UNTI-UNTING nagkamalay si Gracia. Dahan-dahang nagmulat ang kanyang mga mata. Unang sumalubong sa kanya ang mataas na kisameng hindi rin niya masyadong maaninag dahil madilim. Nagsalubong ang kanyang mga mata. Kailan pa naging ganoon kadilim sa kanyang silid?
Subalit sa isang beses niyang pagkurap ay biglang gumitaw sa kanyang diwa ang lahat ng nangyari bago siya mawala ng malay. Naalala na niyang hinimatay siya kanina sa hardin pagkatapos siyang atakihin ng mga multo.
“Nasaan ba ako?” dahan-dahan siyang bumangon. Wala siyang maalalang naglakad siya at napunta sa lugar na iyon. Ibig sabihin ay may nagdala sa kanya sa kung saan man siya naroroon ngayon. Subalit sino ang magdadala sa kanya roon?
Nang tuluyan siyang makatayo ay iginala niya ang tingin sa paligid. Bahagya roong madilim at i
