Nakangiting umupo si Diana sa upuan niya nang makita si Ryu.
“Psst,” tawag niya rito. Nilingon naman siya nito at tinaasan ng kilay.
“Ang sungit, nga pala thank you kahapon ah,” wika niya.
“Kulang ang thank you, Diana. Ang bigat-bigat mo. Pakiramdam ko tuloy nabawasan ng two pounds ang muscles ko,” reklamo ng binata. Kaagad na napabusangot si Diana.
“Payat ka naman, wala kang muscles pero buto-buto ang dami,” sagot ni Diana.
“Ang sama mo, ikaw nga nakalunok ng hanger,” sabat nito. Napatingin naman si Diana sa collar bone niya.
“Collar bone ‘yan gagong ‘to. Ngayon ka lang siguro nakakita ng ganito ka-seksing babae. Ang dami mong say ah. Inggit ka lang kasi puwedeng lagyan ng singko ang collar bone ko,” aniya.
Tinaasan lang siya ng kilay ni Ryu at tinawanan
