الحقني يا رشدي الجزء الثاني

امراض نفسيه😂😂باللون الاحمر

الجزء السابع رشدي

شاديه.يا رشدي يا حبيبي.يا رشدي

رشدي.خير يا شاديه يا حبيبتي خير?

شاديه . هو انا ينفع يا حبيبي اختار قصص اعملها وقصص لا

رشدي.ليه فاكره نفسك في سوق العبور بتنقي مانجه?

شاديه.ماما قالتلي قبل ما اتجوزك .رشدي جوزك بيئه اوي مش مناسب ليكي بس انا اللي اتمسكت بيك

رشدي.شاديه يا حبيبتي انتي في الشهر الكام دلوقتي

شاديه. مبعدش يا رشدي والله?

رشدي.اااه الله يخربيتك هو انا بسالك علي حسابك في البنك. انا بسالك ع الحمل يا روحي ركزي بقا حرام عليكي هتبقي ام ازاي

شاديه.عادي زي السكر في الشاي

رشدي .والله بنتي صعبانه عليا اوي ذنبها ايه تيجي علي وش الدنيا تلاقي امها مجنونه وجدتها هطله.

شاديه.و ابوها بومه و نكدي???

رشدي.غوري يا شاديه. و اه مينفعش هتمثلي المسلسل كله بنكده بفرحه باغتصابه ??هيطلع عين امك فيه

شاديه .ماشي يا رشدي هروح ادرب مع ماما

(ومشيت شاديه وفضل رشدي يضحك وقعد يكلم نفسه)الله يبارك لك والله يا احمد ده شكلها هتولد في السابع???من اللي هنعمله فيها.

ونزلت شاديه لصباح

شاديه.يا ماما يا ماما

صباح.خير يا روحي مالك جايه بزعابيبك كده ليه

شاديه.محمود يا ماما

صباح.ماله يا بنتي

شاديه.بيقولي يا ماما انه خسر كل فلوسنا في البورصه مع اني حذرته كتير.

صباح. يا لهوي بورصه هو احنا وش الكلام ده

ياما قولت لك الحرام مش بيدوم

شاديه.عايزه اطلق منه اتخنقت وزهقت وهسيب له العيال

صباح.بت يا شاديه انتي ادائك بقا زفت كده ليه

بقيتي شبه الكرفس الدبلان.ده انا كده متاكده انك مش هتعرفي تمثلي

شاديه.تعبانه من الحمل يا ماما بس ديه فرصه لازم استغلها .بس اللي كاتب المسلسل يا ماما .الدراما فيه عاليه اوي ده فيه اغتصاب

صباح.لا يا روح ماما انا افد*كي???انا امثل الدور ده مكانك

شاديه.??بس يا صباح انا هروح اكمل قرايه واشوف القصه الجديده ايه

صباح .ماشي يا قلب امك

(مشيت صباح وراحت علي اوضتها وفتحت السيناريو تشوف القصه اللي بعدها)

(طلاق مرضي)

يوسف جوزي طلقني بعد ٥ سنين جواز بسبب نور الحمام عارفه أنكم مش مصدقين بس هي ديه الحقيقه انا هحكي حكايتي انا و يوسف اتجوزنا من ٥ سنين كان في فتره الخطوبه طبيعي جدا مكنش بيزورني كتير بحجه انه مشغول بالمناسبه هو محاسب وعنده مكتب خاص بيه عنده ٤ اخوات صبيان ومامته عايشه وابوه متوفي حكوا لي حكايه كده بس موقفتش عندها قالولي ان كان ليه أخ اصغر منه ومات بالكهربا ويوسف جوزي أثر فيه الموضوع جدا بعد الجواز بدأت الاحظ تصرفات غريبه علي جوزي زي مثلا بيزعق لي لو لقي نور الحمام شغال او الصابونه مش محطوطه في مكانها

