Ilang araw na ngang pumapasok ng paaralan si Ron. At ilang araw na rin akong parang tanga na nagbabantay malapit sa paaralan niya. Panay pa ang silip ko sa classroom niya na mabuti na lang talaga at nakikita ko mula rito sa pwesto kung saan ako nakakubli para hindi niya rin mapansin.
Maya't-maya ang tanaw ko sa kanya lalo na kapag nawala siya sa paningin ko.
Okay naman si Ron.
Nakakasabay naman siya sa mga lecture na tinuturo ng kanyang guro at mababait naman ang kanyang mga kamag-aral.
Madalas nga siyang nagtataas ng kamay o kaya tumatayo para sa recitation.
Hindi nga lang ako nakakatiyak kong alam ng mga kamag-aral niya na anak siya ng isa pinakamayamang haciendero ng lugar namin.
Pinakiusapan ko ang kanyang class adviser na huwag tratuhin na special ang anak ko at ituring ito gay
