Naging tahimik lang si Sir Rhuel at walang kahit na anong binanggit tungkol sa babaeng si Vera.
Halatang apektado siya sa pagpapakita ng posibleng nanay ni Ron.
Pero kung siya nga ang nanay ng bata ay anong klase namang nanay ang tulad niya?
May nanay ba na hindi man lang pinansin ang anak kahit ilang metro lang ang layo sa kanya?
Imposible naman na hindi niya napansin ang bata na nagbibiseklata lang sa bakuran.
Ngayon lang yata ako nakatagpo talaga ng gaya niya.
Pero mas mabuti na nga rin siguro.
Hindi ko yata kakayanin kapag may tinawag na ibang mommy si Ron lalo pa at naririnig ko.
Parang alam ko na mawawasak ang puso ko kapag mas may minahal na siyang ibang nanay.
Hindi man ako ang tunay niyang nanay pero sa maikling panahon ay minahal ko na siya bilang anak ko.
Napatulog ko