او شباك الاوضه مش مقفول للاخر كنت بستغرب وبضحك بس الموضوع زاد اوي مره اتخانق معايا خناقه كبيره اوي وطردني من البيت? متخيلين وكان سبب الخناقه اني سايبه المشباك علي الحب بصراحه تصرفاته كانت قلقاني ومن وقتها قررت اخد حبوب منع الحمل ما هو اكيد مش هكمل بالمنظر ده قعدت عند اهلي اسبوع ومش معبرني وماما كلمته وقالت له يجي والغريب انه جه البيت وكأن مفيش حاجه حصلت وقالي ادام ماما سبتك اهو تغيري جو يلا نروح علي بيتنا وطبعا في الفتره ديه مكنتش باخد حبوب منع الحمل لاني قاعده عند ماما وشكل الموضوع هيطول وروحت البيت وبيتعامل عادي خالص بس من وقت للتاني بلاحظ تصرفات غريبه عليه حتي صوته بيتغير بعد شهر اكتشفت اني حامل مزعلتش وحمدت ربنا قولت ل يوسف كان فرحان جدا طاير من الفرح نزل جاب لي حاجات حلوه وهدايا وجاب لي دبدوب كبير فرحت بيه اوي وبعد يومين لاقيته بيتخانق معايا وبيقولي محدش قالك ان الدباديب بيسكنها العفاريت قولتله انت اللي جبته يا يوسف قعد يقولي جبته عشان تحطيه في الدولاب اتخنقت ومش قادره اتحمل هو عايز يجنني يعني ولا ايه طيب ليه بيعمل كده

وصلت للشهر السابع من الحمل وبدات الاحظ تصرفات غريبه من مامته بتروح المطبخ تجيب كوبايه ميه تحطها علي تربيزه الصاله وبعد شويه تشيلها المطبخ عملت الموضوع ده كذا مره بصراحه بدأت اخاف منهم وشكيت ان في مشكله في العيله ديه وبدأت ادور وأسال

والناس كانت متحفظه جدا معايا في الكلام لغايه ما وقعت في واحد ساكن في الشارع اللي ورا بيت حماتي وحكي لي انه عندهم مرض وراثي في العيله والناس بتخاف منهم قعدت ادور وراهم لغايه ما عرفت انه انفصام في الشخصيه وديه كانت الصدمه اللي مش عارفه حلها ايه. قربت اولد. ازاي هتطلق? طيب هو ممكن يأذيني? ولا لا

? روحت لدكتور نفسي وحكيت له المواقف اللي بتحصل معايا قالي ان جوزي بيتقمص شخصية المتمرد بيتمرد علي اي حاجه منك طالما مش بيأذيكي متخافيش ولدت وقومت بالسلامه وربنا رزقني ب يحيي اتأقلمت عليه وعلي جنونه لغايه ما حصل في يوم اتخانق معايا وطردني بهدوم النوم الساعه ٣ بالليل وفضلت مرعوبه بعد ساعه فتح دخلني

تاني يوم روحت لاهلي وقررت اطلق منه عدي ٣ شهور والناس بيحاولوا يصلحوا بينا وفعلا رجعت ودلوقتي يحيي عنده ٤ سنين وخلفت مريم سنتين ولغايه دلوقتي مامته بتيجي البيت

بتصحي عيالي بالتخبيط علي غطيان

الحلل

مأساه????

كنت مكمله حياتي في الجنان ده لغايه ما حصلت كارثه خلتني أقرر اطلق ومرجعش تاني

سمعت صوت يحيي بيعيط جامد

جريت اشوف فيه ايه لقيت يوسف ماسكه وواقف في البلكونه وحاطه علي السور وعايز يرميه شوفت المنظر كان قلبي هيقف

من الخوف

صرخت وجريت عليه

قعدت ازعق واقوله ايه اللي بتعمله ده قالي دلق اللبن علي السجاده

ولازم اعاقبه

خدت عيالي وروحت علي بيت اهلي وقررت اطلق

قعدت ٥ سنين كاملين عايشه وسط جنان رسمي وكنت مكمله عشان احافظ علي البيت

واطلقت عشان احافظ علي عيالي

بصراحه الوحده صعبه جدا.بس مقدرش اعيد التجربه تاني .وقررت افضل لوحدي واربي عيالي

كنت دايما بسمع من ماما وهي بتقولي الدنيا مليانه بلاوي ولما عشت التجربه ديه قولت اكيد في مصايب اكتر من كده بكتير

