الحقني يا رشدي الجزء الثاني

شاديه محتاره

الجزء التاسع رشدي.

بعد ما نامت صباح قامت مخضوضه علي صوت شاديه اللي كانت بتتكلم وهي نايمه

(ابو احمد – خدني الكوافير.ابو احمد – دفعته كتير.ابو احمد – عيّنلي شوفير.ابو احمد – شقته عالنيل.ابو احمد – فتح التلاجه.ابو احمد.ملقاش فيها حاجه)

صباح.كبدي عليك يا رشدي أنا لو منك كنت طلقتها???ده احنا عيله متخلفه بصحيح.اصحي يا بت يا شاديه فوقي يا بت

شاديه.ايه يا ماما فيه ايه .المخرج عايزني ولا ايه

صباح. ههههه مخرج ايه يا مهبوشه.انتي في المستشفي

شاديه.ياااه يا ماما كنت بحلم حته حلم.جامد جدي?

صباح.اه طبعا عارفه يا قلب امك كنتي بتحلمي ب ابو احمد???لمي نفسك بقا عشان ابا رشدي جه

(و دخل رشدي عليهم)

شاديه.ايه يا حبيبي اللي جابك بس.مش اتفقنا تخليك في البيت وبكره هطلع ان شاء الله

رشدي.رايح يا روحي مشوار شغل قريب قولت اعدي الاول اطمن عليكي انتي عامله ايه دلوقتي

شاديه.حبيبي يا رشدي انا تمام.

رشدي. خدي الاسكربت اهوه عشان عينك هتوجعك من التليفون اكيد

شاديه.ربنا يخليك ليا يا روحي .

رشدي.و يخليكي ليا يارب .انا ماشي عايزين حاجه

شاديه.سلامتك يا حبيبي

(و مشي رشدي )

شاديه.ها يا ماما قريتي القصه

صباح.اه نصها كده بس جامده جدا يا بت اتنين متجوزين بس مجانين اوي ????

(وفضلت صباح تحكي لها )

شاديه. خلاص يا ماما انا هكمل الجزء الفاضل معاكي

صباح.ماشي يا روحي

(فتحت شاديه الاسكربت عشان تكمل القصه)

بعد ساعه من الاكل الهندي يوسف كان في المستشفي

الدكتور.هو اكل ايه يا مدام

مريم. اكل اكل فيه شطه

يوسف.شطه كتير يا دكتور ?

مريم. و سوري يعني جاله اسهال

يوسف.اسهال كتير يا دكتور

الدكتور .طيب يا مدام الفتره الجايه الاكل كله مسلوق

يوسف.طيب يا دكتور مراتي اكلت من نفس الاكل ومحصلهاش حاجه اشمعني انا

الدكتور . عادي ستات قادره يا ابني

مريم. نعم يا دكتور بتقول ايه

الدكتور .مبقولش حاجه. الفتره الجايه لازم ترتاح وهتبقي زي الفل

(ودخلت هدير ومحسن)

هدير.ازيك يا وحش ايه اللي عمل فيك كده ?

يوسف.عين امك يا هدير ربنا ينتقم منك يا شيخه عقبال ما اشوفك راقده الرقده ديه مكاني

هدير.ايه يا مريم هو جوزك ماله اتجنن ولا ايه ?

مريم.معلش يا هدير اصله تعبان يا عيني عنده اسهال

يوسف.اسهال كتير يا هدير عقبالك يارب

هدير.يعني هو اكل لوحده ولا ايه فهميني

يوسف.لا يا اختي مريم اكلت معايا بس زي ما انتي شايفه وحش ادامك مش بياثر فيها حاجه .منكم لله انتم ال٢

محسن. سلامتك يا يوسف?

