الحقني يا رشدي الجزء الثاني

خطه ذكيه😂😂

الجزء ٣ من الحقني يا رشدي

صباح .ما تقول يا رشدي ايه هو السر ده

رشدي.بصراحه يا جماعه انا شريك في شركه إنتاج

شاديه .يا لهووووووووي يا خرااااابي عندك شركه انتاج يا رشدي وسايبني اهاتي مع نفسي

يومك زي وشك يا رشدي .ده انا مش هرحمك يا رشدي يا مفتري منك لله يا شيخ

صباح.نهارك مدوحس يا جوز بنتي .نهارك مزفلط نهارك مطين نهارك اسود زي البتنجان الرومي يا جوز بنتي

رشدي.ااااايه كل ده .مالكم فيه ايه .ده شغلي وحاجه تخصني .انا مش بقولكم كده عشان وصله الردح ديه .انا بقول كده عشان يا شاديه لما ربنا يكرم وتقومي بالسلامه ممكن اكلم ناس ونشوف تعملي فيلم كبدايه ولا لا

شاديه. حرام عليك يا شيخ كنت قادر تساعدني وتحقق لي حلمي واستخسرت فيا☹ليه عملت كده حرام عليك

رشدي.امال لو عرفتي الكبيره بقا هتقولي ايه ??

صباح. هو فيه اكبر من كده يا جوز بنتي

شاديه.قول قول يا حبيبي ده شكله مرار طافح

رشدي. انا انا انا

شاديه.انت هتغني لي انطق يا رشدي

رشدي.انا شغال مذيع في الراديو بقدم برنامج أجمد سبعه الساعه سبعه

شاديه. يا لهووووي طلقني طلقنننننننني يا رشدي طلقني

صباح.طلقنننننني يا مفتري طلقنيييي يا ظالم

رشدي.نعم ده اللي هو ازاي انتي اتجننتي يا حماتي

صباح.معلش الموقف لغبطني بس. طلق بنتي يا رشدي بيه

رشدي.صبوحه يا شحروره .احنا جايين هنا نتبسط

تعالي نروح علي شط اسكندرية وانا هعمل معاكي احلي اتفاق

شاديه .ليه كده يا رشدي ده حلم حياتي اكون ممثله

رشدي.وانا هساعدك والله معلش متزعليش مني

بس تقومي بالسلامه وبعدين نشوف

يلا بينا نروح ع الشط

(راحوا كلهم علي الشط وقعدوا ياكلوا وكانت شاديه ورشدي مبسوطين اما صباح كانت غضبانه جدا)

رشدي. عارفه يا روحي انا بغير عليكي جدا عشان كده كان نفسي تنسي الفكره.بس خلاص هساعدك تحققي حلمك بس بشرط

شاديه.اللي تأمر بيه هعمله يا رشدي والله

رشدي.بصي يا شاديه انا راجل شرقي وعشان اسمح لك بحاجه زي كده لازم الأدوار واللبس وقصه الفيلم تبقي حاجه متخدش الحياء ولا تخليني مدايق منك وانا بتف*ج عليكي

شاديه.طبعا يا روحي مقدرش اعمل اصلا الكلام ده خالص

يعني مثلا ايه رايك في فيلم اولاد رزق ده اعمله عادي?

رشدي. نعم يا روح امك

شاديه .بهزر يا روحي بهزر

رشدي.مالك يا حماتي ساكته

صباح.بتف*ج يا روح حماتك علي وصله الغزل اللي محدش فيكم جاب سيرتي فيها

رشدي. ازاي بس يا حماتي ده انتي الخير والبركة امال مين اللي هياخد باله من البيبي اللي جاي

صباح .ايه ايه ايه ايه يا روح خالتك. فاكرني خدامه عندكم انا من بكره هروح بيتي. ديه اخره تربيتي فيكي يا شاديه

شاديه .يا ماما اهدي بس ده كله كلام الله اعلم لما اخلف ايه اللي هيحصل

(رشدي كام فرحان جدا ان حماته خلاص عرف يطفشها من البيت)وفجأة

صباح.بجد يا شاديه

شاديه. طبعا يا ماما انتي عرفاني هظبطك

شاديه.حبيبتي يا بنتي مقدرش اسيبك طبعا

رشدي ادايق جدا و استأذن ورجع ع الشاليه

واتصل بصاحبه

رشدي. ايوه يا احمد كله تمام وعملت زي ما انت قولت المهم جهزت المكان

احمد.اه يا رشدي جاهز وكله تمام ومتستناش لغايه ما تولد ولا حاجه. اخلص يا ابني من الجنان ده .احنا هنديها الاسكربت .و تعمل أول كام مشهد ونبهدلها تعيد وتزيد فيه لغايه ما تحس ان الدنيا صعبه