بحمد ربنا انه نجاني انا وأولادي

وانا بنصحكم لازم في فتره الخطوبه تنتبهوا علي تصرفات الشخص اللي معاكم. مش بس في المرض

في العيوب كمان

ولازم تسألوا كويس عليه

شاديه. يا حوستك يا شاديه ع النكد. الله يخرب بيتك يا رشدي ده انا اترعبت ودماغي ورمت??

شاديه. يا رشدي يا رشددددددي

رشدي.ايه يا بنتي فيه ايه بقا انا زهقت

شاديه. مين المجنون اللي كاتب السيناريو ده

رشدي. بقولك ايه يا شاديه مش عاجبك متمثليش انا تعبت?

شاديه. ما هو يا روحي اكيد مش همثل معظم الحاجات ديه انا ست فرفوشه

انتوا عايزين اولد بنت مكتئبه ???

اصل السيناريو نكد مش هتقدر تغمض عنيك

رشدي .بقولك ايه يا شاديه .لو معملتيش المسلسل ده تنسي قصه التمثيل خالص

وجت صباح جري

صباح.وانا يا رشدي .جربني كده ده انا اعجبك اوي وزود في المشاهد الساخنه ولا يهمك يا جوز بنتي ???

رشدي. روحي يا صباح من وشي انا رايح شغلي

(نزل رشدي من البيت وركب العربيه وجاله مكالمه من رقم غريب)

رشدي.الووووو مين معايا

مجهول.احنا شركه يا حبيبي المحشي استوي خد لك صوباعين في الهوا

رشدي.اه اهلا وسهلا وعايزين ايه .حد يحشي معاكم?

مجهول.لا يا افندم حابين نقولك لو معملتش اللي مراتك بتقولك عليه هنحط السيخ المحمي في صرصور ودنك?

رشدي.ابوكم ع اللي خلفوكم.?

مجهول. نعم يا رشدي

رشدي. واضح انك مسمعتش.نقول كمان ابوكم ع اللي خلفوكم.قول ل شاديه وصباح .رشدي لما يروح هيطربق البيت علي دماغ اللي خلفوكم

مجهول.ده احنا الكاميرا الخفيه بنهزر معاك ?

وقفل السكه

رشدي.وصل الشركه وحكي ل احمد علي المكالمه وفضل احمد يضحك

احمد.والله بجد انت صعبان عليا ايه اللي وقعك في العيله الهبله ديه.

رشدي.اااه يا احمد متفكرنيش .بس بحبها اوي اديني بقول يمكن بعد ٣ شهور تولد وتهدا بقا

احمد .معلش يا رشدي ربنا يهدي

(وعند شاديه )

شاديه.ماما تعالي نروح اي مكان نقعد فيه عشان اكمل قرايه السيناريو بجد يا ماما انا كرهت الموضوع اوي .طلع الضحك والهزار حاجه وانك تعملي قصه كامله بتفاصيلها حاجه تانيه

صباح.اه بس لو بصيتي للفلوس اللي بتيجي من وراها .هتتشقلبي يا اختي وتعملي المسلسل

عموما يلا بينا نروح الجنينه

(نزلت صباح و شاديه راحوا جنينه جميله جدا وخدوا معاهم اكل وشاي وقعدوا يشموا الهوا الحلو وطلعت شاديه الاسكربت عشان تقرا)

(قصه بعنوان باللون الأحمر)

القضيه الأولي

الووو. ايوه يا افندم تم العثور علي جثه طفله عمرها ١٠ سنين فوق سطح البيت في بيت قديم في المرج

الفريق بتاعنا شغال في التحريات والبنت ديه طلعت مفقودة واهلها عاملين بلاغ من اسبوع