يوسف.بقولك ايه يا محسن خد الحيزبونه مراتك ديه وامشي من هنا

وبعد ست ساعات طلع يوسف من المستشفى

يوسف.فاكره يا مريم الجنينه اللي كنت بنتبسط فيها انا نفسي اروحها اوي

مريم.طبعا يا حبيبي مقدرش انساها تعالي نروح يا يوسف❤

شاديه.ماما مش عارفه ليه حاسه بوجع في بطني انا مش قادره اقرا نادي ع الدكتور بسرعه

(طلعت صباح وندهت ع الدكتور )

دخل الدكتور. مالك يا مدام

شاديه.تعبانه اوي حاسه ب وجع

الدكتور .طبيعي ما انتي حامل?طبيعي يا مدام

وانتي يا ست صباح حاسه ب ايه

صباح.دايخه شويه يا دكتوووور?

الدكتور .مبروك امك حامل يا كبير?

شاديه.انت مجنون يا دكتور?

الدكتور .معلش اندمجت اصلي كنت لسه بتف*ج علي مسلسل الكبير أوي.

شاديه.اكتبي لي خروج من المستشفي خلينا اروح بدل ما اعمل لكم مصيبه

صباح. بس يا بت .متزعلش منها يادكتوري .قولي انت متجوز

الدكتور.لا يا صباح

صباح.ولا مرتبط

الدكتور.وتايهه ووحيد وبدور علي بنت الحلال

صباح.انت شكلك ابن حلال يا دكتور. خد رقم تليفون جوز بنتي اصلي مبحبش اعمل حاجه غلط.اه كله الا سمعتي ?

الدكتور.سلامه سمعتك يا قمر .

شاديه.ماما?قومي بينا نمشي?

صباح .سلام يا اوحي?

(فضلت شاديه في المستشفي ومشيت تاني يوم الصبح هي وصباح)و رشدي كان في الشغل واتصل اطمن عليها .

رشدي.حمد لله على السلامة يا روحي وحشتيني اوي يا شوشو

شاديه.وانت كمان يا رشدي. قرب معاد الولاده وانا بجد مرعوبه

رشدي.متخافيش يا روحي ربنا هيكون معاكي وكلنا معاكي

شاديه.يارب يعديها علي خير يا رب

انا هقرا شويه عشان عايزه اخد قرار همثل ولا لا

رشدي.ماشي يا روحي ربنا معاكي

(قفل رشدي وفتحت شاديه الاسكربت)

(قصه بعنوان وجع قلبي)

ميار. انا عندي ٢٥ سنه خريجه كليه آداب .عندي أخت اسمها ريم وأخت اسمها مي

بس كنت وحيده وسطهم.كانوا أصغر مني ال٢

ماما كانت ربه منزل وبابا كان عنده معرض سيارات معنديش اصحاب عندي زمايل.مفيش بس غير ابتسام يعني ممكن احكي لها شويه. عمري ما حبيت حد لان عمري ما حسيت بالحب ده من اهلي للاسف الشديد

شاديه.يا كبد امك??من أولها نكد السنين

انا كان مالي ومال النكد ده.اني خلقت

. لكي اكون فرفوشه نعنوشه.كملي يا روح امك يا ميار??

الام::صباح الخير يا ميار يلا يا بنتي الفطار جاهز

نزلت ميار بسرعه

صباح الخير امال فين بابا واخواتي

الام:صباح يلا يا حبيبتي افطري.بابا اخد اخواتك ونزل يشتري لهم تليفونات جديده زي ما وعدهم

ميار.اه صح.بس هو ليه مسألنيش انا محتاجه ولا لا

الأم. يا بنتي ما انتي شغاله ومش بتحرمي نفسك من حاجه وانجزي بقا روحي شغلك

(كانت بتكلمني بمنتهي البرود)

روحت مكتبي. بالمناسبه انا بشتغل سكرتيره في مكتب استيراد وتصدير )

ميار. صباح الفل يا احمد.امال فين أ. كريم

احمد:في مكتبه بيجهز شويه اوراق

ميار.طيب مزاجه ايه النهارده عايزه اخد اجازه واخرج زهقانه

احمد.بلاش يا بنتي ا.كريم بيوافق وبيعد الجمايل للناس وتحسي انه كاسر عينك بلاش تتحطي معاه في قايمه العند

