“L-LUCY? A-Anong ibig sabihin nito? A-Anong ginagawa mo?” magkasunod na tanong ni Louie. Nanlalaki ang mga mata nito bumuway ang pagkakatayo.
“Anong ibig sabihin nito?” pag-uulit ni Lucy sa tanong ni Louie saka ito pagak na tumawa. “Isa lang naman ang ibig sabihin ng lahat ng ito. Kasama nila ako at babarilin na kita ngayon kung hindi mo pa ibibigay sa akin ang pera.” Humawak pati ang isang kamay nito sa baril na hawak.
“Pero ----.”
Hindi na naituloy ni Louie ang sasabihin dahil umalingawngaw na ang malakas na putok ng baril. “Ang dami mo pang sinasabi!”
Natigalgal silang tatlo nila Kasper at Tisoy. Maging si Lucy ay nabigla sa malakas na tunog. Ni hindi na nagawang kumurap ni Ava at nakasunod nalang ang tingin sa babae. Umagos ang dugo sa balikat ni Louie na siyang pinuntirya ni Lucy
