HULI na bago ko napigilan ang bibig ko. s**t, ano'ng nasabi ko? Parang inamin ko na rin kung ano ang palagay niya sa akin.
Pagsulyap ko kay Jasper ay nahuli ko ang pagkuyom ng kanyang kamao. Tutok ang mga mata niya sa labas ng bintana at hindi ko makita ang reaksiyon sa mukha niya.
Tensiyon. Katahimikan ang bumalot sa loob ng sasakyan. Hindi na ako muling nagsalita pa at baka madagdagan lamang ng mali ang lumabas sa bibig ko.
Ilang kanto na lamang bago marating ang mansiyon nang magsalita si Jasper.
"Ituloy mo sa rancho!" utos niyang sa malayo pa rin nakatingin.
"Pero hinihintay na tayo ni Don Diego." Bilin ng ama ni Jasper na pagkatapos ng pagtitipon ay dumiretso ako sa opisina niya sa loob ng mansyon. At doon i-ulat kung ano ang pinaggagagawa ng anak niya.
"You're really eager to t