رشدي.مراتي عنيده جدا وهتتحمل

أحمد. ولا يهمك لو حتي كملت السكربت للاخر هنقولها أول حاجه بنعرضه علي بلاد تشتريه وقنوات حصري.وهنقول لها كله رفض وقال ان المسلسل فاشل .وساعتها هتتخلي خالص عن الفكره.

رشدي. طيب ربنا يسترها انا مش مطمن خالص

أحمد.متخافش والله ان شاء الله ربنا هيكرم

رشدي .شكرا يا احمد علي تعبك معايا

أحمد. متقولش كده احنا اخوات

رشدي. ربنا يخليك ليا سلام يا باشا

أحمد.سلام

دخل رشدي ينام وصحي علي صوت شاديه

شاديه.قوم يا روحي عشان ناكول الاكل جاهز

رشدي .حاضر يا روحي

اعملي حسابك ان شاء الله اول ما تخلص الاجازه ديه هتروحي تقابلي المخرج وهتاخدي سيناريو مسلسل لو تمام وحاسه انك هتقدري تعمليه يبقي هنبدا ان شاء الله

شاديه.حبيبي والله يا رشدي .انا فرحانه اوي ومعنديش مانع طبعا بس تفتكر المسلسل ده بيحكي عن أيه

رشدي.مش عارف بس اكيد هيكون حلو ان شاء الله

صباح.ان شاء الله يا روح ماما تستاهلي كل خير يا بنتي

خلصوا الاكل و شاديه طلعت تريح شويه وحلمت حلم غريب اوي

(يووووه انا بضحك معاك يا راجل حقك عليا

أفردها بقا ???يوه محبكش تعقدها كده والنبي لتفردها

الراجل.???اللهم صلي عليك يا بني.

طب هات يا راجل بقا سيجاره

الراجل .ايه ده يا وليه لحقتي تخلصي السجاير بتاعتك

الست.هيهيهيه لا يا راجل مخلصتهاش بس حابه اشرب منك يا راجل)

قامت شاديه مفزوعه

شاديه.ايه ده اللهم اجعله خير .هو انا هنحرف ولا ايه. انا عايزه امثل بس.

ورجعت كملت نومها

وصباح و رشدي قاعدين تحت لوحدهم

صباح .تعرف يا جوز بنتي قبل ما شاديه تتجوزك قولت لها بلاش يا بنتي ده راجل واطي وشكله ملاوع وملهوش امان قالتلي بحبه يا ماما .معرفش علي ايه يا رشدي مش لاقيه فيك ميزه واحده بس

رشدي .لا حول ولا قوة الا بالله. انا عارف بس يا حماتي انك متكاده???معزوره يا عيني هتقعدي تتف*جي علينا من التلفزيون وانتي بتغيري بامبرز البنت???سلام يا حماتي نازل اشم هوا لاحسن الريحه فاحت

(وسابها ومشي)

صباح بتكلم نفسها اه يا رشدي الكلب بكره اخليكم تجروا ورايا عشان تأخدوا صوره معايا واجيب لكم الامن????

بعد ما خلصت الاجازه وروحوا البيت

رشدي .حضري نفسك بقا يا روحي عشان بكره هتروحي تتعرفي علي المخرج ا.احمد وتاخدي السيناريو تقريه

شاديه.هييييه بجد انا فرحانه اوي اوي ربنا يخليك ليا يا رشدي يا حبيبي

رشدي.ربنا يخليكي ليا يا شوشو يا روح قلب رشدي ???تسلم البطن اللي جابتك

صباح. دمك خفيف يا واد?