و اللي أكتشف الجثه واحد كان مأجر غرفه علي سطح البيت وكان قاعد في الصعيد بقاله اسبوعين وتم الإبلاغ فورا أول ما لقي الجثه

وجاري التحقيق مع جميع سكان العمارة وانا حاليا في الطريق ليهم

... تم وصولها هناك . وكانت أم البنت منهارة وابوها

الظابط. حضرتك والدها

أحمد.ايوه انا

الظابط.انا عرفت ان البنت كانت مختفيه من اسبوع تقريبا وانت كنت عامل بلاغ

أحمد .ايوه بنتي كانت مختفيه ودورنا عليها في كل حته ولما يأست روحت عملت محضر بس مكنش فيه نتيجه

الظابط.بنتك لما اختفت كانت جوه البيت ولا بره

احمد.كانت بتجيب حاجات حلوه من تحت

الظابط.متعوده بنتك تنزل لوحدها ديه عندها ١٠ سنين

احمد.ايوه متعوده اصل المنطقه هنا أمان وكل الناس عارفه بعضها

الظابط.لما نزلت البنت كانت الساعه كام تقريبا

إحمد .الساعه ١٢ الضهر بالنهار

الظابط.يعني البنت اختفت بالنهار

الظابط (بدأت اسجل ملاحظاتي ان البنت اختفت بالنهار ادام كل الناس في منطقه أمان والكل عارفها .يعني احتمال خطفها من حد يعرفها احتمال كبير يعني الموضوع مدبر)

الظابط.بتشك في اي حد .عندك عداوات مع اي حد

احمد .لا احنا ناس بسيطه وفي حالنا وملايين جمب الحيط وعلاقتنا بالناس كلها طيبه

الظابط.وحضرتك مامتها

الست.لا انا مرات ابوها وبعتبر عنود زي بنتي .انا مش بخلف وديه بعتبرها بنتي

الظابط. و أم عنود الحقيقه موجوده

أحمد.ايوه موجوده بس مش في مصر

الظابط.عندها خبر ب وفاه بنتها

احمد.لا مقدرناش نبلغها الخبر.احنا اصلا مش قادرين نستوعب اللي حصل ولا نصدقه

الظابط. طيب البقاء لله وهنتقابل تاني عندي في المكتب ان شاء الله

اه نسيت اقولكم عنود هيتم عرضها علي الطب الشرعي عشان نعرف سبب الوفاه

عن اذنكم

(نزلت وركبت عربيتي ) ايوه يا امجد بكره تستدعي الراجل اللي لقي الجثه

وتبلغ ام البنت وتطلب منها الحضور للافاده ب اقوالها

وقابلني في المكتب عشان نحلل تفاصيل القضيه ديه مع بعض

إمجد.خلاص يا حضره الظابط

(وصلت المكتب ودخل أمجد )

إمجد. ازيك يا حضرت الظابط

الظابط.ميرفت????يا ابني ميه مره قولتلك انا بنت عمك طالما قاعدين مع بعض اسمي ميرفت

أمجد .ماشي يا ميرفت ?هااال يا ستي التحقيق المره ديه في ايه

ميرفت .والله يا امجد جريمه قتل لطفله ١٠ سنين واتقتلت فوق سطح بيتها

إمجد.طيب حققتي مع حد من السكان

ميرفت.حققت مع الأب وزوجته

إمجد.زوجته يعني مش ام البنت

ميرفت. ايوه مش مامتها عشان كده عايزه اعرف علاقتها بالبنت وعلاقتها ب امها الحقيقه

وازاي اتجوزت أ.احمد

وعايزاك تجمع لي كل المعلومات ديه

وتحقق مع سكان العماره وتعرف معلومات عن الأب هل في مشاكل بينه و بين حد ولا لا وعلاقه مراته بالجيران

إمجد.خلاص متقلقيش بكره هتلاقي معلومات عندك ان شاء الله

ميرفت. شكرا يا امجد .انت عارف انا في القضايا الصعبه بحب تكون موجود معايا في التحقيق