ميار. مش فاهمه قصدك ايه يا احمد

احمد .قصدي خير بس بلاش كريم والاجازات

ميار طيب

(وطلع ا.كريم .ميار انا عايزك

دخلت ميار. صباح الخير يا ا.كريم

مريم.صباح الفل عامله ايه

ميار ::الحمد لله كويسه

.كريم.شدي حيلك عايزين نظبط مواعيد مع الشركه الجديده اللي بتتهرب مننا .لازم نقنعهم يعملوا الشغل عندنا

ميار ان شاء الله يا ا كريم

كريم.وليكي بقا الحلاوه وخروجه جامده معايا

ميار.انا مش بخرج مع حد يا استاذ كريم

مريم.بس انا مش حد انا المدير وصاحب المكان

ميار.طيب هروح اشوف شغلي واستأذنت وطلعت

(حسيت بخنقه ونزلت الشارع .اول ما نزلت لاقيت انظار الشباب كلها كانت عليا )

شاديه. يا ادي النيله ده شكل في تحرش واكتئاب هقرا من الاول واخد قرار هعمل ولا لا

اما اقرأ القصه الأولي بعنوان

(صدمه نفسيه )

شمس.??مش قادره اصدق اللي شوفته

مصيبه مصيبه يا ياسمين

كارثه في بيتنا مش عارفه اعمل ايه

ياسمين. يا ساتر يا رب اهدي بس يا بنتي عشان افهم ايه اللي حصل

شمس. انا شوفت بابا واختي مع بعض

ياسمين. يا لهوي مع بعض ازاي يعني

شمس. هي محتاجه تفسير بقولك مع بعض

مع بعض يا بنتي ????

ياسمين . انا مش مصدقه اللي انتي بتقوليه ده يا شمس

شمس. مش قادره اكدب عيني????ازاي ده حصل وازاي بابا عمل كده في بنته

ازاي اصلا يعمل كده انا مش فاهمه حاجه

ياسمين.كمان يا شمس مش قادره اصدق اكيد في حاجه غلط

شمس. لا الغلط اني اسكت انا لازم احكي لمرات بابا عشان نشوف هنعمل ايه في المصيبه ديه

أنا شمس عندي ٢٨ سنه .مامتي ماتت وانا عمري ١٠ سنين وبعد سنه اتجوز بابا عشان يجي حد يرعاني وجت مرات ابويا فاطمه كانت بتحبني وبتعاملني كويس جدا وبعد سنه من الجواز خلفت اختي آيه ودلوقتي هي عمرها ١٦ سنه مرات ابويا مفرقتش بينا وعمري ما حسيت انها مش امي كبرنا عيله واحده بنحب بعض وبنخاف علي بعض وعشان كده قررت احكي لها اللي شوفته

شمس. الحقيني يا ماما كارثه كارثه?

الام.في ايه يا شمس

شمس.في حاجه حصلت مش هينفع نسكت عليها

الام.قولي فيه ايه خضتيني

شمس. نور يا ماما?

الام.مالها اختك انطقي فيه ايه

شمس.مش قادره اقولك بس لازم احكي انا شوفتها هي وبابا مع بعض

الام.مع بعض ازاي يا شمس

شمس.مع بعض يا ماما زي ما بتكوني مع بابا

???

نطقت الكلمه ديه ولاقيت القلم نازل علي وشي وبدأت تزعق وتقول

الام.انتي مجنونه ايه الارف والعك اللي بسمعه منك ده يا محسن يا محسن

الاب.ايه يا فاطمه فيه ايه

الام. تعالي شوف الهانم شمس شوف بتقول عليك وعلي اختها ايه

الاب.في ايه يا شمس

????

سبتهم وطلعت اجري علي اوضتي

كلهم دخلوا ورايا

الاب.حد يفهمني في ايه

شمس.في يا بابا اني شوفتك بتعمل حاجات وحشه مع اختي ?????