رشدي .ولا اقولك يا روحي هجيب لك السيناريو لغايه عندك تقريه براحتك ووقت ما تقولي اوكيه نروح نمضي العقود وتبدأي تمثيل

اهم حاجه راحتك يا روحي

شاديه.حبيبي حبيبي يا ناس بموت فيك

رشدي. انا هلبس واروح اقابل استاذ احمد وانتي ارتاحي لغايه ما اجي

صباح .عايز ايه تطفحه ع الاكل يا جوز بنتي

رشدي. اي طفح هتاكلي منه يا حماتي مش هيفرق??سلام

و مشي رشدي

صباح .اه يا ابن المبقعه???هوريك يا رشدي الكلب

راح رشدي ل احمد

أحمد.حمد لله على السلامة يا بطل??أخبار المدام ايه

رشدي.اتعشمت اوي يا احمد

عايز لها سيناريو صعب كده

احمد.يا عم متقلقش اختي كاتبه بس محدش عارفها لسه.بس ايديها تتلف في حرير اسمها شمس الشامي ????بتكتب دراما وكوميدي حلو اوي تحب نبعت لها ايه

رشدي. مش عارف من ده علي ده

أحمد.ماشي يا سيدي بس لازم نراضي البت شمس لاحسن يا عيني الحاله معاها متخرتقه?

رشدي .انت جاي تعمل مصلحه عليا انت واختك .ماشي يا سيدي أراضيها ب اي حاجه ?

احمد.طيب بص بكره هبعت لك السيناريو

رشدي.ماشي يا احمد واشكر لنا الكاتبه العظيمه مقدما?

أحمد. الشكر لله يلا روح وبكره نتقابل سلام

رشدي. ماشي يا سيدي سلام

(روح رشدي البيت وكانت شاديه مستنياه بفارغ الصبر و أول ما دخل جريت عليه )

شاديه. رشدي يا حبيبي جبت السيناريو .

رشدي. بكره يا روحي ان شاء الله هيكون عندك

شاديه.يووووه لسه هستنا لبكره☹

رشدي. يا ستي مستعجله علي ايه انتي كده كده هتحتاجي وقت تقريه كويس وكمان متنسيش انك حامل يعني بلاش تجهدي نفسك زياده .واحده واحده يا شاديه

شاديه حاضر يا روحي خلاص نستنا لبكره وان شاء الله خير

رشدي .ان شاء الله يا روحي

صباح.تعالي يا رشدي الطفح جاهز قصدي الاكل يا جوز بنتي

رشدي .امك متغاظه اوووي يا روحي ??

شاديه. والنبي يا رشدي بلاش تغيظها لتشلوحك يا روحي انت متعرفش صباح???

رشدي.حماتي ???صباح الصباح والقلب اللي راح يا شحرور صباح

صباح.اهو صباح منيل زي وشك هي هتفرق يا جوز بنتي .انا اكلت اتنيلوا اطفحوا مع بعض☹

وسابتهم و دخلت اوضتها و رشدي و شاديه قعدوا يتغدوا مع بعض

واخر اليوم دخل رشدي وشاديه يناموا.وشاديه حلمت حلم غريب اوي

دكتور عطيه.الووو مين معايا

شاديه. انا شاديه يا دكتور عطيه كنت عايزه اخد رايك في حاجه

دكتور عطيه .قولي يا شاديتو ?

شاديه .انا كنت ماشيه معاك علي نظام دايت بقالي ١٥ يوم وكله تمام التمام

الدكتور عطيه .حلو يا شاديتو وبعدين يا اختي

شاديه.وبعدين اكلت ممبار?

الدكتور عطيه.ممبار مره واحده يا شاديتو ما كنتي استنيتي شويه يا شاديتو كملي يا بت ?

شاديه .واكلت ٣ فرخات مشويه.و ٤٠ بيضه وصينيه بسبوسه

الدكتور عطيه .ما تيجي تاكليني احسن يا بت .طب انتي عايزه ايه يا بت دلوقتي

شاديه. عايزه أسألك هو كده الدايت باظ?

الدكتور عطيه. ده باز يطير يا بت?ده باظين و تلاته.غوري من هنا يا شاديه .انتي اللي زيك عايز يدبح ع العيد??)

وقامت شاديه مفزوعه

يا لهوي استغفر الله العظيم يارب اللهم اجعله خير

رشدي.ايه يا حبيبتي فيه ايه خضتيني انتي كويسه

شاديه.في ممبار يا رشدي وبسبوسه وبيض

رشدي. انتي بتتوحمي يا روحي ?

شاديه. بتوحم ايه بس انت كمان. كنت بحلم بس ده كابوس كابوس يا رشدي??

رشدي .نامي يا بنت الهبله عشان بكره اروح اجيب لك الاسكريبت تقريه

شاديه.حاضر حاضر تصبح علي خير

ولسه هتنام سمعوا صوت صباح بتصوت

يا تري ايه اللي حصل ده اللي هنعرفه الجزء الجاي ?