MATALIM siya nitong tiningnan. Ang luwang nang naging ngiti niya rito.
Ang totoo ay lasing talaga siya kanina. At totoong hinimatay talaga siya. Kasalanan din naman niya dahil hindi niya narinig ang pagbusina nito at hindi siya tumitingin sa dinaraanan niya. Abala kasi ang isip niya sa ibang bagay kaya huli na nang mapansin niya ang sasakyan ng guwapong ito na parating. Sa tindi ng nerbiyos niya ay hinimatay siya.
Nang magising siya ay nasa loob na siya ng sasakyan nito. Hindi kaagad niya nakita ang itsura nito pero ng mapansin niyang ubod ito ng guwapo pagkatapos ng ilang sandaling pagtitig niya rito kanina ay para siyang sinapian ng kung ano – inasar niya ito. Inasar pero ang totoo ay gusto lang niyang magpa-cute dito. Na hindi normal sa kanya. Hindi siya nagpapa-cute sa kahit na kani