إمجد .ولا يهمك انا حاضر اي وقت تحتاجيني

وهاخد عربيه واروح المكان وابدأ تحقيق مع سكان العماره

ضحي.جارتهم في الدور الاول

بصراحه يا حضره الظابط انا معرفش حاجه خالص عنهم انا ساكنه بقالي سنتين بس مش بختلط بحد خالص .انا مطلقه وعايشه لوحدي وعشان كده مبحبش اتكلم مع حد

امجد.يعني ملكيش تعامل خالص مع مدام استاذ احمد

ضحي .والله انا مفيش بيني و بين أي حد الا السلام وخلاص: إمجد. تمام شكرا ليكي

استاذ محمود مدرس كمبيوتر

إمجد.حضرتك كنت عارف ان البنت متغ*يه عن البيت

محمود ايوه يا افندم لان الدنيا كانت مقلوبه صويت وعياط ولما المدام عندي سالت

عرفنا ان بنتهم ضاعت

إمجد.يعني الدنيا كانت مقلوبه وانت مفكرتش تنزل لهم

محمود.بصراحه انا مبحبش اتعامل مع استاذ احمد وحصل بنا مشاكل كتير وواخد جمب منه

إمجد .ممكن اعرف ايه أسباب الخلاف بينكم

محمود. والله مشاكل بتحصل في اي بيت. ماتور الميه ومشاكله و كل شويه يقفل الموتور بالنهار ويقولك الميه موجوده والماتور هيتحرق والكلام ده يعني

إمجد.طيب تمام لو فيه اي حاجه جديده هستدعيك تشرفنا في القسم

محمود .تخت امرك يا افندم

مدام تقي .ست كبيره في السن

امجد.حضرتك عارفه ان بنت استاذ احمد اتقتلت فوق سطح البيت

تقي. عرفت ربنا يرحمها ويصبر امها علي فراقها كانت خايفه علي بنتها اوي

كنت بحاول اطمنها ان البنت مع ابوها وهتكون بخير بس قلب الام يا ابني كانت قلقانه علي بنتها اوي

إمجد.طيب ايه اللي يخليها قلقانه كده

تقي.مش عارفه يمكن عشان مرات ابوها كانت خايفه انها تأذي بنتها

إمجد.مراته ابوها ايه اللي يخليها تعمل كده تقي.مش عارفه حصل بينهم قبل كده مشكله عشان شافتها واقفه مع احمد في الشارع بيتكلموا وقعدت تزعق وتهلل و قالت لها انا هوريكي وهندمك وكلام من ده يا ابني

إمجد.طيب يا ستي شكرا جزيلا ليكي

ميرفت.ازيك يا امجد عملت ايه

إمجد.حققت مع بعض من سكان البيت واتصلت وبلغت الأم وهتيجي بكره ان شاء الله من السفر

نص ساعه واكون عندك واعرض عليكي التحقيقات عشان في اكتر من مشتبه فيه

وصل احمد المكتب وبدا يعرض التحقيقات علي الظابط ميرفت

الظابط ميرفت. يعني في احتمال تكون مرات ابوها هي اللي قتلتها

امجد. هو احتمال بس لسه فيه ناس هنستجوبهم .الام والشخص اللي بلغ عن وجود جثه.واخبار نتيجه الطب الشرعي ايه

ميرفت.والله يا امجد انا اتصدمت من النتيجه

البنت اتحط لها سم بيموت بالبطئ في اكل أو عصير .كمان البنت في آثار خنق علي رقبتها وده معناه ان اللي حاول يقتل البنت للاسف شخصين مش واحد بس

