Visitor
Ilang minuto matapos makaalis si Tyson ay dumating si Nanay Lily sa kwarto ko. May bitbit na siya ngayong tray na may pagkain at… cold compress? May bandage din na nando’n.
“Kamusta ang pakiramdam mo, ija? Masakit pa rin ba? Hay, naku! Buti nalang at sabado bukas.” Bungad nito sa akin. Hindi ako sumagot at nanatili lang sa tray na hawak niya ang tingin ko.
“Nagugutom ka na ba?” tanong nitong muli. Lumapit ito sa akin at naupo sa ibabaw ng kama ko.
“Paano n’yo po nalaman na kailangan ko ang mga ‘yan?” tanong ko sa kaniya habang nakaturo sa mga kailangang gamit sa paa ko. Napatingin rin siya do’n at napangiti.
“Ah, ito ba kamo? Si Tyson ang nagsabi sa akin na kailangan mo nito. Nagkasalubong kami kanina sa hagdan noong pababa na siya at sabi niya ay para ito sa paa mo,” sagot
