الحقني يا رشدي الجزء الثاني

انتقام بنات 😂

الجزء الخامس

شاديه بتكلم نفسها يا حوستك يا شاديه معقول رشدي موصي عليا عشان يدبسني ولا ايه بس

طيب نقرا القصه التانيه ونشوف بعنوان ايه احييببه ??? اسمها( انتقام بنات )

نرمين:فاكره يا نسرين الواد محمد زميلنا في الكليه عملنا فيه ايه لما عرفنا انه بيحب البت مها وهيخطبها

نسرين:?????متفكرنيش ده يا عيني قعد يعيط زي العيل الصغير لما سجلنا لها وهي بتشتم عليه ب افظع الشتايم وبعتناله من رقم واتس غريب

وهي يا عيني كانت بتشتم في محمد البواب

نرمين:???تصدقي مش قادره انسي شكله وهو قاعد بيعيط

بس تعرفي البت مها كمان تستاهل بت مغروره كده وعايشه دور البرنسيسه في الجامعه

بس ايه رايك في عرفت ا**رها لما روحت اواسي محمد وخليته اتفتح شتايم فيها وبيقول عليها انها مش متربيه والحمد لله انه بعد عنها

نسرين:ده انتي دماغك سم يا نرمين ????البت جالها اكتئاب وحولت جامعه تانيه عشان متشوفش حد تاني ?????

نرمين: طب ما انتي الواد خالد عملتي فيه حته مقلب لغايه النهارده بياخد مهدئات بسببه

نسرين:????فكرتيني بخالد يا نرمين

الواد من الصدمه اغمي عليه

قالي انه معجب بيا وبيحبني

وعزمته علي الاكل في البيت وظبطت البيت وجو رومانسي وشموع وفستان والواد انبهر

وطبخت له قطه جارتنا اللي ميته والواد بياكول ومبسوط وبعدين لقي ديل القطه في الطبق

قعد يرجع واتعمل له غسيل معده وقعد اسبوع عايش ع المحاليل

?????

نرمين:ده انتي قاسيه اوي يا نسرين????

نسرين : يستاهل مش عامل لي فيها حسن شاكوش وجاي يشغل لي حبيبتي افتحي شباكك انا جيت????

اهوه جيه لقضاه

الواد كان راسم انه يسهر معايا ليله في الأحلام

بذمتك مش ابهرته

نرمين :ده انتي مصيبه بس يستاهل

كلهم كلاب ويستاهلوا

نسيتي احمد عمل معايا ايه سابني قبل فرحي ب اسبوع واختفي

وقعدت شهور معرفش عنه حاجه ونفسيتي مدمره

وفي الاخر اكتشفت انه متجوز بنت خالته

ومراته حامل

نسرين:انسي يا بنتي انسي.انتي اصلا خساره في اي راجل

خلينا انا وانتي عايشين مع بعض وفرافيش كده???وبنتسلي عليهم

نرمين: ????عندك حق يا قلبي انتي

احنا فريش وفرافيش احنا فريش نحب نعيش???

نرمين ونسرين اختين تؤام

الظروف جت عليهم جدا من وهما صغيرين

اهلهم اختفوا من وهما عندهم ١٠ سنين ولغايه دلوقتي محدش عارف

اختفوا ازاي و ليه

عايشين ولا ماتوا

خدتهم خالتهم اللي كانت مطلقه

بسبب انها مبتخلفش

ربتهم لغايه ما دخلوا ال ٢ مع بعض كليه تجاره

ومن شهور بسيطه خالتهم اتوفيت

وكتبت لهم كل ما تملك ب اسمهم

وحاليا البنات في ٣ كليه تجاره

عايشين لوحدهم مرتاحين

وبيصرفوا من الفلوس اللي سابتها خالتهم

نسرين :يلا ننام عشان بكره عندنا محاضره بدري وفي دكتور جديد وانا مش عايزه وجع دماغ

نرمين:خلاص يا قلبي تصبحي على خير

تاني يوم

نسرين:اصحي يا نرمين الساعه ٧ والمحاضره ٨ كده هنتأخر

نرمين:خلاص انا صاحيه متقلقيش هنوصل في المعاد

قاموا ولبسوا وجري علي الكليه وصلوا الساعه ٨ وربع

خبطوا ودخلوا

وقعدوا

بص لهم الدكتور

الدكتور. انتوا ازاي دخلتوا

نرمين :دخلنا من الباب يا دكتور

الدكتور. الله ده انتي دمك خفيف اوي

نرمين :لا يا دكتور انت اللي سؤالك غريب

الدكتور. طيب اطلعي بره

نرمين :معنديش مشكله خالص واضح اصلا اني مش هستفاد منك حاجه غير الصداع

الدكتور:انتي قولتي ايه?