إمجد.طيب انا هكمل باقي التحقيقات وبكره نكمل تحقيق

الظابط ميرفت. تمام بكره نكمل

تاني يوم تم استدعاء ام البنت وكانت منهارة إمجد.اهدي يا مدام والبقاء لله

الأم.كنت حاسه ان بنتي هيحصل لها حاجه كنت حاسه والله

إمجد.بتتهمي حد معين

الأم.ايوه بتهم ابوها ومرات ابوها

امجد.بتتهمي ابوها

الأم.ايوه عشان هو هددني انه هيحرق قلبي لما اتجوزت وسافرت

إمجد.اكيد كلام عادي. ديه بنته في الاول والاخر

الأم. لا ده مجنون وممكن يعمل كده عشان يوجع قلبي

إمجد.ممكن اعرف سبب الطلاق

الأم.بيحبني حب امتلاك .دايما مشاكل وخناق و ضرب .عايزني مكلمش حد ولا اطلع من البيت ولا حتي البلكونه .حتي الهدوم كان هو بيطلع ينشرها عشان محدش يشوفني كنت حاسه اني في سجن لغايه ما اخواتي رفعوا قضيه خلع وبعدوني عنه وبعدها بفتره ربنا رزقني بحد كويس وسافرت وقالي انا هوجع قلبك زي ما وجعتي قلبي

امجد.تمام تقدري تروحي واحنا لو فيه جديد هنبلغك

كمال.شغال في بقاله وبيروح الصعيد يزور اهله من فتره للتانيه

كمال.والله يا بيه انا راجل شقيان وعلي أد حالي وفي حالي وامي البركه في حياتي كانت دايما تقولي ركز في سعيك ومتبصش علي غيرك

وفعلا مركز في طريقي لا ببص علي راجل ولا ست .بس الشهاده لله قلبي وجعني عليها جدا .انا بحلم يكون عندي عيله واطفال بس هنقول ايه لله ما اخد ولله ما اعطي

إمجد.طيب يا كمال لو فيه حاجه هكلمك تقدر تروح

كمال.شكرا يا بيه

تم استدعاء الاب ومراته

امجد ميرفت في نفس الاوضه

امجد .حضرتك يا مدام حصل بينك وبين الام مشاكل قبل كده وهددتيها

مرات الاب. ايوه حصل بس ده كلام عادي

اكيد مش هقتل بنت انا مربياها

إمجد.وحضرتك يا استاذ احمد هددت زوجتك السابقه بعد زواجها من غيرك

احمد.حصل بس ده مجرد كلام

الظابط امجد.هيتم حجزك انت والمدام ٤ ايام علي ذمه .....الظابط ميرفت وامجد

الاب كان مريض بحب الامتلاك لما مراته خلعته وسابته واتجوزت غيره

والام ما صدقت بعدت عن الهم والارف اللي كانت فيه وسابت بتها وسافرت

مرات الاب كانت بتغير علي جوزها وهددت زوجته السابقه انها هتخليها تندم

كمال.جارهم كان نفسه يكون عنده عيله وللاسف لسه ربنا ما اردش

جارتهم الست الكبيره. قالت ان الام كانت حاسه ان بنتها هيحصل لها حاجه

جارتهم المطلقه في حالها ومش بتتعامل مع حد

استاذ.محمود جارهم فيه بينه وبين استاذ احمد مشاكل ومش بيحبه

اما البنت عنود طلعت ماتت عن طريق سم وخنق علي الرقبه

بعد التحقيق اكتشفنا أن أم عنود مش الله الحقيقيه. وان الجنين مات في بطنها في الشهر ال٨ وفضلت مخبيه علي جوزها واخدت من دار ايتام طفل عنده شهر.ولما كرهت عيشتها مع احمد لانه كان مجنون فعليا بيها. حبت تقهره مرتين .مره بالخلع وجواز واحد غيره ومره بقتل البنت اللي هو ميعرفش انها مش بنته.كانت بتزور الست الكبيره تمهيد للجريمه. وكانت بتزور البنت فوق السطح وتجيب لها عصاير وبتقولها متعرفش حد .وفي مره من المرات حطت لها سم في العصير وخنقتها والكل كان فاكر انها مسافرة عشان تبعد الشبه عنها

شاديه.wooooow تحفه تحفه هعملها ان شاء الله

صباح .طب يلا يا روح ماما نروح انا تعبت

شاديه. يلا يا صبوحه عشان اشوف القصه الجديده ايه وده اللي هنشوفه الجزء الجاي