الاب. انتي اتجننتي ايه اللي بتقوليه ده

ضربني بابا بالقلم والكل قاطعني

قعدت اكتر من اسبوع في البيت مش بخرج

بطلع اكول في المطبخ لوحدي وارجع تاني علي اوضتي

ويعد اسبوع بفتح باب الاوضه لاقيت بابا مع نور اختي علي الكنبه

?????

اتصدمت وقفلت الباب وفضلت اعيط

روحت تاني يوم وحكيت ل ياسمين صاحبتي

شمس.والله يا ياسمين ده اللي حصل مش عارفه اعمل ايه

ياسمين .طيب هقولك تعالي نروح لدكتور نفسي

نتكلم معاه وتحكي له يمكن يكون في تفسير

شمس. انا مش مجنونه يا آيه

ياسمين .يا ستي انا بقولك ندور علي تفسير لكل اللي بيحصل

(روحت فعلا لدكتور نفسي وهناك اتصدمت من كلامه)

الدكتور.بصي يا انسه شمس الكلام اللي بتقوليه

مش منطقي لو باباكي عايز يعمل حاجه اكيد مش هيعملها في البيت وانتم موجودين وكمان بعد ما عرفتي واتكلمتي ازاي يقدر يعمل كده تاني انا شاكك في حاجه عايزك الايام الجايه متاكليش خالص من البيت بس تاخدي الاكل عادي وتجيبي لي الاكل والشرب اللي بيتحط لك

شمس.طيب انت شاكك في ايه يا دكتور

الدكتور.مقدرش اقولك حاجه دلوقتي لازم اتاكد الاول

روحت وفعلا عملت زي ما الدكتور قالي وتاني يوم روحت بالأكل والعصير للدكتور

وبعتهم للمعمل

وتاني يوم اتصل بيا

الدكتور. انسه شمس انا عايزك تيجي النهارده لازم نتكلم

شمس.حاضر يا دكتور

روحت للدكتور وكنت مخضوضه يا تري ممكن يكون فيه ايه

شمس.طمني يا دكتور النتيجه فيها ايه

الدكتور.بصي يا شمس زي ما توقعت انتي بيتحط لك دوا في الاكل بيعمل هلاوس بصريه

شمس. يا لهوي ازاي ازاي ماما تعمل كده

الدكتور.هي ديه مامتك

شمس. لا مرات ابويا بس بعتبرها امي وطول عمرها بتعاملني كويس بتعتبرني بنتها

الدكتور.طيب اهدي يا شمس انا لازم احكي ل باباكي كل حاجه

واتصل ب بابا وبدا يحكي له كل حاجه

بابا كان مصدوم والدكتور طلب منه يتعامل طبيعي وميحكيش اي حاجه وطلب منه كمان يجيب عينه من الاكل والشرب ويحاول ما ياكولش وبدا بابا يحكي له انه بيشتكي في الفتره الاخيره من صداع شديد وبعد تحليل عينه الاكل والشرب

الدكتور.الووووو استاذ محسن للاسف النتيجه طلعت وانا نفسي اتصدمت من النتيجه بتحط لك في الاكل دوا بيجيب زهايمر الوووووأ.محسن انت معايا

محسن.انا مصدوم?ليه انا عملت لها ايه طول عمري براعي ربنا فيها وعمري ما فرقت بين بناتي

ليه كده

الدكتور. معلش يا ا.محسن انا لازم أبلغ الشرطه ديه جريمه

محسن.لا ارجوك انا لازم اعرف هي عملت كده ليه

الدكتور.حاضر يا ا.محسن

قفل الدكتور مع بابا وروح البيت وانا كونت هناك

دخل البيت والغم والهم راكبه

قعد ينادي علي ماما

لغايه ما جت

ماما. ايه يا محسن فيه ايه

محسن.ليه انا عملت فيكي ايه قوليلي طول عمري بحبك وبقدرك وبدور علي اللي بيسعدك وبعمله

ماما.فيه ايه يا محسن مالك انا مش فاهمه حاجه

محسن.انا عرفت كل حاجه ليه كنتي عايزه تأذيني انا و شمس. ديه بنتك كمان وانتي ربتيها وسهرتي عليها ليه عملتي فينا كده

????

