BUMUKAS ang pintuan ng kanyang duplex. Nayakap ko ang aking suot sa lamig ng silid. Ang t-shirt na isinuot ni Jasper sa akin kanina. Na tanging tumatakip sa hubad na katawan ko. Bitbit ang iba pang nawasak na mga gamit ko. Hindi ko pa rin alam kung paano magsisimula.
Alangan akong nagsalita. "U-Uh, pupunta lang ako ng banyo." Nakatungo kong paalam. Kahit hindi ko nakikita, alam kong tumango siya.
Mabilis kong isinara ang pintuan ng banyo. Napaharap ako sa salamin. Gulo ang buhok, mugto ang mga mata, nakabakat sa t-shirt ko ang hubad kong katawan. Paano ko pa ipagkakaila?
Bumagsak sa sahig ang hawak kong mga nasirang gamit. Higit na tumambad sa salamin ang aking sarili. Kitang-kita ko ang tunay kong anyo. Napalunok ako nang bumaba ang tingin ko sa dibdib ko. At napabuntong hininga. Paano