نرمين علت صوتها وقالتله قولتلك واضح اني مش هستفاد. حاجه منك غير الصداع

الدكتور :انتي مش محترمه انتي اسمك ايه

نرمين :بصت له ب ارف وخرجت

و طلعت وراها نسرين

قعدوا ال٢ محروق دمهم

وبيبصوا لبعض

نرمين:الدكتور ده انا هعلمه ازاي يغلط فيا

نسرين :اهدي يا نرمين انتي عارفه ان من ساعه اللي حصل معانا قبل كده مبقيناش بنسيب حقنا

احنا هنعرف نربيه كويس اوي

..وهما بيتكلموا لغي الدكتور المحاضره وطلع لقاهم واقفين علي الباب

جه عشان يكلمهم سابوه ومشيوا

روحوا البيت وكان دمهم محروق

نرمين:تصدقي بقالي كتير مخنوقه وعندي طاقه كده ومش عارفه اطلعها في ايه

قولي لي الدكتور ده اسمه ايه

نسرين:أسمه أحمد يحي

نرمين:طيب حلو اوي يلا نبدا الشغل

اتصلي يا نسرين بالواد احمد حقنه وقولي له يجي لنا ع البيت

نسرين:يااااه???? ده انتي ناويه تسلخي الراجل هتبدأى ب احمد حقنه?

نرمين:?????اصبري بس ده انا هجيب له بواسير

نسرين:حمودي

احمد حقنه:باشا

نسرين:عايزينك في حوار شقاوه كده بس ع السخان نص ساعه تكون عندنا في البيت

أحمد حقنه جارهم من زمان وزميلهم في تنفيذ المصايب وأقرب واحد ليهم

: بعد نص ساعه خبط الباب وفتحت نرمين

نرمين:حمودي في واحد عايزه يطلع عين أهله والنهارده مش بكره

حمودي:???شكلك اتلسعتي جامد النهارده طالما سخنه كده

نرمين :بقولك ايه انت جاي تهزر

حمودي:يا ستي انا معاكي في اي حاجه?احكي وانا سامعك

...قعدت نرمين تحكي له علي اللي حصل وطلبت منه ساعه زمن ويكون عندها بيانات عنه

فعلا بعد ساعه اتصل

حمدوي:يا نيرو .أسمه أحمد يحيي عنده ٣٣ سنه ساكن في شقه في المعادي لازقه في محل كنتاكي علي طول .في الدور ال ٣ شقه ١٢

كان متجوز وطلق ومعندهوش اطفال

وحاليا قاعد في الشقه لوحده يعني انتي واحده مرزقه????

وهتقدري تنتقمي منه من غير ما حد يعرف

نرمين:تمام بحبك وانت فاهمني

أعزب يعني اكله من بره واكيد بياكول من كنتاكي صح

حمودي:طبعا صح

نرمين:طيب حضر الم**ر بتاعنا وعدي علي البيت هاته

حمودي:نرمين اهدي انتي ناويه تعملي ايه.انا قلقان حاسس انك داخله سخنه.ننتقم منه بس بالعقل

نرمين :بقولك ايه يا أحمد هتجيب الم**ر ولا لا

حمودي :هجيبه حاضر

نسرين :م**ر ايه يا نرمين انتي ناويه تعملي ايه في الدكتور .اهدي احنا كده هنروح في داهيه ومستقبلنا هيضيع

نرمين:ناويه اذله زي ما ذلني ادام اصحابي واحرجني

نسرين:طيب انا معاكي زي ما اتعودنا قولي لي هنعمل ايه

نرمين :احنا هنروح ونقف نراقب البيت بتاعه ونشوف بيطلب الاكل وبيطلع بيه ولا الدليفري بيطلع له