الام. ايوه عملت كده عشان انت ظالم بدل ما تعدل بين شمس و نور

كتبت كل فلوسك ب اسم شمس

وبنتي تترمي في الشارع وتمد ايدها للناس

عشان ابوها ظالم

محسن. انتي بتقولي ايه انتي اتجننتي

ال٢ بناتي وربي شاهد عمري ما فرقت بينهم

وقلبي قاسمه نصين

نصه لشمس ونصه لنور

انتي فاهمه انتي بتقولي ايه

مين اللي قالك كده

الام.صاحبك محمد صديق عمرك

اتصل بابا بمحمد و جه

محمد. ازيك يا محسن أخبار صحتك ايه

مالك بتبص لي كده ليه

محسن. ليه يا محمد كنت عايز تأذيني

انا قصرت معاك في ايه

ده انت اخويا

محمد.?????اخوك يا محسن ضحكتني

اه كان نفسي اخليك تتوجع من اقرب حد ليك

زمان اللي حبتها انت اتجوزتها عشان انت اغني مني

ولما ماتت خدت واحده برضه بتحبك وعوضتك وعوضت بنتك

بتاخد كل حاجه والسعاده حواليك في اي مكان بتروحه

كان نفسي تدوق الوجع علي ايد اقرب الناس ليك

وقف بابا مصدوم

وبدا يعيط

وماما بدات تعيط

نور كانت مصدومه من كل اللي بيحصل

وانا كنت بسجل فيديو للكل من غير ما حد ياخد باله

وبعت رساله للدكتور يطلب الشرطه

وبعت له الفيديو

مفيش نص ساعه والشرطه جت

وتم حبسهم والمحكمه امرت بالسجن ١٠ سنين شروع في القتل

اما بابا من الصدمه بدا يفقد عقله لغايه ما جاله زهايمر ومبقاش عارفني

وانا بدات اتعالج انا واختي نور عند الدكتور النفسي

شاديه .ماشي حلوه بس حزينه اوي

طيب اشوف ديه

مذكرات رجل في ال٣٠

ديه الذكري الأولي ل وفاه باب.اللي ساب لي كل حاجه حلوه في حياتي. عمره ما حرمني من اي حاجه وفضل يرعاني بحبه واهتمامه لغايه ما خلاني تحت جناح راجل صوره مصغره منه.انا ريماس عندي ٣٠ سنه بعد ما بابا اتوفي ساب لي حاجات كتير اوي .فلوس وشركات واراضي وعربيات بس اهم حاجه بالنسبه ليا كانت دفتر مذكراته .كان دايما عندي فضول أقرب منه اكتر واعرف عنه كل حاجه. قررت النهارده .اعرف بابا كان حابب يخبي ايه عننا

وفتحت المذكرات

(بنتي الحلوه ريماس كنت عارف اليوم ده هيجي .بس مش عايز تزعلي من اي حاجه ممكن تقريها.حبيت اكتب مذكراتي يا بنتي عشان تتعلمي منها وتعرفي انا مريت ب ايه في حياتي وكنت بداري عنكم عشان دايما اشوف الابتسامه والفرح علي وشكم)

ريماس.ربنا يرحمك يا اغلي من نور عيوني

......

كنت دايما فاكر ان الصاحب وعشره العمر هو ده اللي بيكون السند العمر كله خصوصا لو معنديش أخ هيكون هو اخويا وفي ضهري لغايه ما اكتشفت خيانه محمود ليا

(نهي السكرتيرة.والله يا ا.يحي زي ما بحكيلك شوفته بالصدفه في كافيه مع شركه karma الشركه اللي بتحاربنا في السوق عشان تاخد الصفقه مننا وبتحاول تضرب لنا الاسعار عشان توقعنا صدقني.

