"Asan ang isang libo ko?"
Napahinto siya sa pag-inom ng tubig. Pareho kaming nauhaw sa ilang metro na nilakad namin kaya pagkapasok namin sa kaniyang unit ay dumiretso agad kami sa kitchen. Mula DRIS hanggang dito ay wala kaming kibuan. Nabibingi na ako sa sobrang katahimikan sa pagitan namin kaya ako na mismo ang naunang nagsalita.
Tiningnan niya ako nang kunot ang noo.
"Bayad mo sa pag-kiss sa akin. Huwag mong kakalimutan, 1k din iyon," nakataas ang kilay na sambit ko.
Pinabukol niya ang kaniyang pisngi gamit ang dila at nakapameywang na humarap sa akin. "That kiss is your punishment. Bakit ka nagsinungaling sa akin? Sabi sa rooftop ka lang? Kung hindi kita sinundan baka nagahasa ka na ng gagong iyon!"
Sandali pa akong napanganga, medyo nanibago ako sa tono ng pananalita niya. Para