نسرين:ولو في مواعيد معينه بيطلع الدليفري فيها يبقي احتمال كبير طالع للدكتور

نرمين:نبعت الواد حمودي يطلع بالاوردرو ويرش في وشه المخدر

نسرين:ندخل احنا بقا ونشوف هنعمل فيه ايه

نرمين:????أحلي حاجه انك بتكمليني في كل حاجه

فعلا بداؤ يراقبوا الدكتور بس اكتشفوا ان مش بس بتاع كنتاكي اللي بيدخل البيت

ده في محلات كتير بتيجي ع البيت

علي مدار اسبوع كامل بيراقبوا الدكتور

ومش بيروحوا الجامعه

زهقت نرمين وقررت تطلع وخلاص

طلعت نرمين ونسرين ومعاهم المخدر

خبطوا ع الدكتور أول ما فتح رشوا الم**ر في وشه

ثواني واغمي عليه

دخلت نرمين ونسرين وقفلوا الباب

نسرين:هنعمل ايه دلوقتي يا نرمين نرمين :هنحطه علي السرير وهنام جمبه وتصوريني و بعدين هنشوف لو عرفنا نفتح تليفونه هنبعت له الصور ع التليفون ????

نسرين:تصدقي يا نرمين صعبان عليا اوي طيب تعالي نسيبه و نمشي

نرمين :انتي اتجننتي يا نسرين هو اصلا شافنا يلا من قبل ما يصحي

وهوب وقعت نسرين من ع السرير وصحيت نرمين علي صوت الخبطه

نرمين.ايه يا بنتي فزعتيني هو انتي هتفضلي تحلمي كل يوم و تقعي من ع السرير

نسرين.حلمت يا بت حلم حلو اوي. حلمت اننا بهدلنا الدكتور أحمد وفضحناه ???

نرمين.يا ساتر عليكي غلاويه اوي كل ده عشان طردنا يا بنتي ما احنا اللي متأخرين

نسرين.برضه كان لازم يكون لطيف?

نرمين.طيب يلا يا اختي ماما زمانها صحيت هي و بابا يلا عشان نفطر معاهم

شاديه.احيييه علي ديه قصه .انتوا بتشتغلوني?

ونزلت شاديه لمامتها

شاديه.تعالي شوفي يا ماما قريت أول قصتين وحاسه اني مش هعرف امثل?

صباح.متقوليش كده يا بت انتي عايزه رشدي يشمت فينا. تعالي نمثل دور مع بعض عشان تاخدي ثقه في نفسك تاني يا روحي

شاديه .يا ريت يا ماما يلا نبدا

صباح.يا شهد يا بنتى تعالي عايزك في موضوع مهم

شاديه.مالك يا بابا قلقلتني ولابس اللى على الحبل ومتشيك رايح فين كده يا شقي؟ فرح ولا ايه

صباح. حاجة زى كده يا بنوتي أصلى رايح أخطب

شاديه.ط.رايح تخطب .مش فاهمه يا بابا تخطب لحد يعني

صباح.لا انا رايح اخطب واحده ??

شاديه. يا لهوي يا بابا وايه اللى فكرك بعد السنين دى كلها.ما هي ماما متوفيه من سنين

صباح : مش كنت بستعد نفسيا يا بنتي تفتكري هاعجب العروسة وهتوافق عليا ولا ايه

شاديه .دا انت هتعجبها بالثلث .. دا لو قابلتك هاتمسك فيك جامد?? ديه لو اتجوزتك

هتصحي كل يوم الفجر تشكر ربنا عليك ?ده انت ولا كمال الشناوي في زمانك يا بابا

وصحي رشدي من النوم

رشدي. خير يا ست صباح انتي و شاديه بنتك

صباح.هو اللي يشوفك يشوف خير يا جوز بنتي

شاديه. ماما كفايه بقا رشدي هيزعل

وفجأة رشدي جاله تليفون واتخض يا تري مين اللي كلم رشدي وقاله ايه ده اللي هنعرفه الجزء اللي جاي??