يحي.انتي مش سامعه نفسك بتقولي ايه يا نهي .انتي عارفه ده مين .ده محمود جاري وصاحبي واخويا.الشركه ديه كبرت علي ايده. انتي اكيد شوفتي حد تاني .او حد شبه محمود.اكيد مش هو

نهي.استاذ يحي انت استاذي وبعتبرك أخ كبير. ارجوك تصدقني

يحي.مقدرش اصدق حاجه مشوفتهاش واوعي تتعاملي بطريقه وحشه مع محمود أو يحس بحاجه

...........

كان صعب جدا عليا اكدب نهي لانها تربيتي.وكان الأصعب اني اخون محمود صديق عمري.بس مكنتش قادر احط حياتي في كفه وصداقه محمود في كفه

كملت عادي وعدي الموقف لغايه ما جالي اصعب خبر ممكن اسمعه

الوووو.استاذ يحي للاسف انت خسرت المناقصه .في شركه تانيه عرضت أسعار اقل ونفس الجوده بتاعه حضرتك

يحي.شركه karma صح

الراجل .ايوه يا استاذ يحيي

قفلت معاه ونديت علي نهي

نهي.ايوه يا استاذ يحي .مالك فيه ايه

يحي.فين استاذ محمود .مجاش ولا ايه

نهي.لا معرفش هو فين بس اكيد هيختفي ومش هتشوفه تاني يا ريتك كنت خدت حذرك منه انا حكيت لك ونبهتك بس مكنتش عايز تصدق

يحي.امشي يا نهي .سبيني لوحدي ......

مش هكدب عليكي يا ريماس يا بنتي حسيت ان في خنجر اطعن في قلبي لأني كنت بحبه ك أخ ليا وخنجر أطعن في ضهري لاني كنت مطمن بوجوده وبعتبره سند .كنت خايف اوي اكلمه بس كنت عايز اعرف ليه عمل معايا كده

.........

واتصلت بيه.

يحي.ليه كده يا محمود ده انت كنت اخويا .انا لغايه دلوقتي حاسس اني في كابوس .مش قادر اصدق والله انك انت السبب في خسارتي وقهرتي

محمود.انا اسف يا يحي غصب عني بعد ما بنتك رفضت احمد ابني .والولد جاله اكتئاب شديد .كنت عايز احزنك زي ما انت حزنتني علي ابني كان ممكن تقنعها بس انت موقفتش معايا ولا مع ابني. كان لازم افرحه اني رديت حقه

يحي.حرام عليك يا محمود .الجواز نصيب .بس الخيانه والغدر صفات مش نصيب .كنت اعمي لما اعتبرتك اخويا .الله يسهل لك حالك

..........قفلت يا ريماس وانا مذهول .صاحب عمري عمل فيا كده عشان رفضت ابنه.هو فاكر ان الصفقه هتقهرني وت**رني. بس والله يا بنتي ما وجعني غير الغدر والخيانة

ديه كانت قصتي مع عمك ممدوح.وكل يوم هتقري وتعرفي حاجه جديده عني .بس اياكي تحزني.يا نور عيني

.......قفلت الدفتر وانا مصدومه

ولا مره حسيت من بابا ان فيه حصلت بعد ما رفضت ابن عمو محمود .ازاي كان قادر يداري وجعه كده عشان ميزعلنيش

...ودخل عليا جوزي

كمال.ايه يا روحي مالك سرحانه في ايه

ريماس .مش عارفه يا كمال الابوه ديه حاجه عظيمه اوي .يعني تخيل اكتشفت ان بابا خسر اكبر صفقه في الشركه وخسر صاحب عمره بسبب اني رفضت ابنه

مش بس كده .كمان دايما الابتسامه علي وشه.ودايما يقولي ضحكتك بتنور حياتي

كمال. والله عمي يحي الله يرحمه ما كذب ابدا .لان زي ما ضحتك كانت بتنور حياته .انا كمان ضحكتك بتنور حياتي

ريماس. يا الله?? الحمد لله يارب .رزقتني اب سند وضهر وامان ودفا.ورزقتني زوج سند وعوض عن بابا اللي مات

......

