت افتش وادور قتلوه

على انا عايزاك انت تساعدنى

على.ايه اللى انتى عايزاه مني؟

ليل.عايزة منك تجيبلى كل المعلومات اللى تخص الشركة اللى قولتلك عليها

على.لاء انا ماليش دخل بالموضوع كله .انتى اتجننتى واضح

اتجننتى على الاخر.سيرة القتل بقيت سهله على ل**نك وعايزانى انا كمان اساعدك

ليل.افتكرت انى لما اطلب منك تساعدنى انك هتساعدنى علطول ومش هتتأخر.على كل حال انا مش عايزة اضغط عليك مبسوطة انى على الاقل فهمت انى عندى حق

ومش عايزة اعملك مشاكل اكتر من كده

....