CHAPTER 81
Nakangiti siya sa akin habang naglalakad ako. Yung ngiting nakita ko a kanya noong nagpapanggap pa lang na ako si Kai. Nang gabing akin lang ang kanyang buong atensiyon. Bumalik ang lahat-lahat ng naramdaman ko noong nababaliw pa ako sa kanyang pagmamahal. Nawala ang agam-agam ko. Ang takot ko. Ang inis ko. Ang galit ko.
Alam ko in that moment na mahal niya ako. Kahit pa na may Kai siya, mahal pa rin niya ako.
Habang naglalakad ako, napansin ko ang isang itim na tela na nagdi-divide sa kabilang bahagi ng roof top. Ang tanging open lang ay sa bahaging pool at ang kinatatayuan ni Zeke. Pero ang dinadaanan kong red carpet ay puno ng petals ng bulaklak lalo na sa gitna palapit sa kanya. Ginastusan, pinaghandaan, pinagbuhusan ng panahon lalo pa’t pati sa taas ay may mga baging na