كمال.تعرفي يا ريماس احنا لازم نعمل ايه بالمذكرات ديه

ريماس. ايه يا روحي

كمال.نصلح بيها الماضي.يعني لازم نكلم عم محمود ونحكي له اد ايه كان عمي يحي الله يرحمه حزين جدا علي فراق صاحبه

ريماس. عندك حق لازم نصفي الخلاف ده ونصالحهم ببعض حتي لو كانوا متفرقين. واحد في الدنيا وواحد في الآخره

كمال.ايوه يا ريماس.المهم يسامحوا بعض ويدعوا لبعض

ريماس.طيب خليك معايا وانا بكلمه

كمال.معاك من أول المشوار لغايه نهايه الطريق

ريماس. يارب يا حبيبي يخليك ليا

ريماس.انا خايفه جدا مش عارفه اقوله ايه.

كمال. هاتي انا اكلمه يا ريماس

واتصل كمال ب عم محمود انا كمال جوز ريماس

محمود.اهلا يا ابني ريماس تعبانه ولا حاجه قلقتتي فيه ايه

كمال.لا يا عمي احنا بس عايزينك في موضوع مهم تحب نتقابل جوه البيت ولا بره

محمود.اكيد يا ابني بره.ما انتم عارفين مبقتش اقدر ادخل مكان يحي كان موجود فيه عشان نفسيتي بتتعب

كمال.ماشي يا عمي نتقابل في كافيه قريب من البيت

محمود .ماشي يا ابني سلام

ريماس.روحت انا وجوزي وكنت قاعده ادامه مش عارفه ابدا منين.وبعدين اتكلمت

ريماس.تعرف يا عم محمود ان بابا كان بيعتبرك اخوه .ايه اللي هز علاقتكم كده

محمود.الشبطان يا بنتي الشيطان.بس ملحقتش يا ريماس اعتذر منه .هربت بعيد .مقدرتش اواجه.ولما قررت انزل وارجع اصفي اللي بنا .كان يحي مات?

كمال.احنا عارفين كل حاجه يا عم محمود.عمي يحي كاتب كل حاجه في مذكراته.عشان كده حبينا نصفي اللي بينكم.هو مسامحك اكيد.

لازم علاقتك بينا ترجع زي الاول. عشان انت مش بس عم محمود انت واحد من العيله ديه .واكيد عمي يحي هيكون فرحان بوجودك جمل ريماس

(عم محمود بيعيط)سامحيني يا ريماس.يارب تسامحني يا يحي يا اخويا

ريماس.اكيد سامحك بس اوعي تسبنا تاني. وادعي تخلي حاجه تفرق بنا يا عمي

ومره واحده ضحكت ريماس وكانت سرحانه

كمال.ايه يا روحي .سرحانه في ايه

ريماس. تخايلت بحد شبه بابا وبيضحك لي وفرحان وبيقولي خلي بالك من نفسك

محمود. سامحوني كلكم.انا ماشي

روحنا كلنا .انا روحت علي بيتي اللي كله حب ودفا

وعم محمود روح علي بيته وكلمني من هناك وشكرني جدا اني ريحت قلبه وان الود بينا هيرجع تاني

تاني يوم صحيت علي تليفون عمي محمود

ريماس.خير يا عمي فيه حاجه ولا ايه .انت تعبان

محمود.لا يا بنت الغالي. انا حبيت اقولك اني لسه راجع من المقابر كنت بزور يحي .حكيت له علي كل حاجه وطلبت منه يسامحني

وقولت له اني فرحان جدا انه ساب لي حته منه. قلبها كبيره وطيبه زيه.متعرفيش ارتحت ازاي يا بنتي والله

ريماس.ربنا يخليك لينا يا عم محمود .انا كبرت وانت في وسطنا ويعز عليا الفراق حتي لو بابا اتوفي وكان زعلان منك.اكيد لحظه شيطان

محمود. ربنا يبارك فيكي وفي قلبك الكبير يا بنتي

....

قفلت معاه وانا فرحانه .حاسه ان بابا معايا وما ماتش

ريماس. اللهم يرحمك يا بابا يا نور عيني ويجعل مثواك الجنه