“NEXT po!”
Pagkarinig ng sinabi ng cashier sa unahan ay humakbang si Ava palapit sa cashier. Kasalukuyan siyang nasa isang coffee shop ng umagang iyon. Kagagaling niya sa ‘trabaho’ bilang kasambahay at dahil araw iyon ng Linggo ay day-off niya. Nauna na siyang umalis kanina kina Gracia at Adonis. Nagbilin sa kanya si Melissa na dapat bago mag-alas sais ay nakabalik na siya dahil maghahanda pa sila ng hapunan ng mga amo na tinanguan lang niya. Ngayon ay dumaan siya sa coffee shop dahil iyon ang request ng dalawang kasama sa kanya kaninang tinawagan niya ang mga itong uuwi siya. Nakakatikim daw kasi ang mga ito ng masarap na kape kaya pinagbigyan na rin niya.
“Hello Ma’am. Welcome to our coffee shop. Ano po ang order nila?” Magalang at matamis ang pagkakangiting tanong ng babaeng cashier k
